Linge 10:7 - Ghari

⁷ I laona na mangana aia e danga moa na gokoseko, na pero, ma na gorara tinoni; mi vavana na lapina e totu na goko vavanga ma na goko saisai.

Linge 10:7 Referans Kwoze

Linge 7:14

Kamu reia bâ niqira omeomea na tinoni vanga tsutsukibo gira; igira nogo ara nausautuna na nauseko mara dona sosongo na goko valovalo.

Nina Papi A Job 20:12

“Na tinoni vanga tsutsukibo e padangao sosongolia na nauseko me tau goto ngaoa na mololeana, vaga moa kalina kesa e padangaoa na ganiana na mutsa puipui, me moloa i vavana na lapina gana ke gini totu oka na puina.

Linge 144:11

Maurisiau tanigira gaqu gala seko sosongo; mo ko laumaurisiau tania na limaqira na tinoni ni veratavosi, igira ara tau lelê dona na tsariana sa goko mana, me atsa moa ti kara vatsa mara peropero moa.

Linge 140:9

Ko laka na tami ke managaqira igira gaqu gala; mo ko naua ma na omea seko igira ara ngaoa na nauvaniaqu inau, ke kidivisu me ke gado i koniqira segeni.

Linge 140:3

Na lapiqira e vaga moa na muata e dona na gatimatesi tinoni; ma niqira tsaqina goko ara gini sekoli tinoni, vaga moa na muata vogata e totu na tabatu i konina.

Linge 73:8

Ara kiataginigira na tinoni tavosi mara goko seko vanigira; ara kaekae mara vorogokona sailagi na bingi sekoliaqira na tinoni tavosi.

Linge 64:3

Igira ara asa vavangâ na lapiqira vaga moa ti na isi; mara matania niqira tsaqina goko na keliseko vaga moa ti na pipili.

Linge 59:12

Na sasi e totu sailagi moa tana tutubena na mangaqira; pipi gira sui lakalaka niqira tsaqina goko ara tsonia ara sasi sui moa. !Migoe ko naua migira kara sogo segeni i laona niqira kaekae! Rongona nogo ara dona sosongo na vatsa seko ma na goko peropero,

Linge 52:4

!Na vanga pero igoe, mo dona sosongo na sekoliginiaqira na tinoni nimu tsaqina goko peropero!

Linge 36:3

Nina goko ara seko sui, me dangatovu na pero i laona; e tau lelê naua sa omea sasaga se sa omea dou.

Mateo 12:34

!Dalena muata igamu! ?Ke koegua vaga ti kamu dona na tsoniana na goko dou, kalina e kuma vaga ia na tobamui? Rongona na mangana tinoni e gini goko moa na omea ara talumai i laona na tobana segeni.

Jeremia 9:3

Ara manogatia na lapiqira na tsoniana moa na goko pero, vaga moa kesa na mane e vangarau manogatia na gini vanavana nina pipili. Ara vô saikesa na goko mana, ma na pero moa e dato susuliga i laona na kao popono. Ma na Taovia e tsaria, “Igira niqu tinoni ara naugira na omea tabaruga ara vaitsarimurigi, mara tau goto boeginiau inau niqira God.”

Isaia 59:4

Mi kalina amu vano tana tinete mamu tau saikesa naua na pedegoto. Igamu amu vataragi moa tana nimui goko pero ke gini managamui. Mamu botsangia moa na omea seko mamu sekoliginigira na tinoni tavosi.

Goko Tabana 30:8

ko sangaau ma kau tau dona na goko peropero, mo ko laka na tamivaniaqu kau tamani omea danga sosongo, se kau tau saikesa tamanina sa omea. Me vaga ia, minau au nongigo ko tusuvaniau gaqu mutsa vaga e tuguau moa.

Goko Tabana 21:6

Na qolo igoe o adia tana peqo e tau oka me nanga lê, me dona ke raqavanogo tana taviti na mate.

Linge 144:8

igira ara tau lelê dona na tsariana sa goko mana, me atsa moa ti kara vatsa mara peropero moa.

Linge 62:4

Migamu amu ngaoa moa laka kamu aditsunâ tania nina sasana totukae; mamu gini mage moa na tsoniana na goko peropero. Tana mangamui lê igamu amu soadouginia, mi laona na tobamui amu vealaginia moa.

Linge 58:3

Na tinoni vanga nauseko ara liu sasi tana mauriqira popono; tû tana dani ara botsa ara dona moa na tsoniana na gokopero.

Linge 55:21

Nina tsaqina goko ara pui dou, mi laona na tobana e totu moa na reisavi tinoni; ma nina tsaqina goko ara malutsi liusia bâ na oela, mara vavanga saikesa nogo vaga moa ti na isi vavanga.

Linge 41:6

Kalina igira ara mai na tsigoviaqu mara tsonia moa na goko kobakoba lê. Ara tsakosaigira na turupatu peropero tana rongoqu inau, mi muri mara vano mara gini goko gaqu bamai pipi tana nauna sui.

Linge 12:2

Igira sui lakalaka ara vaiperogi moa; mara gini vaivalogi moa niqira goko puipui.

Linge 5:9

Nagua sui moa ti kara tsaria igira gaqu gala me utu saikesa vaniau kau tutunina; igira ara kilia moa na raqasasili tinoni. Na mangaqira e gini mabulu na pero, me dangaligira na tabatu na mate.

Nina Papi A Job 15:35

Ma na tinoni vaga gira ara dona sosongo na vorogokona manoga na tangopeke ma na nauana na omea e seko; ma na perobulesi tinoni moa e dangali poponoa na tobaqira.”

Linge 50:19

“Na mangamui e tau goto kuti na goko seko. Ma na lapimui e botsangia danga na goko pero.

Linge 59:13

te e dou igoe ko matesiligigira tana koremu loki; mo ko matesiligigira saikesa. Mi tana nogo ti igira sui lakalaka na tinoni kara donaginia laka igoe nogo God o tagao popono i laona na Israel, migoe nogo o tagaovi kaputia na barangengo popono.

Amos 8:4

Kamu rongomia na omea iani, igamu amu tsogori tsunaligira na tinoni e tagara kesa ke sangagira, mamu sekoligira na tinoni ara tau tamanina sa omea igira ara totu i laona na veramui.