Kolose 4:6 - Ghari

⁶ Ma kamu tsonia moa na goko laka vanigira kara gini rongomingaoa me ke gini dou na tobaqira. Ma kamu dona goto na tuguvisudouana niqira goko pipi tinoni kalina ti kara torogoko i konimui.

Kolose 4:6 Referans Kwoze

Epesus 4:29

Kamu laka na tsoniana na tsaqina na goko vavanga. Kamu gini goko saikesa moa na tsaqina goko amu dona kamu sangaginigira ma kamu kakaisiginigira na tinoni ara rongomigamu, ma kara tsodoginia na omea ara kilia gana na mauri.

1 Petero 3:15

Kamu kukuni tania moa a Iesu Kristo tana tobamui popono ma kamu padalokia, rongona aia nogo nimui Taovia. Ma kamu manogatia pipi kalina i tobamui nagua kamu gini gokovisu vanigira na tinoni kalina ti kara veisuagamu laka e koegua te e totu kakai vaga ia na amesi i tobamui.

Sasani Sasaga 10:12

Tana nina goko sasaga nogo na tinoni sasaga loki ara gini padalokia igira na tinoni. Ma na tinoni bubulega e toroutsani segenia tana nina tsaqina goko segeni.

Marko 9:50

Na solo na omea dou rago. ?Eo, me ti vaga na solo ke nanga lee na vavaina, me ke koegua ti ke vavai visutugua? “Ke totu na solo na vaigaluvegi i konimui, ma kamu mauri tana rago kolugira na tinoni tavosi.”

Goko Tabana 15:4

Na goko laka e dona na tusumauri, ma na goko vavanga e dona moa na sekoliana na tobana tinoni.

Goko Tabana 15:7

Igira nogo na tinoni sasaga ara sarangasi bamaia na donalevo, me tau igira na tinoni bule.

Kolose 3:16

Pipi sui na goko tana rongona a Iesu Kristo kara mauri kalavata i laona na tobamui. Kamu gini vaisasanigi ma kamu vaikakaisigi dou kolua pipi sui na vangana nimui dona. Kamu lingegira na Linge Tabu migira goto na linge na lotu. Eo, kamu linge vania God ma kamu soadoua i laona na tobamui popono.

Mateo 5:13

“Igamu amu vaga nogo na solo i laoqira na tinoni tana barangengo. Me ti vaga na vavaina na solo ke nanga lee, me utu vanigotoa ke vavai visutugua. Mi tana e tau nogo tugua na nauginiana sa omea. Me sauba moa kara tsoniligilea i tano, ma na tinoni kara tsogorilea.

Goko Tabana 10:21

Nina goko na tinoni dou e dona ke sangaginigira danga na tinoni, migira na tinoni bubulega ara gini mate rongona ara tau sasaga.

Linge 119:46

Minau sauba kau tau goto gini vangamâ na katevulagiaqira nimu ketsa vanigira na taovia tsapakae.

Linge 105:2

Linge na tsonikaeana na Taovia; katevulagigira na omea dou sui aia e naugira nogo.

Linge 45:2

Igoe o rerei dou bâ liusigira na mane sui. Igoe kesa e tangi dou laka nimu goko ma God e soadougo pipi kalina.

Luka 4:22

Mi tana igira sui ara rongomia ara gini ganataa na goko doulaka aia e tsarigira. Mara tsaria, “?Laka e tau na dalena moa a Iosepo ngana?”

Linge 119:13

Sauba kau tsaritugutugugira pipi na ketsa igoe o saugira nogo vanigami.

Linge 66:16

Igamu sui na tinoni amu kukuni tania God kamu mai ma kamu rorongo, minau sauba kau tsarivulagia vanigamu na omea sui aia e naunogoa vaniau inau.

1 Turupatu Dato 16:24

Katevulagia gana loki tsapakae vanigira na puku sui pipi tana vera, ma kamu turupatuna vanigira na toga sui na omea loki aia e naugira.

Na Vaolusi Ketsa 11:19

Kamu sasaniginigira na dalemui. Kamu tsaritugutugugira kalina amu totu i laona na valemui, mi kalina amu lela i sautu, kalina amu mango, mi kalina amu aqoaqo.

Aqo Manetabu 2:13

Kamu molo solo i koniqira pipi sui na sausau na uiti, rongona na solo aia nogo na papadana na vaitasogi God e naukolugamu. Nimui aqo ti kamu molo solona i koniqira pipi sui na omea amu gini savori.

Esekiel 43:24

mo ko adimaikaira vaniau inau. Migira na manetabu kara qetu bâ na solo ka koniqira, ma kara savorikaira vaga na savori-kodokodo vaniau.