Jeremia 9:5 - Ghari

^5-6 Igira sui lakalaka ara ida seko vanigira na kulaqira, me tagara goto kesa ke tsaria sa omea ke mana. Ara lavusia na lapiqira na tsoniana moa na goko pero, mara sove goto na mololeana niqira sasi. Ara naua na tsutsukibo loki, ma na vaimalapalusigi ara vaitsarimurigi. Ma na Taovia e tsaria laka igira nina tinoni ara sove tania moa.

Jeremia 9:5 Referans Kwoze

Habakuk 2:13

Migira na tinoni amu tangoligira ara gini rota loki tana aqo vaniamui, me tau saikesa tamani rongona niqira aqo, rongona sauba na lake ke ganisuigira na vale ara rota na logoaqira. Aia nogo na Taovia Susuliga Sosongo e naua na omea iani.

Mika 6:12

Igira nimui tinoni ara tamani omea danga nogo ara tû, mara ba laugotoa niqira omea na tinoni ara tau tamanina sa omea, me pipi igamu sui amu tinoni vanga peropero.

Isaia 57:10

Igamu amu gini kolae mate lê na laveaqira na god tavosi, me atsa moa e vaga ia mamu tau goto mango. Igamu amu norugira nomoa nimui god peropero marasibiga kara tusuvanigamu na susuliga, te amu gini tau mololea na laveaqira.

Nina Papi A Job 15:5

Nimu sasaga tabaru nogo igoe e labavulagia tana nimu goko bubulega o tsonia; migoe o tovoa moa laka ko poia na sasagamu tana nimu tsaqina goko sasaga.

1 Timoti 4:2

Aia na vatana na sasani vaga ia ara rasavagini bamaia igira na tinoni tobaruka, igira ara kakaisia na tobaqira rongona kara gini tau goto padagadoviginia na omea dou.

Epesus 4:25

Vaga ia, ma kamu laka goto na vaiperogi. Pipi tinoni sui ke gini goko na goko mana vania na tasina, rongona igita sui a tobasai kesa moa tana konina a Iesu Kristo.

Mika 6:3

Na Taovia e tsaria, “?Igamu niqu tinoni laka nagua sagata au nausekoli vanigamu inau? ?Me laka na kalagai mamava koegua inau au ngoliginigamu? Kamu tsarivisumai vaniau.

Esekiel 24:12

atsa moa ti na lake ke tau tangomana na ganiligi suiana na tsotsona.

Jeremia 9:8

Na lapiqira ara vaga saikesa nogo na pipili vavanga; ara tsoni sailaginia moa na goko pero. Pipi tinoni e malapalu moa na goko dou vaniana na kulana, mi laona na tobana e vangarau vania moa gana taviti.

Jeremia 9:3

Ara manogatia na lapiqira na tsoniana moa na goko pero, vaga moa kesa na mane e vangarau manogatia na gini vanavana nina pipili. Ara vô saikesa na goko mana, ma na pero moa e dato susuliga i laona na kao popono. Ma na Taovia e tsaria, “Igira niqu tinoni ara naugira na omea tabaruga ara vaitsarimurigi, mara tau goto boeginiau inau niqira God.”

Isaia 5:18

!Sauba ke seko sosongo nomoa vanigamu! Igamu amu lavu nogo na nauana na sasi, mamu tau goto tangomana na mololeana.

Goko Tabana 4:16

Igira na tinoni vanga tsutsukibo e utu kara maturu poi tsau kalina kara naua kesa omea seko. Ara tsaro mamata poi tsau kalina kara nauvania ke kesa sa omea seko.

Linge 140:3

Na lapiqira e vaga moa na muata e dona na gatimatesi tinoni; ma niqira tsaqina goko ara gini sekoli tinoni, vaga moa na muata vogata e totu na tabatu i konina.

Linge 64:3

Igira ara asa vavangâ na lapiqira vaga moa ti na isi; mara matania niqira tsaqina goko na keliseko vaga moa ti na pipili.

