Linge 102:1 - Ghari

¹ !Taovia ko rongomi vatavia niqu nonginongi, ko rongomiau inau au ngangaidato vanigo rongona ko sangaau!

Linge 102:1 Referans Kwoze

Linge 18:6

I laona niqu rota inau au ngangaidato vania na Taovia. Au ngangaidato vania niqu God rongona aia ke sangaau. Mi laona nina vale tabu, aia e rongomia na tatangina na lioqu. Me rongomivatavia niqu ngangaidato vania.

Linge 61:2

!Au totu ao tania na veraqu, me ponopala sosongo na tobaqu, mau soago igoe ko sangaau! Ko adiau bâ kesa tana nauna i tana kau totu raviravi dou,

Linge 39:12

Ko rongomia niqu nonginongi Taovia, mo ko rongomi vatavia niqu ngangaidato vanigo. Ko laka na ponotiana na kulimu kalina inau au nongigo ko sangaau. Rongona inau au nimu tinoni totogoro moa igoe kesa tana tagu tetelo lê moa, vaga nogo igira na mumuaqu i sau.

Binaboli 2:23

Me visana na ngalitupa i muri, ma na taovia tsapakae ni Ejipt e mate, migira na Israel ara rota babâ moa tana aqotseka mara ngangai dato vania God ke sangagira.

Hibru 5:7

Mi kalina a Iesu e mauri i barangengo, me danga kalina aia e nonginongi kakai me ngangai dato (vania) God, rongona aia segeni taingoimana ke maurisia tania na mate ti vaga aia ke ngaoa. Ma na rongona a Iesu e kukuni tania God, me molotsuna segenina i matana, te aia God e rongomiginia nina nonginongi.

Luka 22:44

E ngolia tobana na rota loki sosongo, maia e nonginongi kakai goto baa, me gini maono na gabu me kukudutsuna tana kao.

Tangitangi 3:44

E vaga moa ti e totu kesa na parako bau matolu sosongo e utusia nimami nonginongi ke liu sage bâ i laona.

Tangitangi 3:8

Au ngangaidato vania God laka ke sangaau, maia e tau goto rongomia niqu nonginongi.

Linge 143:7

!Taovia, kalina nogo ia ko tugumai vaniau niqu goko! E puka lê sui nogo niqu amesi. Ko laka goto na taopoi taniaqu, kau tau vaga igira ara ba tsuna nogo tana barangengo na mate.

Linge 143:4

Me vaga ia, me varavara nogo kau pukavisu lê, mau seko pitsu saikesa nogo.

Linge 5:2

!Ko rongomiau kalina au nongigo ko sangaau, igoe niqu God ma niqu taovia tsapakae! Au nonginongi vanigo Taovia;

2 Turupatu Dato 30:27

Migira na manetabu ma na Levite ara nongia na Taovia ke tabugira na tinoni. Mi tana verana segeni nogo i gotu i baragata, maia God e rongomia niqira nonginongi me tabedougira.

1 Samuel 9:16

“Ke dani tana tagu vaga nogo kalina ia, inau sauba kau molo bâ vanigo kesa na mane tana puku konina a Benjamin; mau ngaoa igoe ko ninaginia na mona i lovana, me ke lia niqira tagao niqu tinoni ni Israel, me sauba aia nogo ke laumaurisigira tania na limaqira na Pilistia. Inau au morosinogoa niqira rota niqu tinoni, mau rongomigotoa niqira ngangaidato vaniau gana kau sangagira.”

Tinoni Pede 10:16

Migira ara tû mara tsoniligigira pipi sui niqira god peropero, mara samasama tugua vania na Taovia. Mi tana maia na Taovia e galuvevisugira na Israel rongona e reia laka ara totu tana rota loki sosongo.

Linge 145:19

Aia e tusule vanigira igira ara kukuni tania na omea sui ara nongia i konina; me rongomia niqira ngangaidato vania me maurisigira.

Linge 77:3

Mi kalina inau au padâ God, mau ngangai i laona na tobaqu; mi kalina au totu mui mau papada, me ponopala lê na tobaqu.

Linge 62:8

Igamu niqu tinoni kamu noru sailaginia moa God. Katevulagia vania aia pipi na omea sui e ngoligamu, rongona aia nogo nida mani totu raviravi.

Linge 42:4

E seko manana nomoa na tobaqu kalina au padavisugira na omea ara laba i sau, kalina au dulikolugira na toga mami bâ tana valena God mau idana sautu vanigira kalina ami vavano i tana, migira na toga ara magemage mara lilinge mara gudato tana tsonikaeana God.

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”