Jona 2:4 - Ghari

⁴ Au pada laka igoe o tsoniligi saikesaliau nogo tania na matamu igoe, me ke utugana vaniau goto kau reilakana tugua nimu Vale Tabu.

Jona 2:4 Referans Kwoze

Linge 31:22

Inau au matagu loki mau tsaria i tobaqu, “Igoe o tsialigiau nogo tania na matamu.” Me tagara. Igoe o rongomia moa niqu ngangaidato vanigo, kalina inau au nongigo ko sangaau.

Linge 5:7

Eo, mi tana rongona moa nimu galuve loki igoe, te e gini tau utu vaniau na mai i laona na valemu; ma na samasama i laona na Valemu Tabu ma na tsuporu vaniamu tana kukuni loki.

Isaia 38:17

Niqu vatsangi savi e oli me lia na rago. Igoe nogo o maurisiau tanigira na omea seko sui, Kalina igoe o padalegira pipi sui niqu sasi.

2 Turupatu Dato 6:38

Me ti vaga i laona na vera ao ia igira nimu tinoni kara padasavi ma kara pilotoba manana, ma kara nonginongi vanigo igoe kalina kara aromai kalea na kao iani igoe nogo o sauvanigira na mumuamami, ma na verabau iani igoe o vilinogoa, ma na Vale Tabu goto iani inau au logoa vanigo,

Daniel 6:10

Mi kalina a Daniel e rongomia laka na taovia tsapakae e mare soana nogo tana vali ia, maia e tû me visutugua i valena. Mi laona na valena segeni nogo ia, e totu kesa na voki tana vatabela i gotu, mi tana ara totu visana na ovaova gana na bisi ara arokalea bâ i Jerusalem. Mi tana, vaga aia e lavu nogo na nau sailaginiana, e tsuna tuturu i matana na ovaova na bisi me nonginongi vania God tolu na tagu i laona pipi dani.

Jeremia 7:15

Inau sauba kau tsialigigamu tania na mataqu, vaga nogo au tsialigigira na kamamui igira na tinoni ni Israel. Inau nogo na Taovia au tsaria na omea iani.”

Esekiel 37:11

Ma God e tsarigotoa vaniau, “Dalena tinoni igoe, igira na tinoni ni Israel ara vaga saikesa nogo na suli girani. Igira ara tsarivaganana iani, ‘Igami ami mamatsa lê, me utu goto kami dou visutugua, me tagara lê vanigami nogo.’

Jeremia 15:1

Mi muri, ma na Taovia e tsarivaniau inau a Jeremia, “Me atsa moa ti kaira a Moses ma Samuel kara ka totu nogo ieni i mataqu, ma kara nonginongi tsai vaniau mateqira na tinoni girani, me utu goto inau kau galuvegira. Ko ketsaligira kara vanoligi saikesa tania na mataqu inau.

Isaia 49:14

Migira na tinoni ni Jerusalem ara goko mara tsarivaganana iani, “!Na Taovia e tsonilegita nogo! Aia e padalegita saikesa nogo.”

1 Taovia Tsapakae 9:7

mi tana minau sauba kau tsialigigira niqu tinoni ni Israel tania na kao inau au saunogoa vanigira. Me sauba kau vanoligi tanigotoa na Vale Tabu iani aia au vasini baloa ke lia na nauna i tana kara mai samasama vaniau igira na tinoni. Migira na tinoni pipi tana nauna sui sauba kara gilugamu igamu na Israel ma kara peagamu lê.

1 Taovia Tsapakae 8:48

Me ti vaga i laona na vera ao ia, igira nimu tinoni kara padasavi ma kara pilotoba manana, ma kara aromai kalea na kao iani igoe nogo o saua vanigira na mumuamami, ma na verabau iani igoe o vilinogoa, ma na Vale Tabu iani inau au logoa vanigo,

Jona 2:7

Mi kalina au vatsangia na mauriqu e nananga lê nogo taniau, mi tana au nongigo Taovia, mi laona nimu Vale Tabu igoe o rongomiau.

Linge 42:8

Na Taovia ke sauvulagi vaniau nina galuve vo oli i laona na dani male, rongona ti inau kau gini tangomana na linge tana bongi, ma na lotu vaniana God aia na pukuna na mauriqu.

Linge 88:6

Igoe o tsonitsunaau nogo tana qilu i lao vasau, tana qou i tana e rodo pulipuli.

Linge 88:7

Ma na koremu loki e kobiau, minau au tsaro rapa i vavana na panuna.

Tangitangi 3:54

E dadato na kô me varangi nogo ke popoisiau, mau padâ laka e varangi nogo kau mate.