Linge 1:1 - Ghari

¹ Ke mage aia na tinoni e sove tania na muriana niqira totokoe igira na tinoni seko, me tau muria niqira sasaga igira na tinoni sasi, se e tau goto dona ke sangatotu i laona niqira sai igira ara peâ na mangana God.

Linge 1:1 Referans Kwoze

Goko Tabana 13:20

Ti vaga ko duli kolugira sailagi moa na tinoni sasaga loki, me sauba ko sasaga loki. Me ti vaga ko totu kolugira moa na tinoni ara tau sasaga me sauba ko tau kuti na tsodoana na rota.

Jeremia 15:17

Inau au tau ba totu lê kau kiakia ma kau magemage kolugira na tinoni tavosi, tagara. Inau au rongomangamu moa igoe, mau totu segeniqu, rongona igoe o dangaliginiau na koremu loki.

Luka 11:28

Ma Iesu e tsarivania, “!Eo, me dou sosongo goto baa vanigira ara rongomia na gokona God mara muria!”

Linge 1:6

Na Taovia aia e mataligira me reitutugugira igira e gotolaka niqira sasaga, migira na tinoni seko ara muria moa na sautu e kalea na mate saliu.

Goko Tabana 1:15

Dalequ, ko laka na duli koluaqira na tinoni vaga igira. Ko totuligi tanigira.

Linge 34:8

Kamu tovoa ma kamu reisegenimui laka e dou manana na Taovia. Ara mage igira ara totu raviravi i konina.

Linge 112:1

!Tsonikaea na Taovia! Ke mage aia na tinoni e kukuni tania na Taovia, me gini mage na muriana nina ketsa sui.

Linge 36:4

Mi kalina aia e tsaro i nigena me totu matengana moa na pada manogatiana na omea seko sauba aia ke naua; me tau lelê goto naua sa omea ke dou, me tau goto dona na sove taniana pipi na omea e seko.

Nina Papi A Job 21:16

Mara koesegeniqira laka tana gaqira susuliga segeni nogo te e gini managaqira, minau moa e utu saikesa vaniau kau tabea na omea vaga ara pada igira.

Epesus 6:13

Vaga ia, ma kamu sageligira nogo gana sagore God kalina ia. Mi kalina ke labamai na dani seko vaga ia, me sauba igamu kamu tangomana na tukapusiginiaqira gamui gala, mi tana susuina me sauba kamu tukakai babaa moa.

Tuturigana 49:6

Minau e utu kau sangasage tana ka niqira togigoko segeni, Me utu goto kau sangakaira tana niqira gokosai, Rongona ara ka matesi tinoni tana kore Mara ka logusigira na buluka mane tana sinagi.

Jeremia 17:7

“Me sauba moa kau vangalaka vania na tinoni aia e vataraginia nina vainorugi i koniqu inau.

Goko Tabana 13:15

Na tinoni sui ara kukuni tania na tinoni sasaga, ma na tinoni e tau tugua na noruana aia e liu nogo tana sautu na mate.

Linge 119:115

Kamu baligi taniau igamu na tinoni vanga nauseko. Minau sauba kau muridougira nina ketsa niqu God.

Linge 106:3

Kara mage igira ara muridougira nina ketsa, mara madodo pipi kalina na nauana na omea e goto.

Linge 26:12

Na tuaqu ara tukakai nogo tana sautu atsa; mi laona niqira saikolu igira nimu tinoni inau au tsonikaego igoe Taovia.

Goko Tabana 2:12

ma kara ka dilago tania na nauana na omea e sasi. Sauba kara ka tsidavaginigira tanigo na tinoni ara tsovula gokona na omea seko,

Linge 81:12

Me vaga ia, minau au tamivanigira moa kara muria na tobaqira segeni, ma kara naua na omea sui moa igira segeni ara padangaoa.

Goko Tabana 4:19

Ma niqira sautu igira na vanga tsutsukibo e rodo vaga moa na rodo tana bongi. Igira ara puka, mara tau goto tangomana na reiana na omea ara tubulagi i konina.

Goko Tabana 3:34

Aia e reisavigira igira ara padaloki segeniqira, me tobalaka vanigira igira ara totu palatsuna.

Na Katemai 22:14

Eo, kara mage igira ara vulimalegira nogo na poloqira, rongona sauba ke gini ulagaqira na ganiana na vuana na gai na mauri, ma na liusage tana matsapana na verabau ia.

Goko Tabana 9:12

Ti vaga igoe ko tamanina na sasaga loki, me sauba ke pelugo sosongo, me ti vaga igoe ko sove tania, me sauba igoe segenimu nogo ke gadovigo na rotana.

Linge 84:12

!Taovia Susuliga Sosongo, ara mage manana igira ara norukakaigo igoe!

