Josua 17:18 - Ghari

¹⁸ Ma na kao vungavungaga popono ia sauba ke lia na tamanimui. Me atsa moa ti na kao ia e totu tana goana atsi, me tugugamu manana kamu kavivera vaolu i tana, ma kamu aditamanimui tû kesa tabana me tsau bâ kesa tabana. Migira na Kanaan igira e atsa moa ti ara tinoni susuliga mara tamani terê tapala, me sauba nomoa igamu kamu tangomana na tsialigiaqira.”

Josua 17:18 Referans Kwoze

Hibru 13:6

Vaga ia, me ida gita ma ka malagai na tsariana tana gokona na Linge Tabu, “Na Taovia niqu sasanga, me utu kau matagu. ?Nagua tangomana kesa na tinoni lee ke naua vaniau?”

Roma 8:31

?I mataqira na omea dou sui girani, nagua tugua ka tsaria igita? ?Ti vaga God ke totu tabana konida igita, masei goto tangomana ke tukapusigita?

Roma 8:37

!Pipi sui tana omea e gadovigita igita a dona ka tangomana na putsi taniaqira tana susuligana nogo aia e galuvegita!

Josua 15:9

Me tû tana, me liu bâ tana Vuravura ni Neptoa, me rutsu laba tana verabau ligisana na Vungavunga Epron. Mi tana te e pilo kalea i Baala se i Kiriat Jearim,

Josua 20:7

Me vaga ia, mi tabana i tasi na Kô Jordan, ara vililigitugira tolu na verabau kara lia na vera agana na mani tsogoravi: tugira nogo i Kedes tana Galilii tana kao vungavungaga ni Naptali; mi Sekem tana kao vungavungaga ni Epraim; mi Hebron tana kao vungavungaga ni Juda.

Josua 13:6

Miani e adisaigotoa niqira butona kao popono igira na Sidon igira ara mauri tana kao vungavungaga i levugaqira na Vungavunga Lebanon ma na Misrepot Maim. Inau sauba kau tsialigigira na tinoni sui girani i mataqira na tinoni ni Israel kalina igira ara maimai moa i sautu. Migoe nimu aqo ko votagira na kao girani i laoqira na tinoni ni Israel, vaga nogo inau au ketsaligo ko naua.

Josua 17:17

Ma Josua e tsarivanikaira na puku ka koniqira a Epraim ma Manase i Tasi, “Eo, e mana amu danga sosongo igamu, mamu susuliga sosongo goto. E tau tugua kamu adia kesa moa na tuva.

1 Samuel 1:1

E totu kesa na mane, a Elkana na asana, maia na puku konina a Epraim, me totu tana vera ni Rama tana kao vungavungaga ni Epraim. Maia Elkana na dalena a Jeroham ma na kukuana e Elihu, me talumai tana vungu konina a Tohu, aia kesa na turina na duli konina a Sup.

2 Samuel 18:6

Migira nina mane vaumate a David ara vano tana nauna mangasâ, mara ba na vailabugi koluaqira na Israel i laona na legai atsi ni Epraim.

Tuturigana 49:24

Ma nina parige aia e nari kalavatavia moa, Ma na kimana ara susuliga Ginia na susuligana nogo nina God Susuliga a Jakob, Ginia na Reitutugu Sipi Laka, aia niqira Reitutugu na Israel.

Na Vaolusi Ketsa 33:17

A Josep e susuliga vaga kesa na buluka mane, ma na kakatsana ara vaga na kakatsana kesa na buluka atsi. Igira na toga tana puku konina a Manase ara vaga nogo kesa na kakatsana, migira na sangavulu toga tana puku konina a Epraim ara vaga kesa goto na kakatsana. Me gini kaira na kakatsana karani, aia e sokamuginigira na puku tavosi sui, me takuviginigira tsau bâ tana vovosana na barangengo.”