Jona 1:4 - Ghari

^4-5 Mi kalina ara vovotu, ma Jona e ba tsuna saviliu tana tabulô me maturu tatanu. Tau oka ma na Taovia e moloa kesa na guguri loki tana tasi, me laba na legai loki seko sosongo me gadovia na vaka, me varangi ke tarese. Mi tana migira na mane na vaka ara viri matagu mate, me pipi gira tatasa ara ngangaidato vania niqira god segeni ke sangagira. Te ara tû mara tsonigira i tasi gana lutsa na vaka rongona ke gini malamala na vaka.

Jona 1:4 Referans Kwoze

Amos 4:13

Aia God nogo e aqosigira na vungavunga me moloa na guguri. Maia e tamivanigira na tinoni kara donaginia nina papada; me olia na dani me lia na bongi. Maia e vanovano i kelana na barangengo. !Miani nogo e vaga na soana: na Taovia God Susuliga Sosongo!

Linge 135:7

Aia nogo e naua mara tû na parako na legai loki talu tana vovosana na barangengo; e naua me botsa na angaanga i laona na usa loki, me molomaia na guguri e talu i tana aia e mololakanogoa.

Binaboli 10:19

Ma na Taovia e piloa na guguri votu me lia na tulonga, maia e tavaligi vanogira na kipo sui tana Tasi Tsitsi. Me tagara goto sa kipo ke totuvisu i laona na Ejipt popono.

Tsoko Tinoni 11:31

Ma na Taovia e tavongani moloa kesa na guguri loki me adimaigira na alaala popono na manu ara talumai i tasi, mara viri lovo liu mai lê i lao e kesa moa na mita tania na kao, mara mai pukatsuna polipoli tana nauna i tana ara tototu igira, ara tsupudato mara tsavua na kao popono na aona e tugua kesa na dani popono na vanovano tabana mi tabana na nauna i tana ara tototu.

Binaboli 15:10

Migoe Taovia o uvigira moa, migira na malagai ni Ejipt ara viri lulumi sui; mara pukaluvu vaga moa na vatukulu tana tasi loki.

Binaboli 14:21

Mi kalina igira na Israel ara mai tsau tana liligina na tasi, ma Moses e tû me sauvotu bâ na limana, ma na Taovia e moloa na guguri votu mai tana bongi popono, me uvivotâ na tasi me gini laba na kao mamatsa. Ma na tasi e tavota ruka,

Binaboli 10:13

Me vaga ia, ma Moses e saukaea nina itoro, ma na Taovia e naua me laba na guguri votu tana vera ia na dani popono ma na bongi popono. Mi tana matsaraka ma na guguri ia e adimaigira na alaala popono na kipo.

Linge 135:6

Maia e aqosigira na omea sui moa aia e padangaoa i baragata mi barangengo, i laona na tasi mi tana maorodo i lao vasau.

Jeremia 51:16

E goko moa aia, me alevo na kô i gotu tana masaoka; me naua mara maisai na parako na usa tû tana susuina na barangengo. Maia e naua me kirapi na angaanga i laona na usa, me molomaia na guguri loki talumai tana nina voki na mani mololaka omea levo.

Linge 148:8

na angaanga ma na kolina na usa kakai, na snou ma na parako, migamu goto na guguri susuliga amu murigira nina ketsa.