Josua 6:25 - Ghari

²⁵ Ma Josua e gaea na maurina ko Rahab migira sui na kamana, rongona aia ko Rahab e molopoikaira na mane togatoga aia a Josua e molovanokaira kara ka tuvia na verabau ni Jeriko. Ma na kukuana ko Rahab ara totu moa tana Israel tsau mai i dani eni.

Josua 6:25 Referans Kwoze

Hibru 11:31

Ko Reab na rebi e tutunina God. Maia nogo na rongona te aia e soalakakaira baa i valena kaira ruka na mane ni Israel ara ka mai na tuviana na vera ni Jeriko. Maia e gini tau sanga na mate koluaqira na tinoni ni tana ara peaa na mangana God.

Iakobo 2:25

Me vaga goto na omea e laba vania ko Reab na rebi. E gini tangidou visutugua na soana i matana God rongona nina aqo galuve e naua kalina aia e soalakakaira i valena ruka niqira tinoni vaumate na Israel. Mi muri maia e sangakaira kara ka gini tsogopoi kesa tana sautu segeni.

Mateo 1:5

a Salmon na tamana a Boas, ma ko Reab na tinana a Boas; a Boas na tamana a Obed, ma ko Rut na tinana a Obed; a Obed na tamana a Jese;

Aqoaqo 2:21

Mi tana tagu vaga ia, masei ti ke soaa na Taovia ke sangaa, aia moa sauba ke mauri.’

Josua 4:9

Ma Josua e raigira goto visana na tinoni kara molokaegotoa sangavulu ruka na vatu i levugana na Kô Jordan, i tana ara tutû nogo igira na manetabu ara kalagaia nina Bokisi na Taso na Taovia. Ma na vatu girani ara tototu moa i tana tsau mai i dani eni.

Josua 2:1

Mi muri, ma Josua e molovanokaira ruka na mane gana na togatoga ara ka totu i Akasia me tsarivanikaira, “Kamu ka vano dodo ma kamu ka tuvidougira na vera sui tana Kanaan, me putsikae bâ na verabau ni Jeriko.” Mi kaira ara ka tû mara ka vano, mi kalina ara ka ba tsau i Jeriko, mara ka vano na maturu i valena kesa na rebi, aia ko Rahab na soana.

Josua 2:4

Maia ko Rahab e molopoikaira nogo na mane kaira tana e atsa i gotu i kelana na valena me tsavupoiginikaira na tsupu na voivoi aia e molo tsupulagininogoa i tana. Maia ko Rahab e tuguvisua nina goko na taovia tsapakae me tsarivania, “E mana rago laka ara visana na mane ara mai i valequ, mau tau moa dona iava ara talumai. Mara mololenogoa ieni tana tagu e sû tsotsodo na aso, idavia kalina e tau vati vongo na banina na vera. Minau au tau goto veisuakaira laka iava ara ka vavano. Mau padâ ti vaga kamu tsari tsakutsaku ka muriqira me sauba tangomana kamu ba tsaulikaira moa.”

Josua 2:18

Miani moa na omea nimu aqo igoe ko naua. Kalina ti vaga igami na Israel kami mai na bokiana na veramu, ma nimu aqo igoe ko soria na polo tsitsi iani tana ovaovana gana na bisi i tana igoe o molotsunakami i konina. Mo ko adigira na tamamu ma na tinamu ma na tasimu, me pipi sui na tinoni i laona na valena tamamu, ma kara mai sai sui ieni tana valemu igoe.