Joel 2:23 - Ghari

²³ “Kamu mage igamu na tinoni ni Sion, kamu gini magemage tana rongona na omea dou na Taovia nimui God e naua vanigamu. Aia e moloa ke tumu na usa tana taguna laka, me molomaia vanigamu na arausausa, vaga nogo tana idana.

Joel 2:23 Referans Kwoze

Pilipi 4:4

Kamu magemage sailagi i laona nimui mauripata koluana na Taovia. !Eo, mau tsaritugua vanigamu: kamu magemage!

Aqo Manetabu 26:4

minau sauba kau molovanigamu na usa tana tagu laka, me ke lakaga dou na mutsa tana nimui uta, ma kara vua dou nimui gai mutsamutsa.

Hosea 6:3

Ida gita ma ka tovokakaia na donaginiana na Taovia. Maia sauba ke mai manana nomoa i konida, vaga nogo na mararana na dani male, me vaga goto na usa e malobusia na kao.”

Na Vaolusi Ketsa 11:14

Me ti vaga kamu nauvaganana ia, maia sauba ke molotsunamaia na usa ke malobusia nimui kao, kalina na kao e kilia tana tagu na tsuka mutsa, tana rongona kara gini danga na mutsa, ma na uaeni, ma na oela na olive vanigamu,

Isaia 41:16

Migamu sauba kamu tsonidatogira tana masaoka, vaga moa ti na kekevuna na uiti, ma na guguri sauba ke pualigigira, ma na tulonga ke sarangasigira. Mi muri ti igamu sauba kamu gini magemage tana rongona inau nogo nimui God, ma kamu tsonikaeginiau inau na God tabu loki ni Israel.

Linge 149:2

!Kamu gini magemage igamu na Israel, rongona God nogo e aqosigamu; kamu gini mage loki igamu na toga ni Sion, tana rongona nimui taovia tsapakae!

Pilipi 3:1

Mi tana susuina niqu leta vanigamu igamu na tasiqu, au tsarigotoa vanigamu kamu magemage i laona nimui mauripata koluana na Taovia. Inau au tau qisi na mareana tugua na omea au maregira nogo, na mani sangaginiamui ma kamu gini tukakai dou babaa tana nimui tutuni.

Sekaria 10:1

Kamu nongia na Taovia maia ke molomaia na usa tana tagu na tsutsuka. Aia nogo na Taovia e molomaia na parako me gini tumu na usa, mara gini dato dou na vangana niqira uta na tinoni sui.

Linge 28:7

Na Taovia e reitutuguau me isutuguqu sailagi; minau au noru saikesalia. Maia e sangaau me naua mau gini totu tana magemage; minau au tsonikaea tana linge na magemage dou.

Isaia 30:23

Mi kalina igamu kamu tsukagira nimui omea tsukatsuka, ma na Taovia sauba ke molomaia na usa gana kara gini dato dou, ma kamu tsurivia ke danga na lakana, me ke danga goto gaqira buruburu nimui omea tuavati.

Na Vaolusi Ketsa 32:2

Niqu sasani sauba ke sangagamu dou vaga kalina na kolobu e pukatsuna tana kao me gini dato dou na buruburu vaolu. Niqu goko sauba kara vaga kalina e tumu na usa me malobusia na omea tsukatsuka vaolu.

Na Vaolusi Ketsa 28:12

Na Taovia sauba ke sangavia na parako, me ke molotsunamai na usa ke tumu tana taguna, me ke tabugira pipi sui nimui aqo, migamu sauba kamu tamani ke danga, me ke tugua kara kaoni i konimui na puku tavosi, migamu sauba ke tau goto kilia kamu kaoni konina ke kesa.

Pilipi 3:3

Igita nogoria a adia na paripapadana mainana, me tau igira, rongona igita nogoria a samasama vania God tana nina sasanga na Tarunga Tabu, ma magemage tana nida mauripata koluana a Iesu Kristo. Igita a tau vataraginia nida tutuni kesa tana aqotabu ni taba lee moa, vaga ti tana paripapadana.

Sekaria 10:7

Migira na tinoni ni Israel sauba kara susuliga vaga na mane vaumate, ma kara magemage vaga moa na tinoni ara inu uaeni. Ma na kukuaqira sauba kara padadatoa gaqira tangomana, ma kara gini mage loki tana rongona na omea sui na Taovia e nauvanigira.