Linge 50:19

“Na mangamui e tau goto kuti na goko seko. Ma na lapimui e botsangia danga na goko pero.

Linge 7:14

Kamu reia bâ niqira omeomea na tinoni vanga tsutsukibo gira; igira nogo ara nausautuna na nauseko mara dona sosongo na goko valovalo.

Tuturigana 19:11

Mi muri mi kaira ara ka naua mara gini koko sui lakalaka igira na mane ara tutû i tano, rongona ke gini utugana vanigira na reiana na matsapa.

Linge 52:3

0 padalokia bâ na omea seko liusia na omea dou, ma na peropero liusia na manana.

Jeremia 7:28

Sauba ko tsarivanigira, ‘Igamu saikesa nogo na puku na tinoni amu tau rongomangana na Taovia nimui God, mamu tau gini sasani na kede e gadovigamu. Na totukakai i konina God e nanga saikesa nogo i laomui. Mamu tau goto nogo gini goko.’

Jeremia 12:6

Me atsa moa igira na kulamu, ma na tinoni i laona nimu vungu, migira goto ara sauligigo; mara sangâ na baginiamu igoe. Ko laka saikesa na noruaqira, atsa moa ti igira ara goko lakalaka dou kolugo.”

Jeremia 12:13

Igira niqu tinoni ara rasavaginia na vatuna uiti, mara angunikolugira moa na buruburu seko. Ara aqo kakai sosongo me tau goto pelugira niqira rota. E tau saikesa vungu dou niqira uiti tana rongona niqu momosatoba loki vanigira.”

Jeremia 13:23

?Laka tangomana kesa na tinoni bora ke olia na kokorana me ke sere? ?Se laka kesa na kusi atsi tuputupuga tangomana ke adiligia na tuputupuna? Me ti vaga kara tangomana moa na nauvaganana ia igira, bâ, migoe o nau baba moa na omea tabaruga, tangomana ko adi sasani i koniqira mo ko oligotoa nimu sasaga, mo ko naua moa na omea e goto me dou.

Jeremia 51:58

Na baravatuna kakai ni Babilon sauba kara vui pukaligira saikesa, ma kara tungigira nina matsapakapu datodato. Na tinoni sui ara rota lê moa na aqo; ma na omea ara aqo kakai matena ara viri iru sui saikesa. Inau nogo na Taovia Susuliga Sosongo au tsaria na omea iani.”

Jeremia 51:64

mi kalina ko nauvaganana ia, mo ko tsarivaganana iani, ‘Na omea vaga nogo iani sauba ke laba vania na vera ni Babilon, aia sauba ke luvu me ke utu saikesa goto ke tsobokaetugua, tana rongona na toroutsa loki na Taovia sauba ke alomaia i konina.’ ” Mi tana e sui nina goko a Jeremia.

Malaki 2:10

?Megua igamu, laka e tau kesa moa na tamada igita sui? ?Me laka e tau kesa moa na God e vusagita sui? ?Megua igita ti a tû moa, ma kutsia nida vekesai a naua kolugira gada verakolu, ma peaginigotoa na vaitasogi aia God e naukolugira na mumuada i sau?

Tinoni Pede 2:10

Migira na vatavata i konina a Josua ara mate sui goto. Migira moa na vatavata e botsamai i muri ara padale saikesalia na Taovia ma na omea sui aia e nauvanigira na tinoni ni Israel.

Goko Tabana 12:5

Na tinoni e goto nina sasaga e pada sailaginia na nauana na omea e goto vanigira na tinoni tavosi; ma na vanga tsutsukibo e ngaoa moa na perobulesi tinoni.

Jeremia 4:22

Ma na Taovia e tsaria, “Igira niqu tinoni ara bule nomoa. Ara tau donaginiau inau. Ara vaga saikesa moa na baka bubulega, mara tau dona na padagadoviana sa omea. Ara dona sosongo moa na nauana na omea e sasi, mara tau dona na nauana sa omea dou.”