Josua 22:22 - Ghari

²² “!Na God Susuliga Sosongo aia nogo e Taovia! !Maia e dona nogo na rongona gua ti igami ami nauvaganana ia, migami ami ngaogotoa igamu kamu donaginia! !Me ti vaga igami ami sove na rongomangana mami tau nogo totu kakai i konina na Taovia, ma kamu laka goto na tamiana vanigami kami mauri babâ moa!

Josua 22:22 Referans Kwoze

1 Taovia Tsapakae 8:39

migoe ko rongomia niqira nonginongi. Tû tana veramu i baragata ko rongomia niqira nonginongi, mo ko padalea niqira sasi, mo ko sangagira. Igoe segeni moa o donaginia nina papada e totupopoi i laona tobana pipi tinoni, mo ko nauvania pipi tinoni vaga e ulagana na omea aia e naua,

Na Vaolusi Ketsa 10:17

Na Taovia nimui God e loki tsapakae liusigira pipi sui na god me pipi na susuliga sui. Aia segeni e loki me susuliga, maia moa e tugua na mataguniana. Aia e tau dona ke sangâ moa kesa, maia e vô na adiana na qolona na sanga kesa tabana tana pede.

Linge 44:21

migoe sauba ko donaginia nomoa, rongona igoe nogo o donaginigira na omea sui ara totu popoi i laona na tobana tinoni.

Nina Papi A Job 10:7

Migoe o donagininogoa laka au tau tsukia sa sasi, me laka e tagara goto sa tinoni tangomana ke laumaurisiau tania na limamu igoe.

Jeremia 17:10

Inau na Taovia au vilekedoua i laona nina papada pipi tinoni, mau tovolea na sasagana, mau pedea pipi tinoni taonia nina omeomea segeni, ma nina aqo aia e naugira.”

Na Katemai 19:16

Mi tana polona mi tana bunguna goto ara marea na soa vaga iani: “Niqira Taovia Tsapakae na taovia tsapakae sui, ma niqira Taovia Loki na taovia loki sui.”

Na Katemai 2:23

Me sauba kau labumatesigira goto igira sui ara muria nina sasani ko Jesebel. Mi tana ti igira na tinoni tutuni sui pipi tana saikolu na lotu, kara gini dona laka inau nogo au donaginia pipi sui niqira papada ma niqira omeomea na tinoni. Me sauba kau sauvanigamu tatasa pipi gamu sui na peluna vaga e tugua nimui aqo amu naua.

Hibru 4:13

Eo, e tagara saikesa sa omea tangomana ke popoi tania God. Pipi na omea sui lakalaka i laoqira na omea vovola sui ara totu malemale lee i matana aia. Migita sui sauba nida aqo goto igita ka tsaritutugua vania God nagua ma nagua igita a naua tana maurida.

1 Timoti 6:16

Aia segenina moa e totu saliu me vo mate. E totu tana marara loki i tana e tau tangomana vania ke kesa ke varangisi baa. E tau vati reilakana moa ke kesa, me utu goto ke kesa ke morosilakana kesa dani. !Aia segenina moa igita ka tsonikaea, ma ka tamivania ke tamanigita saviliu! Amen.

2 Korint 11:31

Aia God na Tamana a Iesu Kristo nida Taovia, aia e donaginia laka inau au tau pero. !Ke tabu sailagi na asana na dani ma na dani!

2 Korint 11:11

?Megua, laka au tsarivaganana ia rongona au tau galuvegamu? !God nogo e donaginia laka au galuve sosongoligamu inau!

2 Korint 5:11

Igami ami donagininogoa nagua na kukuni taniana na Taovia. Aia nogo na rongona ti igami ami gini aqo kakai kara gini tutunina na tinoni. God e donaginigami manana nogo igami, minau au amesia laka i laona na tobamui goto igamu kamu donaginiau goto inau.

Aqoaqo 25:11

Ti vaga inau kau kutsinogoa sa ketsa na vera, ma kau naua kesa na omea ke loki ke tugua ko pedevaniau na mate, minau au tau sove tania na mate. Me ti vaga na omea igira ara raqaginiau tana pede ara tau na manana, me vaga ia, me tau tangomana vania kesa ke molovisuau i limaqira igira. Te kalina ia, inau au nongivisu pede i konina na Sesar.”

Aqoaqo 1:24

Mara nonginongi mara tsaria, “Taovia, igoe o dona nogo na papada ara totu i laona na tobana pipi tinoni. Ami nongigo ko tusuvulagi vanigami asei ka vidaqira karani igoe o vilinogoa

Ioane 21:17

Ma Iesu e veisuagotoa na tolunina kalina, “?Simone dalena a Ioane, laka o galuveau?” Ma Petero e gini melu rongona e tolu nogo kalina a Iesu e veisuaa, “?Laka o galuveau?” Ma Petero e tsarivania a Iesu, “!Taovia, igoe o donaginia na omea sui, igoe o dona rago nogo laka inau au galuvego!” Ma Iesu e tsarivania, “Ko reitutugugira niqu sipi.

