Josua 9:9 - Ghari

⁹ Mi tana migira ara tavongani botsangia na turupatu vaga iani, “Taovia, igami ami talumai tana vera ao sosongo, rongona ami rongomia ganarongo na Taovia nimu God. Igami ami rongominogoa pipi na omea sui aia e naua i Ejipt,

Josua 9:9 Referans Kwoze

Josua 9:24

Migira ara tuguvisua mara tsarivania, “Taovia, igami ami nauvaganana ia, rongona ami rongominogoa laka e mana nomoa laka na Taovia nimu God e ketsalia a Moses nina maneaqo ke sauvanigamu na kao popono girani, ma kamu labumatesigira sui igira ara mauri i laona. Eo, ami nauvaganana ia, rongona ami matagunigamu sosongo igamu kamu tau labumatesigami sui.

Na Vaolusi Ketsa 20:15

Aia nogo kamu nauvaganana vanigira moa igira na verabau ara totu ao tania na kao sauba kamu totuvia.

Isaia 66:19

mi tana ti kara donaginia laka inau nogoria na Taovia au kedegira. “Me sauba nomoa kau gaegira ke visana vidaqira, ma kau molovanogira i laoqira na puku tavosi tana momoru ao gana kara katevulagia gaqu tangirongo tsapakae vanigira igira ara tau vati rongomia moa se kara reilakana gaqu loki tsapakae ma na susuligaqu. Sauba kau molovanogira i Spain, mi Libia, mi Lidia i tana na tinoni ara dona sosongo na gini vanavana na parige, mi Tubal, mi Gris.

Isaia 55:5

Mi kalina ia, igamu sauba kamu soamaigira na puku tavosi, igira ara tau moa vati donaginigamu, migira sauba kara ulo tsakumai i konimui gana kara sangagamu. Inau na Taovia nimui God, na God tabu ni Israel, sauba kau naua ma kara laba na omea sui girani. Eo, sauba kau naua ma kara gini padalokigamu ma kara tsonikaegamu igira na tinoni tavosi.”

Linge 148:13

!Igira sui lakalaka kara tsonikaea na asana na Taovia! Rongona na asana aia e loki liusigira bâ na soa sui tavosi; ma gana loki tsapakae e dato ao liusia na barangengo ma na baragata.

Linge 83:18

Mi tana ti kara gini donaginia laka igoe segeni moa o Taovia, mo taovia loki tsapakae kaputia na barangengo popono.

Linge 72:19

!Tsonikaea na asana tabu na dani ma na dani! Ma na mararana loki ke dangali poponoa na barangengo. !Amen, Amen!

Nehemia 9:5

Mi muri mara visana na Levite ara soagira na tinoni kara mai lotu vania God: tugira nogo a Jesua, ma Kadmiel, ma Bani, ma Hasabneia, ma Serebia, ma Hodia, ma Sebania ma Petahia. Mara tu tsaria: “!Kamu tû ma kamu tsonikaea na Taovia nimui God na dani ma na dani! Na tinoni sui kara tsonikaea na asana tabu, atsa moa ti ke tagara goto sa nina tsonikae na tinoni ke ulagana.”

1 Taovia Tsapakae 8:41

“Me ti vaga kesa na tinoni ni veratavosi aia e totu kesa tana vera ao sosongo, ke rongomia gamu tangirongo ma na omea loki sui igoe o aqosigira i laoqira nimu tinoni segeni nogo, maia ke mai me ke sangâ na samasama vaniamu ma na nonginongi tana Vale Tabu iani,

Tsoko Tinoni 14:15

Mi kalina ia, ti vaga igoe ko labumatesigira sui nimu tinoni, migira na puku tavosi sui ara rongominogoa gamu tangirongo igoe sauba kara tsaria

Binaboli 15:14

Migira sui na puku na tinoni tavosi ara rorongo, mara gini gagariri tana matagu; migira sui goto na Pilistia e gadovigira na matagu loki.

Binaboli 9:16

Mau tamivanigo moa ko mauri rongona kau gini sauvulagia na susuligaqu inau, ma gaqu tangirongo ke kuvia na barangengo popono.

Aqoaqo 8:7

Igira na tidao seko ara kanga loki kalina ara rutsuligi tanigira na tinoni ara totuvigira nogo, mara danga goto na tuamatea ma na logu ara tavongani tuu mara vanovano.

Tsoko Tinoni 20:14

Kalina igira na tinoni ni Israel ara totu moa i Kades, maia Moses e molobagira visana na mane i konina na taovia tsapakae ni Edom ma kara tsarivania, “Igami ami adimaia kesa na goko e talu i koniqira na puku ni Israel igira nogo na kamamui igamu. Igoe o donagininogoa na rota loki ami tsodoa

Josua 9:10

ma na omea sui aia e naugotoa vanikaira e ruka niqira taovia tsapakae na Amor, ara ka totu tabana i longa na Kô Jordan: aia Sihon na taovia tsapakae ni Hesbon, maia Og na taovia tsapakae ni Basan, kaira ara ka totu i Astarot.

Josua 9:16

E putsi tolu moa na dani i murina ara aqosia niqira vekesai kolugira na Gibeon, migira na Israel ara vasini ara rongomia laka e manana nomoa igira ara talu kesa tana vera varangi moa, mara tau talu kesa tana vera ao vaga ara tsaria igira.

Josua 9:17

Me vaga ia, migira na Israel ara aligiri na vano na laveana iava i tana ara totu, me tolu na dani i muri te ara ba tsau tana verabau tana ara totu na tinoni girani: i Gibeon, mi Kepira, mi Beerot, mi Kiriat Jearim.

Na Vaolusi Ketsa 20:11

Me ti vaga kara sangavigira na matsapakapuna na veraqira ma kara molo segeniqira i limamui, mi tana migira sui lakalaka kara lia nimui tseka, ma kara aqo vanigamu.

Linge 78:12

I mataqira nogo na mumuaqira God e aqosigira na valatsatsa, tana poiatsa ni Soan tana kao ni Ejipt.