Josua 10:36 - Ghari

³⁶ Mi murina ia, ma Josua ma nina alaala na mane vaumate ara mololea i Eglon mara dato bâ tana vungavunga mara ba tsau i Hebron mara bokia,

Josua 10:36 Referans Kwoze

Tinoni Pede 1:10

Mi tana mara tû mara baginigira na Kanaan ara totu tana verabau ni Hebron, aia na vera ara soaginia i sau i Kiriat Arba. Mi tana ara tuliusigira na duli tu koniqira a Sesai, ma Ahiman, ma Talmai.

Josua 15:13

Me vaga nogo na Taovia e ketsalia a Josua, aia e sauvania a Kaleb na dalena a Jepune na turina niqira butona na kao igira na puku konina a Juda. Me aditamanina i Hebron, aia na verabau e tamanina a Arba na tamana a Anak.

Tsoko Tinoni 13:22

Mara tu vano talu tana Negev mara tu liu bâ talu i tabana i ata na kao mara tu bâ tsau i Hebron i tana ara totu na duli tu koniqira a Ahiman, ma Sesai ma Talmai, igira na kukuaqira na mamatana na mumû ara soaginigira na Anakim. Ara ida ara logoa na vera ni Hebron, me vitu na ngalitupa i muri ti igira na Ejipt ara logoa na vera ni Soan.

1 Turupatu Dato 12:23

Mi kalina a David e totu moa i Hebron, mara danga sosongo na mane vaumate tamani sagore ara sangasage tana nina alaala na mane vaumate, gana kara sanga na molokaeana a David ke lia na taovia tsapakae na tuguna a Saul, vaga e vekenogoa na Taovia. Iani nogo e vaga na dangaqira: Igira na Juda: ara 6,800 na mane ara tamani tovu niqira tako ma niqira bao; migira na Simeon: ara 7,100 na mane vaumate ara dona dou na aqona na vailabu; migira na Levi: ara 4,600 na mane; migira ara tsarimurina a Jehoiada na kukuana a Aaron: ara 3,700 na mane; migira na kamana a Sadok aia kesa na mane vaolu e malagai sosongo tana vailabu: ara 22 na tinoni lokiloki; migira na Benjamin, nina puku segeni nogo a Saul: ara 3,000 moa na mane, rongona na dangana na tinoni tana puku konina a Benjamin ara totukakai moa i konina a Saul; migira na Epraim: ara 20,800 na mane ara tangirongo i laona niqira duli segeni; migira na Manase Tabana i Tasi: ara 18,000 na mane ara viligira kara ba molokaea a David ke lia na taovia tsapakae; migira na Isakar: ara 200 na mane tagao, kolugira na mane ara totu i vavana niqira tagao ma na mane tagao girani ara dona dou na pedeana na omea kara naua igira na Israel, mi tana tagu gua e dou vania na nauana; migira na Sebulun: ara 50,000 na mane ara lavu nogo tana vailabu, mara tamaninogoa pipi moa vatana na vangana na vailabu mara padakuti matena moa na sangaana a David; migira na Naptali: ara 1,000 na taovia tagao kolugira 37,000 na mane ara tangolinogoa niqira tako ma niqira bao; migira na Dan: ara 28,600 na mane ara dona dou na aqona na vailabu; migira na Aser: ara 40,000 na mane ara totu vangarau matena na vano tana vailabu; Mi tugira na puku tabana i longa na Kô Jordan, tugira na Ruben, ma na Gad ma na Manase Tabana i Longa: ara 120,000 na mane ara dona na gini aqo pipi moa vatana na vangana na vailabu.

Josua 21:13

Migirani nogo na verabau ara sauvanigira na kukuana a Aaron na manetabu: i Hebron aia kesa vidaqira na verabau gana na mani tsogoravi, mi Libna,

Josua 15:54

Humta, Hebron, Sior: igira sui kolu ara siu na verabau, kolugira goto na vera tetelo ara totu polipoligira.

Josua 10:5

Mi tugira tsege niqira taovia tsapakae na Amor, tugira nogo na taovia tsapakae ni Jerusalem, mi Hebron, mi Jarmut, mi Lakis, mi Eglon, ara sai alaala mara ba tupolia na Gibeon mara bokia.

Josua 10:3

Maia Adonisedek e mologoko bâ vanitugira a Hoham na taovia tsapakae ni Hebron, ma Piram na taovia tsapakae ni Jarmut, ma Japia na taovia tsapakae ni Lakis, maia Debir na taovia tsapakae ni Eglon, me tsarivanitugira:

Tuturigana 13:18

Ma Abram e tû me mololea i tana me ba vaturikaea nina valepolo varangisigira na gaitabu e tamanina a Mamre tana Hebron, mi tana maia e logogotoa kesa na belatabu vania na Taovia.

Josua 10:35

Mi tana dani nogo ia, migira ara tangolia na vera ia, mara matesigira goto pipi sui na tinoni i tana, vaga nogo ara naua i Lakis.

Josua 10:37

mara tangolia na vera ia. Ara labumatesia na taovia tsapakae ni tana me pipi sui na tinoni i laona na verabau ia, kolugira sui goto na tinoni ara totu tana vera varangi. Ma Josua e pedea kara toroutsani saikesalia na verabau ia, vaga saikesa nogo na omea aia e nauvania na vera ni Eglon. Me tagara lelê kesa sa vidaqira i laona na vera ia ke mauri.

Tinoni Pede 1:20

Mara sauvania a Kaleb na vera ni Hebron, vaga a Moses e pedenogoa vanigira. Maia Kaleb e tsialigigira tania na verabau ia ara tu tolu na duli igira na kukuana nogo a Anak.

2 Turupatu Dato 11:10

Sora, Aijalon, ma Hebron.