Josua 24:18 - Ghari

¹⁸ Maia goto nogo na Taovia e tsialigigira i matada igira sui na Amor ara totuvia ieni. Me sauba goto nomoa igami kami aqo vania na Taovia; aia nogo nimami God.”

Josua 24:18 Referans Kwoze

Sekaria 8:23

Mi tana tagu ia, sauba kara tu sangavulu na mane ni veratavosi kara tu mai i konina kesa moa na tinoni ni Juda ma kara tu tsarivania, ‘Ko tamivanitugami kami tu tsarimurimu, rongona ami tu rongomia laka God e totu kolugamu igamu na Juda.’ ”

Mika 4:2

ma niqira toga sauba kara tsarivaganana iani, “Ida gita ma ka dato bâ tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai mai i Jerusalem i kelana na Vungavunga Sion; mi tana nogo aia e tû te e mologoko bâ vanigira nina tinoni.”

Linge 116:16

Taovia inau nimu tinoni aqo; mau aqo vanigo vaga nogo na tinaqu e naua. Migoe nogo o maurisiau tania na mate.

Binaboli 15:2

Na Taovia aia nogo e isutuguqu; aia segenina nogo e laumaurisiau. Aia nogo niqu God, minau sauba kau tsonikaea, aia nina God na tamaqu, ma kau linge tana rongona gana loki tsapakae.

Binaboli 10:2

me rongona goto igamu kamu gini tangomana na tsarivaniaqira na dalemui ma na kukuamui laka au bulesi koeguanigira inau na tinoni ni Ejipt kalina au aqosigira na valatsatsa girani. Mi tana ti igamu sui sauba kamu donaginia laka inau nogo na Taovia.”

Aqoaqo 7:45

Mi muri, migira na mumuada, igira nogo ara adidatoa na valepolo ia i koniqira na tamaqira, ara kalagaia kolugira kalina ara vano kolua a Josua, mara laua niqira kao na tinoni tavosi i tana nogo God e ida na tsialigiaqira na tamanina pukuga. Mara moloa tana na valepolo ia, me totu i tana tsaumai kalina a David e taovia tsapakae.

Binaboli 23:31

Inau sauba kau ratsua na vovotana nimui kao ke tû tana Mangalonga ni Aqaba, me ke votu bâ tsau tana Tasi Mediteranean, me ke tû tana kaomate me ke tsau bâ tana Kô Euprates. Inau sauba kau sauvanigamu na susuliga gana na tuliusiaqira na tamanina na kao ia, me sauba kamu tsialigigira kalina kamu maimai moa i sautu.

Na Vaolusi Ketsa 33:27

God aia nogo e isutugumui sailagi; me tangolikaeginigamu na limana saliu. Aia e tsialigigira nogo gamui gala kalina igamu amu maimai moa i sautu, me ketsaligamu kamu matesiligigira sui.

Josua 24:17

Na Taovia nida God e adirutsumigira na tamada migita tania na totu tseka i Ejipt, migita a reigira nogo na valatsatsa loki aia e naugira. Maia e reitutugugita iava moa igita a vano i laoqira na puku tavosi i tana igita a liu bâ.

Josua 24:19

Ma Josua e tsarivanigira na tinoni, “Tau na omea lakagana na aqo vaniana na Taovia, rongona aia segeni moa e tabu loki, me dona ke masugu, me utu ke padalegira nimui sasi.

Na Vaolusi Ketsa 10:21

Kamu tsonikaea rongona aia segeni moa nimui God, migamu amu morosigininogoa na matamui segeni na omea loki ma na omea ganataga aia e nauvanigamu.

Josua 23:9

Na Taovia e tsialigigira nogo i matamui igamu igira na puku tavosi susuliga sosongo, me tagara lelê goto ke kesa ke tangomana na tuliusiamui igamu.