Josua 14:13 - Ghari

¹³ Me tû a Josua me tabua a Kaleb na dalena a Jepune me sauvania na verabau ni Hebron ke aditamanina.

Josua 14:13 Referans Kwoze

Tinoni Pede 1:20

Mara sauvania a Kaleb na vera ni Hebron, vaga a Moses e pedenogoa vanigira. Maia Kaleb e tsialigigira tania na verabau ia ara tu tolu na duli igira na kukuana nogo a Anak.

Josua 22:6

Ma Josua e tabugira me mologira kara visu i veraqira me tsarivanigira, “Igamu amu visu i veramui kalina ia, kolugira danga nimui omea levolevo, kolugira goto danga na buluka ma na siliva, na qolumila, na tapalamila, na tapalalaka, ma na polo danga sosongo. Kamu vano ma kamu vaivotagi kolugira gamui pukukolu na omea igamu amu laua i koniqira gamui gala.” Aia a Moses e saunogoa na kao tabana i longa na Kô Jordan vania kesa turina na puku konina a Manase, me vanigira na turina tavosi ma Josua e sauvanigira na kao e totu tabana i tasi na Kô Jordan kolugira goto na puku tavosi.

Josua 15:13

Me vaga nogo na Taovia e ketsalia a Josua, aia e sauvania a Kaleb na dalena a Jepune na turina niqira butona na kao igira na puku konina a Juda. Me aditamanina i Hebron, aia na verabau e tamanina a Arba na tamana a Anak.

Linge Na Galuve 6:9

Minau, e kesa lelê moa na daki au galuve sosongolia, maia e uluvao laka vaga moa na kulukulu. Maia segeni lelê moa ngiti dalena daki na tinana maia e padaloki sosongolia bâ liusigira na dalena mane. Migira sui na daki vaolu ara morosia mara tsonikaea; migira goto na daki taovia ma na savana lê na taovia tsapakae ara tsonikaea.

1 Samuel 1:17

Ma Eli e tsarivania, “E dou, ko vano tana rago. Maia na God ni Israel ke sauvanigo na omea igoe o nongia i konina.”

Tuturigana 47:10

Ma Jakob e tabutugua na taovia tsapakae, me vailivua me vano.

Tuturigana 47:7

Mi muri ma Josep e adimaigotoa a Jakob na tamana me sauvulagi vania na taovia tsapakae. Ma Jakob e tabua na taovia tsapakae,

Josua 14:14

Ma na verabau i Hebron ara tamanina moa igira na kukuana a Kaleb na dalena a Jepune na Kenas, rongona aia e muri kalavatavidoua na omea e ketsalia na Taovia na God ni Israel.

1 Samuel 30:14

Igami ami ba labunovotigira nogo na Keret tana butona kao ni Juda tabana i ata, ma niqira butona kao goto igira na duli konina a Kaleb, mami mololakena na vera ni Siklag.”

1 Samuel 30:31

mi Hebron. Me tusuvangalaka vanigira na vera sui i tana aia kolugira nina mane vaumate ara liuvinogoa.

2 Samuel 2:1

Mi murina ia, ma David e veisuâ na Taovia, “?Laka igoe o ngaoa kau visutugua tana Juda?” Ma na Taovia e gokovisu me tsarivania, “Eo.” Ma David e veisuagotoa, “?Miava tana kau bâ?” Ma na Taovia e tsarivania, “Ko bâ i Hebron.”

1 Turupatu Dato 6:4

Igirani nogo na kukuana a Eleasar tana vatavata babâ: a Eleasar na tamana a Pinehas, ma Pinehas na tamana a Abisua, ma Abisua na tamana a Buki, ma Buki na tamana a Usi, ma Usi na tamana a Seraia, ma Seraia na tamana a Meraiot, ma Meraiot, na tamana a Amaria, ma Amaria na tamana a Ahitub, ma Ahitub na tamana a Sadok, ma Sadok na tamana a Ahimaas, ma Ahimaas na tamana a Asaria, ma Asaria na tamana a Johanan, ma Johanan na tamana a Asaria, aia nogo e Mane Tabu Loki i laona na Vale Tabu aia a Solomon na taovia tsapakae e logoa i Jerusalem, ma Asaria na tamana a Amaria, ma Amaria na tamana a Ahitub, ma Ahitub na tamana a Sadok, ma Sadok na tamana a Salum, ma Salum na tamana a Hilkia, ma Hilkia na tamana a Asaria, ma Asaria na tamana a Seraia, ma Seraia na tamana a Jehosadak, aia nogo a Nebukadnesar na taovia tsapakae e aditsekâ kolugira goto na tinoni sui tana Juda mi Jerusalem.

Nehemia 11:25

Me danga na tinoni ara totu tana vera ligisana niqira uta segeni. Migira tana puku konina a Juda ara totu tana verabau ni Kiriat Arba, mi Dibon, mi Jekabseel, mi tana vera tetelo i ligisaqira.