Jeremia 5:24

Me atsa moa ti inau au molomaia na usa tana tagu dou ke malobusia nimui omea tsukatsuka gana kamu gini mage na tsuriviana gamui mutsa pipi ngalitupa, migamu amu tau goto dona na padalokisiaqu inau.

Linge 104:34

Ke gini laona sosongo aia na rongomiana niqu linge, rongona aia nogo na pukuna niqu magemage.

Jeremia 3:3

Aia nogoria na rongona ti inau au tangolivisua na usa, me tau tumulia nimu butona kao. Migoe o rerei vaga saikesa moa na rebi, mo tau dona na vangamâ.

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Isaia 30:21

Mi ti vaga igamu kamu ba soba tana sautu e vano tana madoa se tana mauli, migamu sauba kamu rongomia na tatangina nina goko i murimui ke tsaria, “Ieni nogo na sautu. Kamu muria.”

Goko Tabana 16:15

Me ti vaga na taovia tsapakae ke tobadou me ke reingaoa kesa tinoni, me sauba ke vangalaka vania, vaga moa kalina na parako e adimaia na usa me malobusia na kao, mara gini dato varimauri na omea tsukatsuka.

Linge 32:11

Kamu magemage ma kamu linge igamu e goto nimui sasaga, tana rongona na omea dou sui na Taovia e naugira. !Eo, kamu gudato tana mage igamu sui amu rongomangana aia!

Nina Papi A Job 33:23

“Me tau utu ke kesa i laoqira na toga nina angelo God ke mai sangaa, me ke sauvulagi vania na omea nina aqo ke naua.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Amos 4:7

Minau nogo au tangolivisua na usa kalina ara mamatsa sosongo nimui omea tsukatsuka. Au moloa na usa ke tumu kesa tana verabau, mi tana verabau tavosi tagara. Ma na usa e tumu kesa tana uta, mi tana uta tavosi e makede lê na kaona.

Tangitangi 4:2

Migira na mane vaolu ni Sion, igira igita a padaloki sosongoligira vaga moa ti na qolumila laka, mi kalina ia ara nauvanigira vaga saikesa moa ti na popovatu lê.

Sekaria 9:13

Inau sauba kau gini aqo na Juda vaga nina parige kesa na mane vaumate, migira na Israel vaga niqu pipili. Ma kau gini aqo igira na mane ni Sion vaga moa niqu isi, na mani vailabugi koluaqira na mane ni Gris.”

Aqoaqo 14:17

Maia God e gini saulabati segenina nomoa vanigira na tinoni sui i barangengo tana vuana nina aqo dou aia e nauvanigira: e moloa na usa mara gini raranga nida uta, me palaginigita na mutsa, me dangaliginigita na mage.”

Linge 84:6

Mi kalina igira ara liu tsapatugu bâ tana qou mamatsa ni Baka, ma na ko vuravura e tavongani vura dato i tana; me tumu na usa tana matsaraka mara gini dangadanga na maomao na kô.

1 Taovia Tsapakae 8:36

migoe tû i baragata ko rongomia niqira nonginongi, mo ko padale vania nina sasi na taovia tsapakae, ma niqira sasi igira na toga ni Israel, mo ko sasanigira na nauana na omea e goto i matamu igoe. Mi muri, ti igoe Taovia, ko moloa ke tumu na usa tana nimu kao igoe, aia o saunogoa vanigira nimu tinoni kara tamanina sailagi.

Nina Papi A Job 37:13

Mi kalina God e moloa na usa ke lesovia na barangengo, me visana kalina aia e naua na mani kedeginiaqira na tinoni, me visana kalina gana ke gini sauvulagia nina tobagoto vanigira.

Linge 147:8

E vuresia na parako i gotu tana masaoka, me molomaia na usa ke tumulia na barangengo, me naua mara gini dato dou na buruburu tana tetena.

Esekiel 34:26

“Minau sauba kau vangalaka vanigira sosongo, ma kau tamivanigira kara totu polia niqu vungavunga tabu. Mi tana inau sauba kau molomai vanigira na usa tana taguna laka.