Jona 2:9 - Ghari

⁹ Minau sauba kau lingena na tsonikaeamu igoe, ma kau savori-kodoputsa vanigo, ma kau manalia na omea au vekenogoa vanigo. !Rongona na mauri sui e talumai i konimu moa igoe Taovia!”

Jona 2:9 Referans Kwoze

Linge 3:8

Na tangomana e talumai i konimu igoe Taovia, migoe ko tû mo ko vangalaka vanigira nimu toga.

Linge 50:14

Kamu soadouau moa inau nimui God ngiti nimui savori-kodoputsa vaniaqu, ma kamu manalidougira nimui veke sui amu nauvaniau inau na Taovia Susuliga Sosongo.

Hibru 13:15

Vaga ia, migita a tutunina nogo a Iesu Kristo, nida aqo ti ka tsonikae sailaginia God ngiti nida savori vaniana. Maia nogoria igita a naua pipi kalina igita a koevulagia laka a Iesu aia nogo e Taovia.

Linge 50:23

Aia e soadouau ngiti savori-kodoputsa, aia nogo e tsonikaeau manana, minau sauba manana kau maurisigira pipi gira sui ara rongomangaqu.”

Hosea 14:2

Kamu visumai i konina na Taovia, ma kamu tsaria na nonginongi iani ngiti sausau vania: “Kiki Taovia, ko padalegira sui nimami sasi, mo ko tabedoua nimami nonginongi, migami sauba kami tsonikaego vaga ami veke vanigo nogo i sau.

Linge 68:20

Nida God igita aia na God e maurisigita; Maia nogo na Taovia nida Taovia, aia e laumaurisigita nogo tania na mate.

Roma 12:1

Igamu tasiqu, tana rongona nina vangalaka loki God vanigita, te inau au gini raigamu kakai: Kamu sau segenimui vania God vaga nogo kesa na kodoputsa mamauri ngiti savori tabu, ma kamu gini dou i matana aia. Ia nogoria na vatana na samasama manana e ulagana kamu sauvania God.

Isaia 45:17

Ma na Taovia aia segenina nogo e maurisigamu igamu na Israel, ma gamui tangomana sauba ke totu saviliu; me utu saikesa kara paluvangamamui goto.’ ”

Na Katemai 7:10

Mara guguu dato mi gotu na lioqira mara tsaria, “!Na mauri saliu e pukugamai i konina nida God aia e totu tana nina sasana na totukae mi konina goto na Dalena Sipi!”

Ioane 4:22

Igamu na Samaria, amu tau donaginia laka asei amu samasama vania; migami moa na Tsiu ami donaginia asei igami ami samasama vania, matena i koniqira nogo na Tsiu God e vekea ke labamai na Vagamauri.

Jeremia 33:11

gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

Nina Papi A Job 22:27

Mi kalina ti ko nonginongi, maia sauba ke rongomia nimu nonginongi, migoe sauba ko gini mage na manaliana na omea o gini veke na nauana,

Tuturigana 35:3

Igita sauba ka mololea ieni ma ka vano i Betel, i tana inau sauba kau logoa kesa na belatabu vania na God aia e sangaau inau tana taguna niqu rota, maia e totu koluau pipi tana nauna sui i tana au liu.”

Aqoaqo 4:12

Mi konina segeni lelee moa aia, igita a dona ka tsodovulagia na mauri saliu. Mi laona na barangengo popono e tagara saikesa goto ke kesa na soa God ke molovania kesa na tinoni ke susuliga na vagamaurisiada.”

Linge 107:22

Ma niqira aqo goto kara soadoua kolua niqira savori-kodoputsa, mi laona niqira linge na magemage kara katevulagigira na omea sui aia e naugira.

2 Samuel 15:7

Putsi vati na ngalitupa, ma Absalom e vano konina a David na taovia tsapakae me tsarivania, “Taovia, ko tamivaniau kau vano i Hebron, mi tana kau ba manalia niqu veke au vekenogoa vania na Taovia.

Na Vaolusi Ketsa 23:18

Ma kamu laka goto na adivanoana i laona na valena na Taovia nimui God, gana na manaliana kesa nimui veke, sa qolo amu adia tana aqo rebi. Na Taovia e reisavi sosongoligira na rebi na valetabu.

Linge 27:1

Na Taovia aia nogo niqu marara ma na pukuna niqu sasanga. ?Masei goto sauba kau matagunia? Na Taovia nogo aia e reitutuguau tanigira pipi sui na omea seko. ?Masei kau matagunigotoa?

Linge 95:2

Ka tû i matana ma ka soadoua, ka linge tana mage ma ka tsonikaea.

1 Samuel 12:21

Ma kamu laka goto na pilo bâ i koniqira na god peropero; igira e utu saikesa kara sangagamu se kara maurisigamu, rongona igira ara tau mana.