Linge 10:12 - Ghari

¹² !Taovia ko tû mo ko kedegira na tinoni vanga tsutsukibo girani! !Laka na padaleaqira igira ara rota!

Linge 10:12 Referans Kwoze

Mika 5:9

Migira na Israel sauba kara tuliusigira gaqira gala ma kara matesiligigira sui.

Linge 9:12

God e padagira moa igira ara rota; me tau goto padalea niqira ngangaidato ara nauvania, me kedegira igira ara rotasigira.

Isaia 33:10

Na Taovia e goko vanigira na puku sui me tsaria, “Mi kalina ia inau sauba kau tû ma kau sauvulagi vanigamu na susuligaqu loki, migamu sauba kamu tsonikaeginiau.

Isaia 26:11

Igira gamu gala ara tau donaginia laka igoe o saukaenogoa na limamu agana na mani kedeginiaqira. Taovia ko paluvangamaqira, mo ko molovanigira kara vatsangia na rotana na kede igoe o vangaraunogoa vanigira. Mo ko saumakaligotoa vanigira laka igoe o galuve sosongoligira nimu tinoni.

Linge 94:2

!Igoe nogo o pedegira na tinoni sui; ko tû mo ko kedegira na tinoni vanga kaekae vaga e ulagaqira!

Linge 17:7

Ko saulabatia vanigami nimu galuve loki mo ko maurisigami. I ligisamu nogo igoe ami totu raviravi dou tanigira gamami gala.

Linge 77:9

?Me laka God e padalenogoa na saugaluve vaniada? ?Me laka nina kore e oligininogoa na aqona nina galuve?”

Linge 13:1

?Laka sauba ke oka koegua sagata ko padaleau igoe Taovia? ?Egua, laka ko padaleau saviliu? ?Me ke oka koegua sagata goto ko taopoi taniau?

Linge 9:19

!Ko tukae Taovia! !Ko laka na tamivaniaqira na tinoni kara suamangamu lê moa! Ko vaturigira na tinoni ponotoba i matamu mo ko pedegira.

Linge 7:6

!Ke botsalaba na koremu Taovia! Ko tukae, mo ko tukapusia niqira momosatoba igira gaqu gala. Ko tavurake segenimu mo ko sogogaqu inau. Na pedegoto saikesa moa aia nogo igoe o kilia.

Linge 3:7

!Taovia ko mai! !Niqu God, ko maurisiau! Ko kedegira sui gaqu gala, mo ko pualasilea gaqira susuliga gana na sekoliginiaqu.

Tinoni Pede 16:28

Mi tana ma Samson e nonginongi me tsaria, “Taovia God ko padavisuau tugua kiki inau. Kiki niqu God, ko sauvisu vaniau na susuligaqu ke kesa goto moa kalina, rongona kau tuguvisua vanigira na omea ara nauvaniau igira na Pilistia ara putsiligikaira na mataqu.”

Linge 9:13

!Ko galuveau Taovia! Ko reigira na rota sui ara tsukivaniau igira gaqu gala. Ko laumaurisiau tania na mate Taovia,

Linge 17:13

!Taovia ko mai tsaku! Ko butogira gaqu gala me ke tau lelê managaqira. Ma nimu isi ko maurisiginiau tania na limaqira na tinoni vanga tsutsukibo.

Linge 74:19

Migami nimu tinoni ami tau tangomana kami nausegenia sa omea. !Migoe ko laka mololegami tana limaqira gamami gala; laka goto padalegami igami nimu tinoni igira ara rotasigami sosongo!