Linge 1:2 - Ghari

² Na tinoni dou vaga ia, e tsodoginia nina magemage tana muriana nina Ketsa na Taovia, me tau kuti na padaana i tobana na dani ma na bongi.

Linge 1:2 Referans Kwoze

Josua 1:8

Ma nimu aqo nomoa ko tsokovulagia na papi na Ketsa i mataqira na toga pipi kalina kamu sai na lotu. Mo ko padakakaia i tobamu na dani ma na bongi, mo ko reidoua laka ko taonidougira pipi sui na omea ara marea i laona. Me ti ko nauvaganana ia, me sauba ko tamaniginia ke danga nimu omea, mo ko gini tangomana pipi tana omea ko naua.

Linge 119:92

Ti vaga nimu ketsa igoe ke tau nogo lia na pukuna niqu magemage, me tau utu ti kau gini mate nogo na rota loki ara gadoviau.

Linge 119:11

Inau au puku kalavatavigira nogo nimu ketsa i laona tobaqu, rongona kau gini tau naua kesa na omea ke seko i matamu.

Roma 7:22

Mi laona saikesa na tobaqu au padangao sosongolia baa na Ketsa e talumai konina God.

Jeremia 15:16

Igoe o goko vaniau, minau au rongomi vatavia pipi sui nimu tsaqina goko. Inau nimu tamani nogo igoe Taovia God Susuliga Sosongo, me gini mage sosongo tobaqu na rongomiana nimu goko.

Linge 119:35

Ko tudumiau tana sautuna nimu ketsa, rongona i tana nogo au gini mage sosongo na totu.

Linge 112:1

!Tsonikaea na Taovia! Ke mage aia na tinoni e kukuni tania na Taovia, me gini mage na muriana nina ketsa sui.

Linge 104:34

Ke gini laona sosongo aia na rongomiana niqu linge, rongona aia nogo na pukuna niqu magemage.

Linge 40:8

!Niqu God, au gini mage manana na nauana na omea igoe o kilia! Mau tangoligira kakai nimu ketsa tana tobaqu popono.”

Linge 119:1

Kara mage igira e goto saikesa niqira sasaga, mara mauri muria nina ketsa na Taovia.

1 Ioane 5:3

Rongona ti vaga igita a galuve mananaa God me sauba ka muridougira nina ketsa. Ma nina ketsa ara tau ngoligita sagata.

Nina Papi A Job 23:12

Mau nausailaginia moa na omea God e ketsaliginiau na nauana; mau murigira moa na omea aia e padangaoa, mau tau goto murigira niqu padangao segeni.

1 Timoti 4:15

Ko naudougira na omea girani tana tobamu popono, ma kara reiginia na tinoni sui laka igoe o tovoa pipi kalina ke gini dou saikesa pipi nimu sasaga.

Linge 119:72

Ma na ketsa igoe o sauvaniau, e tamani rongona loki vaniau liusia na qolu sui tana barangaengo popono.

2 Timoti 1:3

Au soadoua God, mau male saikesa i laona na tobaqu tana niqu aqo vaniana, vaga ara naua igira na mumuaqu i sau. Mau soadou sailaginia God kalina au padatugugo igoe tana niqu nonginongi na dani ma na bongi.

1 Tesalonika 2:9

Igamu na tasimami, amu padaitugua e utu ke tagara, laka tugami ami tu rota na aqo kakai. Ami tu aqo na dani ma na bongi, rongona ami tu tau ngaoa kami tu ngoliginigamu sa omea tana tu rongomami kalina ami tu gini turupatu vanigamu na Turupatu Dou e talumai i konina God.

Luka 18:7

?Megua, laka amu pada God ke tau isutuguqira nina tinoni segeni, igira ara ngangai dato vania na bongi ma na dani rongona aia ke sangagira? ?Me laka aia sauba ke tau tu tsaku me ke sangagira?

Linge 88:1

Taovia God niqu vagamauri, inau au ngangaidato vanigo tana dani popono, mi tana bongi goto minau au mailaba i matamu igoe.

Tuturigana 24:63

Me kesa tana ngulavi ma Isaak e vano na lela bamai i laona na uta me morosibagira visana na kamelo ara maimai.

Esra 7:10

Maia Esra e saua na maurina popono gana ke gini sasanidoua nina Ketsa na Taovia me ke mauri muria, me ke sasaniginigira na tinoni tana Israel na muriana pipi sui nina ketsa ma nina vali na Taovia.