Malaki 3:18

Me ke kesa goto kalina sauba igira niqu tinoni kara reia laka e tavosi na omea inau kau nauvanigira igira e gotolaka niqira sasaga, migira na vanga tsutsukibo, ma na tinoni e aqo vaniau, maia e tau aqo vaniau.”

Mika 7:9

Igita a sasi manana i matana na Taovia, mi kalina ia ma nida aqo ka berengiti na vatsangiana na korena kesa tagu tetelo. Mi tana susuina maia nogo sauba ke isutuguda, me ke kedegira igira ara bingi sekoligita. Maia sauba ke adirutsumigita vania na marara; me sauba ka mamauri moa ma ka reia kalina aia ke laumaurisigita.

Daniel 11:36

“Ma na taovia tsapakae ni Siria sauba ke naua moa na omea vaga aia ke kilia. Maia sauba ke gini goko kaekae laka aia e loki liusigira bâ pipi sui na god, me ke tsonigira danga na goko seko kalea na God Loki Tsapakae. Maia sauba ke tangomana na nauana moa na omea iani poi ke tsau tana tagu kalina God ke kedea. Me sauba God ke naua nomoa na omea vaga saikesa aia e pada segenina nogo ke naua.

Daniel 2:47

Ma na taovia tsapakae e tsaria, “Nimu God igoe aia segeni moa e loki tsapakae liusigira sui lakalaka na god tavosi, me taovia kaputigira na taovia tsapakae sui, maia moa e dona ke sauvulagia na omea ara totu popoi. Minau au donaginia laka e mana na omea iani rongona igoe segeni moa o tangomana na vuresi makaliana vaniau na omea ara totu popoi tana niqu bolebole.”

Jeremia 12:3

Bâ, migoe Taovia o donaginiau nogo inau; mo morosigira sui na omea inau au naugira, mo donaginigotoa laka inau au galuvego. Mi kalina ia inau au nongigo ko raqaligigira na tinoni vanga tsutsukibo girani vaga na sipi ara raqavanogira tana nauna i tana kara matesigira; ko tangoligira poi tsau ke laba na dani igoe o titinogoa vania na labumatesiaqira.

Linge 136:2

Soadoua aia e loki tsapakae bâ liusigira pipi sui na god; rongona nina galuve e totu saviliu.

Linge 97:7

Migira sui ara samasama vanigira na god peropero kara paluvangamaqira lê; rongona igira sui na god tavosi ara palatsuna i matana na Taovia mara tsuporu vania.

Linge 95:3

Rongona na Taovia aia e God susuliga sosongo, maia e taovia tsapakae susuliga liusigira pipi sui na god tavosi.

Linge 82:1

Aia God nogo e tagaovia na totogoko i laona niqira saikolu i baragata; mi laona niqira saikolu igira na god aia e sauvulagia nina papada me tsarivanigira:

Linge 37:6

Sauba ke naua me ke maka saikesa nimui sasaga gotolaka, vaga nogo na makana na aso tana niaso vota.

Nina Papi A Job 23:10

Maia God e donaginigira sui pipi niqu tsakutua; me ti vaga aia ke tovoleau, me sauba nomoa ke tsodovulagia laka au totu male saviliu moa.

1 Samuel 15:23

Ma na peamangana aia e seko sosongo vaga moa niqira sasi na tinoni basutidao, ma na padaloki segenimu e seko sosongo vaga moa na samasama vaniaqira na god peropero. Ma na rongona nogo igoe o sove na nauana na omea na Taovia e ketsaligo ko naua, maia goto e sove tanigo igoe vaga na taovia tsapakae.”

Binaboli 18:11

Mi kalina ia, inau au donaginia laka na Taovia God e loki tsapakae liusigira na god sui, rongona aia e nauvanigira na omea iani kalina igira na Ejipt ara tsogori tsunaligira sosongo na tinoni ni Israel.”

Josua 22:21

Migira na tinoni tana puku tu koniqira a Ruben, ma Gad, ma Manase i Longa ara tuguvisua niqira goko igira na ida tana vungu koniqira na puku ara totu i tasi mara tsaria,

Linge 40:9

Igoe Taovia o dona nogo laka i laona niqira lotusai nimu tinoni, inau au tau goto kuti na katevulagiana vaniaqira na turupatu dou laka igoe nogo o suivisugami.

Linge 50:1

God na Taovia Susuliga aia nogo e goko; me soagira sui na tinoni tana barangengo popono, e tû tana e dato na aso me vosa bâ tana e sû.

1 Samuel 2:3

Ko laka goto na tsonikae segenimu; ke mui lê na mangamu na tsoniana na goko kaekae. Rongona na Taovia aia na God e donaginigira na omea sui, maia nogo e pedegira pipi na omea sui ara naua igira na tinoni.

Nina Papi A Job 31:22

mi tana me dou moa ti kara kavikutigira na limaqu, ma kara loqoligigira na sulina na kokovequ.

Linge 44:22

Mi tana rongomu segeni nogo igoe te ara labumatesigami pipi kalina, mara naua vanigami vaga saikesa nogo ti na sipi ara vangaraua na labumatesiaqira.