Josua 22:31 - Ghari

³¹ Me tû aia Pinehas na dalena a Eleasar na manetabu me tsarivanigira, “Kalina ia igami ami dona laka na Taovia e totu manana kolugita. Igamu amu tau sove na rongomangana aia, me vaga ia, migamu nogo amu maurisigira na toga ni Israel tania nina kede na Taovia.”

Josua 22:31 Referans Kwoze

2 Turupatu Dato 15:2

maia e tû me ba tsodoa a Asa na taovia tsapakae, me tsarivania, “!Ko rongomiau inau igoe a Asa na taovia tsapakae, migamu sui goto na toga ni Juda mi Benjamin! Na Taovia e totu kolugamu kalina igamu amu totu kolua aia. Me ti vaga igamu kamu lavemananâ aia, maia sauba ke tamivanigamu kamu tsodoa, me ti vaga igamu kamu piloligi tania maia goto sauba ke tsonikidamui.

1 Korint 14:25

ma nina papada sui ara totu popoi i tobana, sauba kara laba vulagia i malena. Mi tana ti aia ke taotsuporu, me ke samasama vania God me ke tsaria, “!God e totu kolugamu manana ieni!”

Mateo 1:23

“E kesa na siama sauba aia ke tiana, me ke vasua kesa na dalena mane, me ke soaginia a Emanuel.” Ma na rongona na soa ia, ‘God e totu i konida’.

Sekaria 8:23

Mi tana tagu ia, sauba kara tu sangavulu na mane ni veratavosi kara tu mai i konina kesa moa na tinoni ni Juda ma kara tu tsarivania, ‘Ko tamivanitugami kami tu tsarimurimu, rongona ami tu rongomia laka God e totu kolugamu igamu na Juda.’ ”

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Linge 68:17

Na Taovia e mai nogo talu i Sinai, kolugira nina malagai ara totu i laona na toga ma na toga niqira terê susuliga gana na vailabu, me ba sage i laona na nauna tabu.

Josua 3:10

Me tsarigotoa vanigira, “Mi kalina igamu kamu babâ moa i sautu, mi tana ti sauba kamu reia na Taovia ke tsialigigira lê i matamui igamu igira na tinoni ni Kanaan, migira goto na Het, ma na Hivi, ma na Peres, ma na Girgas, ma na Amor, ma na Jebus. Mi kalina ti kamu reitugira na manetabu kara tu kalagai savu idâ tana Kô Jordan nina Bokisi na Taso na Taovia, aia e taovia kaputia na barangengo popono, mi tana ti igamu sauba kamu donaginia laka aia na God mamauri e totu manana kolugamu me idagana sautu vanigamu.

Binaboli 25:8

Niqira aqo na tinoni kara vaturi vaniau kesa na valepolo tabu, rongona inau kau gini totu i levugaqira.

Josua 22:30

Maia Pinehas na manetabu migira sangavulu na mane tataovia ara totu kolua aia, igira nogo ara ida tana vungu i laona na puku ara totu tabana i tasi, ara rongomingaoa na omea ara tsaria igira na tinoni tana puku tu koniqira a Ruben, ma Gad ma Manase tabana i Longa, me gini dou tugua na tobaqira.

Josua 22:32

Mi tana, maia Pinehas migira na tinoni tataovia ara mololegira na tinoni tana puku ka koniqira a Ruben ma Gad tana kao ni Gilead mara visutugua i Kanaan, mara ba turupatuna vanigira na tinoni ni Israel na omea e laba.

Esra 7:5

ma Buki na dalena a Abisua, ma Abisua na dalena Pinehas, ma Pinehas na dalena a Eleasar, ma Eleasar na dalena a Aaron.