Jona 2:2 - Ghari

² “Taovia, i laona niqu rota inau au soago, migoe o rongomiau. I laona na qouna na maorodo au ngangaidato vanigo ko sangaau, migoe o sangaau.

Jona 2:2 Referans Kwoze

Linge 120:1

Kalina au totu i laona na rota loki, minau au ngangaidato vania na Taovia, maia e rongomiau.

Linge 34:6

Igira e tagara kesa ke sangagira ara soâ na Taovia, maia e rongomigira; me maurisigira tania pipi sui niqira rota.

Linge 86:13

!E loki sosongo nomoa nimu galuve vo oli vaniau! Igoe nogo o laumaurisiau tania na qilu.

Hibru 5:7

Mi kalina a Iesu e mauri i barangengo, me danga kalina aia e nonginongi kakai me ngangai dato (vania) God, rongona aia segeni taingoimana ke maurisia tania na mate ti vaga aia ke ngaoa. Ma na rongona a Iesu e kukuni tania God, me molotsuna segenina i matana, te aia God e rongomiginia nina nonginongi.

1 Samuel 30:6

Maia David e totu tana rota loki sosongo, rongona igira sui nina mane e seko sosongo na tobaqira mara ngaoa laka kara taiginia na vatu. Ara gini kore rongona ara nanga nogo na daleqira. Ma na Taovia nina God e sauvania a David na susuliga, me gini malagai tugua.

Mateo 12:40

A Jona e totu e tolu na dani me tolu na bongi i laona na tobana kesa na busu loki. Me sauba ke laba vaga vaniau goto inau na Dalena Tinoni. Sauba inau kau totu ke tolu na dani me ke tolu na bongi i laona na qilu.

Linge 116:3

Na sosorina na mate ara totu polipoliau; ma na papadana na qiluqilu e koviau popono; me ngoli sosongoliau na matagu ma na padasavi.

Linge 22:24

Aia e tau dona ke reilea se ke peâ na rota e gadovigira na tinoni ara tau tamanina sa omea; me tau goto dona ke piloligi tanigira. Aia e rongomigira kalina ara soâ ke sangagira.”

Linge 4:1

!Niqu God, igoe nogo o isutuguqu! Mi kalina ti kau nongigo, migoe ko rongomia niqu nonginongi. Kalina inau au totu i laona na rota, migoe nogo o sangaau. Mi kalina eni au nongigo ko rongomia niqu nonginongi.

Luka 22:44

E ngolia tobana na rota loki sosongo, maia e nonginongi kakai goto baa, me gini maono na gabu me kukudutsuna tana kao.

Isaia 14:9

“Igira tana barangengo na mate ara vangaraua na soalakaamu kalina ko mailaba i koniqira. Me tsaria, ‘Kamu tû igamu na noaqira na tinoni tangi rongo ni sau, migamu na taovia tsapakae kamu tudato tania nimui sasana na totukae, ma kamu mai na valaleana na taovia tsapakae ni Babilon.’

Linge 65:2

rongona igoe o rongomigira manana nimami nonginongi. Igira na tinoni sui sauba kara labamai i matamu igoe,

Linge 61:2

!Au totu ao tania na veraqu, me ponopala sosongo na tobaqu, mau soago igoe ko sangaau! Ko adiau bâ kesa tana nauna i tana kau totu raviravi dou,

Linge 16:10

Rongona igoe nogo o dilaau mau gini savi tania na susuligana na mate. Me sauba e utu vanigo ko tsonilea vania na verana na mate kesa aia e totukakai i konimu.

Aqoaqo 2:27

rongona igoe nogo niqu God, me tagara ko tau tsonilea na tidaoqu vania na verana na mate; me sauba ko tau goto tamivania na konina kesa aia e noru saikesaligo ke ratsa lee tana kao.

1 Samuel 1:16

Ko laka na padaana laka inau kesa na daki bubulega lê. Inau au nonginongi vaga ia rongona e melu sosongo na tobaqu.”

Tangitangi 3:55

“Mi laona na qilu loki ia, inau au ngangaidato vanigo igoe Taovia,

Esekiel 26:20

Me sauba kau tsonitsunago tana barangengo na mate i tana ara totu igira ara mauri i sau. Mi tana ko totu saviliu kolugira sui ara toroutsa nogo. Me ke tagara goto ke kesa ke totuvigo tugua, me ke utu vanigo goto ko lia tugua sa veraloki i laona na barangengo.

Esekiel 31:14

Bâ, me tuturiga kalina ia, sauba ke tagara goto sa gai, atsa moa ti na kô ke porisidoua na lamuna, ke dona na dato ao vaga ia me ke suâ na parako. Migira sui sauba nomoa kara mate vaga goto pipi sui na tinoni, ma kara ba tsuna sui tana barangengo na mate i tana ara totu igira sui ara mate nogo.

2 Turupatu Dato 33:12

Mi tana nina rota loki aia e molotsunali segenina, me pilo bâ i konina na Taovia nina God, me nongia ke sangâ.

Luka 11:10

rongona pipi sei ti ke nongia sauba ke adia, masei moa ti ke lalavea sauba ke reivulagia, ma na bani sauba kara sangavi vania asei moa ti ke kidikidi.