Linge 10:16 - Ghari

¹⁶ Na Taovia aia nogo e taovia tsapakae saviliu na dani ma na dani. Migira sui ara dona na samasama vaniaqira na god tavosi sauba kara tavongani nangaligi lê tania nina kao aia.

Linge 10:16 Referans Kwoze

1 Timoti 1:17

!God, aia na Taovia Tsapakae e totu saliu me vo mate, me utu nomoa vanigita ka reilakana, aia segeni moa e God, me ulagana sosongo igita ka tsonikaea ma ka soalokia na dani ma na dani! Amen.

Linge 29:10

Na Taovia e tagaovi kaputia na maorodo; maia e taovia tsapakae na dani ma na dani.

Jeremia 10:10

Migoe segeni moa Taovia o God mana, migoe na God mamauri, mo taovia tsapakae na dani ma na dani. Mi kalina ti ke momosa tobamu igoe, ma na barangengo popono ke gariri tana matagu; migira na puku sui ara tau tangomana kara baria nimu momosa toba loki.

Daniel 6:26

Inau au ketsaligamu igamu sui amu totu i laona na veraqu popono, laka nimui aqo kamu matagunia ma kamu kukuni tania nina God a Daniel. “Aia segeni moa na God mamauri, me sauba ke tagao saviliu na dani ma na dani. Ma na verana aia e utu saikesa kara toroutsania, ma na susuligana e utu goto ke sui.

Daniel 4:34

Ma na taovia tsapakae e tsaria, “Mi kalina e putsi nogo vitu na ngalitupa, minau au tû mau morodato bâ tana masaoka, me tavongani visutugua na sasagaqu. Mau tsonikaea na God Loki Tsapakae, mau soalokia aia e mauri na dani ma na dani. “Aia sauba ke tagao sailagi, ma na susuligana e utu goto ke sui na dani ma na dani.

Linge 145:13

Igoe o taovia tsapakae saviliu, mo tagaovi kaputigira na tinoni sui na dani ma na dani. Na Taovia e manaligira na omea sui aia e vekea, mara dou saviliu pipi na omea sui aia e naugira.

Na Vaolusi Ketsa 8:20

Eo, me ti vaga kamu tau rongomangana na Taovia, me sauba kamu viri mate sui vaga saikesa nogo igira na puku tavosi aia ke matesiligigira kalina igamu kamu babâ moa i sautu.”

Tangitangi 5:19

Migoe Taovia o taovia tsapakae saviliu, me sauba ko tagao tsau bâ tana susuina na dani.

Isaia 33:22

Ma na itaina niqira vaka ara viri obeobe sui me utu nogo kara tangolikakaia na tuguru, me utu goto ke tavuresi niqira selo. Migita sauba ka ba laugira pipi sui niqira omea levolevo igira gada gala, me ke danga sosongo na omea ma kara mai goto igira na logu ma kara adigotoa niqira turina. Na Taovia segenina nogo sauba ke lia nida taovia tsapakae; maia sauba ke tagaovi kaputigita me ke reitutugugita.

Linge 146:10

Na Taovia aia nogo e taovia tsapakae saviliu. Nimui God nogo igamu na Sion sauba ke tagao saviliu na dani ma na dani. !Tsonikaea na Taovia!

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Linge 78:55

Maia e tsialigigira na tamanina nogo i tana, kalina igira nina tinoni ara maimai moa i sautu, me tuvarivotâ niqira kao i laoqira na puku ni Israel, me saua na valeqira kara tamanina igira nina tinoni nogo ia.

Linge 9:15

Na tinoni ponotoba ara tsaia na qilu, migira segeni nogo ara puka i laona. Ara moloa niqira taviti, migira segeni nogo ara ba sogo i laona.

Linge 9:5

Igoe o kedegira na tinoni ponotoba, mo matesigira na tinoni vanga tsutsukibo; me sauba ke tagara goto ke kesa ke padavisugira.

Binaboli 15:18

Migoe nogo Taovia, sauba ko taovia tsapakae na dani ma na dani.”

1 Turupatu Dato 29:11

Igoe o loki putsikae mo susuliga sosongo, mo marara loki, mo doulaka saikesa, mo taovia loki i gotu vasau, rongona pipi sui na omea i baragata mi barangengo nimu tamani nogo igoe, migoe o taovia tsapakae mo tagaovi kaputigira na omea sui.

Linge 9:8

Aia e tagaovia na barangengo tana nina gotolaka; me pedegira na puku sui kolua nina pede gotolaka.