Linge 10:9 - Ghari

⁹ me pipitu i laona nina nauna na mani taopoi vaga moa ti na laeone. E totu pitugira na tinoni ara tau tamanina sa omea, ti ke sogotigira tana nina taviti me ke raqaligigira.

Linge 10:9 Referans Kwoze

Linge 17:12

Ara pituau vaga moa ti na laeone veveiga, mara ngaoa moa kara ngotsiau.

Linge 59:3

!Reigira bâ! Igira ara tû mara pipitu nogo rongona kara labumatesiau; igira na alaala na tinoni seko sosongo ara saikolumai nogo rongona kara tangoliau. Me tau tana rongona sa niqu sasi inau se kesa na omea tau goto au naunogoa,

Mika 7:2

Me tagara lelê goto sa tinoni ke gotolaka na sasagana ke totuvisu tana kao ia, me tagara goto ke kesa ke totu kakai konina God. Pipi gira sui ara totu matengana moa na lave sautuna na labumate, ma na sekoliaqira gaqira verakolu.

Linge 35:10

Mi tana tobaqu popono sauba kau tsarivania na Taovia, “?Taovia asei nomoa ke vaga igoe? Igoe o maurisigira ara maluku tania na limaqira igira ara susuliga liusigira; migira ara tau tamanina sa omea tania na limaqira igira ara rotasigira.”

Ioane 10:12

Na mane aqo qolo moa, me tau tamanigira manana na sipi, kalina ti ke reia na pai atsi ke mai, maia sauba ke mololegira na sipi me ke tsogoligi tanigira. Me ke labamai na pai atsi me ke takuvi rasavaginigira na sipi, me ke gatigira visana.

Sekaria 11:3

!Igira na tagaovera ara ngangaidato tana padasavi loki, rongona e puka lê gaqira tangirongo! !Kamu rongomigira na laeone ara kanga loki, rongona e toroutsa sui nogo na veraqira i laona na goana atsi ligisana na Kô Jordan!

Habakuk 3:14

Ma nimu pipili ara ba toka i konina gaqira taovia tagao na mane vaumate, kalina ara maimai tsaku vaga moa na viru gana kara sarangasiginigami, mara gini mage sosongo na sekoliamami, vaga moa kesa na mane e taopoi me pipitu gana ke labu novotigira igira ara tau tamanina sa omea.

Amos 3:4

?Laka kesa na laeone e dona ke tavongani kanga loki tana goana, ti vaga ke tau vati tsodotalua sa gana lamuta? ?Se laka kesa na dalena laeone ke tavongani ngeo i laona babana, ti ke tau tangolitalua kesa na omea ke gania?

Esekiel 22:29

Igira ara tamani levo ara dona moa na peqo ma na komi, ma na rotasi sekoliaqira na tinoni ara tau tamanina sa omea, migira goto na tinoni ni veratavosi ara totu i laoqira.

Tangitangi 3:10

Aia e totupituau vaga moa kesa na bea, me tsipuliau vaga moa ti na laeone.

Isaia 32:7

Na tinoni bule e tinoni seko, me naua moa na omea seko. Aia e vorogokona sailagi na perogaqira na sekona lê gana ke toroutsanigira, me ke utukapusia kara adia na pedegoto tana tinete.

Isaia 3:15

?Masei nogo e tsarivanigamu kamu bingi sekoligira niqu tinoni, ma kamu gini mauri tana niqira omea na sekona lê? Inau nogo na Taovia God Susuliga Sosongo au tsaria na omea iani.”

Goko Tabana 28:15

Ti vaga kesa na tinoni seko e tagao me bingi sekoligira igira ara tau tamanina sa omea, maia e vaga moa kesa na laeone veveiga se na bea e singosingo bamai.

Goko Tabana 22:16

Ti vaga ko tusu vangalaka vanigira na tinoni tamani omea levo, se ko bingi sekoligira igira ara tau tamanina sa omea rongona moa o ngaoa ko tamani omea danga, me sauba igoe segenimu goto nogo ko tau saikesa tamanina sa omea.

Goko Tabana 14:31

Me ti vaga ko bingi sekoligira na tinoni ara tau tamanina sa omea, migoe o peâ God aia e aqosigira; me ti vaga o tobadou vanigira igira ara kili sasanga, migoe o gini tsonikaea God.

Linge 140:5

Igira na tinoni kaekae ara vangaraunogoa vaniau gaqu taviti; ara molo kapusia niqira pidipidi tana kau liu bâ, mara matalogoa niqira taviti gana kau sogo i laona.

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

Aqoaqo 23:21

Mo ko laka lelee na rongomiaqira, rongona ara liusia vati sangavulu na mane sauba kara taopoi i sautu ma kara pitua. Ara naunogoa niqira veke, mara vatsa laka kara tau mutsa ma kara tau inu poi kara labumatesi talua aia. Mi tana igira ara vangarau sui nogo, mara pipitua moa kara rongomia nagua ko pedea igoe.”

Habakuk 1:15

Igira na Babilonia ara gini kautsi tinoni na salili vaga saikesa moa ara naua vania na tsetse. Mara sogotigira tana niqira vugo, mara gugû tana magemage.

Jeremia 5:26

“Mara visana tinoni seko i laoqira niqu tinoni, ara vaga saikesa moa na mane e moloa nina vale samoa agana ke gini sogo na manu. Igira ara moloa niqira taviti gana na tinoni kara gini sogo i laona, ma kara puka tana sasi.

Linge 37:14

Igira na tinoni vanga tsutsukibo ara langanogoa niqira isi mara naria niqira parige, na mani labuaqira igira ara tau tamanina sa omea, migira ara kilia na sasanga, ma na labutsapiaqira igira e goto niqira sasaga.

Linge 109:31

rongona aia nogo e isutuguna na tinoni e tau tamanina sa omea me laumaurisia tanigira ara pedematesia.

Nina Papi A Job 38:40

kalina ara totu popoi i laona na pokopoko, mara kenavia gaqira omea kara gania?