Jona 4:2 - Ghari

² Me tsaria, “?Taovia, laka inau au tau tsarivanigo nogo tana idana kalina au tau vati mololea i veraqu, laka aia saikesa nogo na omea igoe sauba ko naua? !Aia nogoria na rongona ti au gini tovokakaia kau tsogovano i Spain! Inau au donagininogoa laka igoe na God na galuve, mo galuve sosongoligira na tinoni sui. O berengiti na kore, mo dona sosongo na galuve tinoni, ma na oliana nimu papada ma na tau kede tinoni.

Jona 4:2 Referans Kwoze

Linge 86:15

Migoe Taovia o tobalaka sosongo mo God na galuve, mo berengiti sailagi mo mana saviliu.

Linge 145:8

Na Taovia e doulaka, me dona sosongo na galuve, e kisâ rago na kore me totu saviliu nina galuve vo oli.

Linge 86:5

Igoe o dou sosongo vanigami, mo padalegira moa nimami sasi, me loki sosongo nomoa nimu galuve vo oli vanigira sui ara nongigo.

Mika 7:18

Me tagara goto sa god ke vaga igoe Taovia; igoe o padale vanigira niqira sasi nimu tinoni igira ara kauvisu. Mo tau goto dona na tangoli okaana nimu kore, mo gini mage moa na sauvulagi vaniamami nimu galuve vo oli.

Jeremia 18:8

bâ, mi muri, ma na puku ia ke piloligi tania nina sasaga tabaru, minau sauba kau tau rago nauvania na omea seko au pedevaninogoa.

Binaboli 32:14

Mi tana, maia na Taovia e olitugua nina papada, me tau tugua naua na omea seko aia e padâ laka ke nauvanigira nina tinoni.

Linge 78:38

Ma God aia e galuvegira nomoa nina tinoni. Me padale vanigira niqira sasi me tau kede sekoligira. Me danga sosongo kalina aia e berengiti kolugira me tangolivisutugua na korena me tau kore vanigira.

Amos 7:3

Mi tana, ma na Taovia e olia nina papada me tsaria, “Na omea igoe o vasini reia sauba e utu tugua ke laba.”

Jona 3:10

God e reia na omea ara naua. E morosia laka ara mololenogoa niqira sasaga tabaru. Te e gini olia nina papada me tau kedegira vaga aia e tsarinogoa laka sauba ke naua.

Jona 1:3

Ma Jona e tû me aligiri na vano, me molomuri vania i Nineve, rongona e ngaoa ke tsogoligi tania na Taovia. Me vano i Jopa, mi tana e reia kesa na vaka e vangaraua na vano i Spain. Maia e bâ me volia nina pasisi, me sangasage kolugira na mane na vaka ia na vano i Spain, i tana e padâ ke gini totu popoi tania na Taovia.

1 Taovia Tsapakae 19:4

maia segeni e vanovano babâ kesa na dani popono i laona na legai mangu. Me kolae sosongo te e totupuka i vavana kesa na gai, me ngaonogoa laka ke mate. Me nongia na Taovia me goko vaga: “!E tuguau sosongo nogo Taovia! !E dou ti kau mate moa!”

Amos 7:6

Mi tana, ma na Taovia e olitugua nina papada me tsaria, “Na omea iani e utu goto ke laba.”

Linge 90:13

?Ke oka koegua sagata goto ke totu nimu momosatoba vanigami? !Taovia ko galuvegami igami nimu tinoni aqo!

Luka 10:29

Maia na tarai na Ketsa e ngaoa moa ke tuliusia a Iesu, te e veisuaa goto, “?Masei vaga igira na kulaqu?”

Jeremia 20:7

“Lao, Taovia, igoe o valoau, minau au tutunina lê nimu goko. Igoe o susuliga bâ vaniau, mo tuliusiau inau. Migira na tinoni sui ara gilugaqu, mara kiataginiau lê tana dani popono.

Na Vaolusi Ketsa 4:31

Na Taovia nimui God aia na God na galuve; maia sauba e utu ke tsonilegamu, se ke matesiligigamu, se ke padalea na vaitasogi aia segenina nogo e naukolugira na mumuamui.

Linge 103:8

Na Taovia e doulaka me dona sosongo na galuve, e kisa rago na kore me totu saviliu nina galuve vo oli.

Jeremia 26:13

Nimui aqo igamu kamu olia nimui sasaga ma nimui omeomea, ma kamu rongomangana na Taovia nimui God. Me ti vaga kamu nauvaganana ia, maia goto sauba ke olia nina papada aia e vangarau manogatinogoa gana ke toroutsanigamu.

Jeremia 42:10

‘Ti vaga igamu kamu ngaoa na totu babâ moa tana kao iani, bâ, minau sauba kau vaturikaegamu, me utu goto kau toroutsanigamu; inau sauba kau tsukagamu, me utu goto kau vutikaegamu, rongona au gini padasavi sosongo na rota loki au alomainogoa vanigamu.

Jona 3:9

Tau utu God sauba ke olia nina papada. Tau goto utu ti ke sui nina momosatoba vanigita, me ke utu goto gita ka mate.”