Linge 100:4 - Ghari

⁴ Sage bâ i laona nina Vale Tabu, mi tana kamu soadoua ma kamu tsonikaea. Kamu soadoua ma kamu tsonikaea na asana.

Linge 100:4 Referans Kwoze

Hibru 13:15

Vaga ia, migita a tutunina nogo a Iesu Kristo, nida aqo ti ka tsonikae sailaginia God ngiti nida savori vaniana. Maia nogoria igita a naua pipi kalina igita a koevulagia laka a Iesu aia nogo e Taovia.

1 Turupatu Dato 29:13

Mi kalina ia, igami ami soadougo igoe nimami God mami tsonikaea na asamu tabu.

Linge 66:13

Me sauba inau kau adigira bâ na savori-kodokodo i laona na valemu; ma kau savori vanigo na omea inau au vekenogoa vanigo.

Isaia 35:10

Me sauba kara gini mage na labavisutugua i Jerusalem, ma kara lingelinge ma kara gugudato tana magemage. Me sauba kara magemage na dani ma na dani, me ke tau goto ngoligira na melu ma na vatsangi savi.

Linge 96:2

!Linge vania na Taovia ma kamu tsonikaea! Pipi dani kamu katevulagia laka aia nogo e maurisigita.

1 Turupatu Dato 29:20

Mi muri, ma David e ketsaligira na toga me tsaria, “!Igamu sui kamu tsonikaea na Taovia nimui God!” Mi tana, migira sui lakalaka na toga ara saikolu i tana ara tsonikaea na Taovia niqira God na mumuaqira, mara tao tsuporu i matana na Taovia mi matana goto na taovia tsapakae.

Linge 65:1

Igoe God e ulagamami sosongo nomoa ti kami tsonikaego i Sion, ma kami manaligira na veke ami naua vanigo,

Linge 95:2

Ka tû i matana ma ka soadoua, ka linge tana mage ma ka tsonikaea.

Linge 96:8

Soadatoa na asana tabu na Taovia; adimaia nimui sausau ma kamu sage i laona nina Vale Tabu.

Linge 99:3

Migira na tinoni sui sauba kara tsonikaea na lokina ma gana tangirongo na asana tabu. !Aia segeni e tabu loki!

Linge 122:2

!Mi kalina ia, migita a mai sage nogo i laona na matsapana na vera ni Jerusalem!

Linge 122:4

Mi konina nogo ia ara kalemaia igira na duli sui ni Israel, igira nina tinoni nogo na Taovia, rongona e totu nogo i laona na mamarena nina ketsa na Taovia laka i tana nogo kara soadoua.