Roma 5:2

I konina nogo a Iesu Kristo igita a gini tangomana na mauri vaolu tana galuvena God, vaga nogo igita a totu i laona kalina eni. !Me gini mage loki na tobada na amesiana laka sauba igita ka pata na tamaniana na mararana God!

Linge 144:15

!Ke mage aia na puku i tana ara laba na omea dou vaga girani! !Kara mage igira na tinoni aia God nogo niqira Taovia!

Ioane 20:29

Ma Iesu e tsarivania, “Toma, igoe o tutuniqu matena o morosiau. !Me dou baa vanigira ara tau morosiau mara tutuniqu nomoa!”

Goko Tabana 1:22

“!Igamu na tinoni bule! ?Ke oka koegua sagata kamu ngaoa na totu bule? ?Me ke oka koegua sagata goto kamu totu matengana moa na tsiriana na donalevo? ?Me ke ngisa vaga ti kamu sasaga?

1 Petero 4:3

Eo, e oka nogo igamu amu mauri mala ponotoba moa. Mamu sekolilea na maurimui tana sasaga seko ma na kilinauseko, na inu bule ma na magemage seko, na sasaga bubulega na mane ma na daki, na inu ma na masu loki, ma na samasama ma na kodoputsa vaniaqira na tidao.

Ioane 13:17

Mi kalina eni, igamu amu donaginigira sui nogo na omea girani. !Me sauba kamu gini magemage rago ti vaga kamu muri sailaginigira!

Linge 146:9

Na Taovia e reitutugugira igira na veratavosi ara mai totu i verada; me sangagira na daki tinamate kolu daleqira, me pualasia niqira vorogoko igira na vanga tsutsukibo.

Linge 2:12

Kamu gariri ma kamu tsuporu i matana; ke tau tavongani labadato tsaku na korena, me ke tavongani novotigamu lê na mate. Eo, kara mage igira sui ara dona na ba totu raviravi i konina aia.

Linge 146:5

Ke mage na tinoni aia e norua nina God a Jakob ke sangâ, me tsotsovata moa i konina na Taovia nina God,

1 Taovia Tsapakae 16:31

Me tau tugua aia ke reinunu moa na nauana na sasi vaga e naunogoa a Jeroboam na taovia tsapakae; maia e tû me nauliusia bâ me ba taugâ ko Jesebel na dalena daki a Etbaal na taovia tsapakae ni Sidon, me sanga na samasama vania Baal.

Na Vaolusi Ketsa 33:29

!Igamu na Israel, kamu magemage dou! E tagara goto sa puku tinoni ke atsa kolugamu igamu, igamu nogo na puku na Taovia e laumaurisigamu. Na Taovia segenina nogo aia nimui tako ma nimui isi, gana ke isutugumui me ke sangagamu kamu gini tangomana. Igira gamui gala sauba kara nongigamu kamu galuvegira, migamu sauba kamu tsogori tsunaligira.”

Esekiel 20:18

Mau tû, mau parovatavigira kakai na tinoni vaolu ara totu i laoqira mau tsaria: ‘Kamu laka goto na muriaqira niqira sasaga ma niqira lavu igira na mumuamui; se kamu gini kaulinaqu tana samasama vaniaqira na titinonina niqira god peropero.

Goko Tabana 19:29

Na kede e totupitugira na vanga pea tinoni, ma na rararusi tana gotuqira na tinoni bule.

Linge 64:2

Ko reitutuguau dou ma kau mauri tania niqira togigokosai ara naua igira na tinoni vanga tsutsukibo, me tanigira goto na alaala na tinoni seko.

Nina Papi A Job 31:5

“Inau au vatsa laka au tau saikesa malapalusia ke kesa, mau tau saikesa goto tovoa na perobulesiaqira na tinoni tavosi.

Nina Papi A Job 10:3

?Me laka e goto vanigo igoe na rotasiana ma na pea sekoliana kesa aia igoe segenimu nogo o aqosia? Mi kalina o reia na omea ara naua igira na vanga tsutsukibo, me laka e goto vanigo ko kiaqumu lê vanigira moa?

Tuturigana 5:24

Mi tana maurina popono, aia e mauripata dou kolua God, mi muri maia e tavongani nanga lê, rongona God nogo e adiligia tania na barangengo.

Mateo 16:17

Ma Iesu e tsarivania, “!E dou sosongo vanigo a Simone Petero, dalena a Jona! Rongona na manana vaga igoe o tsaria, e tau talumai i konina sa tinoni lee. Aia nogo na Tamaqu i baragata e tusumaia vanigo.

Na Vaolusi Ketsa 14:6

me pipi vatana moa na omea tuavati koegua moa e masanga ruka na perana tuaqira, mara dona na qatavisuana gaqira mutsa.