Jona 2:7 - Ghari

⁷ Mi kalina au vatsangia na mauriqu e nananga lê nogo taniau, mi tana au nongigo Taovia, mi laona nimu Vale Tabu igoe o rongomiau.

Jona 2:7 Referans Kwoze

Linge 18:6

I laona niqu rota inau au ngangaidato vania na Taovia. Au ngangaidato vania niqu God rongona aia ke sangaau. Mi laona nina vale tabu, aia e rongomia na tatangina na lioqu. Me rongomivatavia niqu ngangaidato vania.

2 Turupatu Dato 30:27

Migira na manetabu ma na Levite ara nongia na Taovia ke tabugira na tinoni. Mi tana verana segeni nogo i gotu i baragata, maia God e rongomia niqira nonginongi me tabedougira.

Linge 143:5

Inau au padavisugira na dani ara vano putsi nogo; mau papada tana rongoqira na omea sui igoe o aqosigira; mau pukugira sui i tobaqu na omea igoe o naugira nogo.

Linge 11:4

Ma na Taovia aia e totu rago i laona nina valetabu; me tamanina nina sasana na totu i baragata. E morosigira na tinoni pipi tana nauna sui me donaginia na omea sui igira ara naua.

1 Samuel 30:6

Maia David e totu tana rota loki sosongo, rongona igira sui nina mane e seko sosongo na tobaqira mara ngaoa laka kara taiginia na vatu. Ara gini kore rongona ara nanga nogo na daleqira. Ma na Taovia nina God e sauvania a David na susuliga, me gini malagai tugua.

Linge 27:13

Inau au tutunina laka sauba kau reilakana na douna na Taovia kalina au mamauri moa i lao eni.

Linge 20:7

Visana ara vataraginia gaqira susuliga tana niqira terê na vailabu, mara visana tavosi tana niqira ose, migita a norua moa na susuligana na Taovia nida God.

Linge 65:4

Kara mage igira igoe o viligira nogo; igira igoe o adigira kara totu i laona nimu Vale Tabu. Sauba igami kami gini mage loki sosongo tana rongoqira na omea dou sosongo igoe o tusuvanigami i laona na valemu, i tana nimu Vale Tabu.

Hibru 12:3

Kamu padatugugira na rota sui ara gadovia a Iesu, ma nina berengiti kolugira na tinoni sasi ara tovokakaia na tukapusiana aia. Vaga ia, migamu kamu laka na qisi ma na pukavisu lee.

Habakuk 2:20

Na Taovia aia e totu i laona nina Vale Tabu. Igamu sui na tinoni tana barangengo kamu totu mui dodo moa i matana.

Mika 1:2

Kamu rongomia na omea iani igamu na tinoni sui. Eo, igamu sui amu mauri tana barangengo kamu rorongo mai. Aia nogo na Taovia God sauba ke taimatamui. !Kamu rorongovata! Aia e totu tana valena tabu i gotu i baragata me gokomai vanigamu.

Jona 2:4

Au pada laka igoe o tsoniligi saikesaliau nogo tania na matamu igoe, me ke utugana vaniau goto kau reilakana tugua nimu Vale Tabu.

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

Linge 43:5

?Megua vaga inau te au melu sosongo vaga ia? ?Megua ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua, aia niqu vagamauri ma niqu God.

Linge 42:11

?Megua vaga inau ti au melu sosongo vaga ia? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 42:5

?Megua vaga inau ti au melu sosongo vaga ia kalina? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 22:14

E nanga lê sui na susuligaqu inau, vaga moa ti na kô e nara lê tana kao. Ara viri tapiu sui na suliqu tania na sasaiqira; ma na kosuqu e rono lê vaga moa ti na kadele kalina e iru.

Linge 142:3

Mi kalina e varavara nogo kau pukavisu lê, maia e dona sui nogo niqu omeomea. Tana sautu tana sauba kau liu inau, igira gaqu gala ara molopoia vaniau gaqu taviti.

Isaia 38:17

Niqu vatsangi savi e oli me lia na rago. Igoe nogo o maurisiau tanigira na omea seko sui, Kalina igoe o padalegira pipi sui niqu sasi.