Jeremia 9:3 - Ghari

³ Ara manogatia na lapiqira na tsoniana moa na goko pero, vaga moa kesa na mane e vangarau manogatia na gini vanavana nina pipili. Ara vô saikesa na goko mana, ma na pero moa e dato susuliga i laona na kao popono. Ma na Taovia e tsaria, “Igira niqu tinoni ara naugira na omea tabaruga ara vaitsarimurigi, mara tau goto boeginiau inau niqira God.”

Jeremia 9:3 Referans Kwoze

Jeremia 9:8

Na lapiqira ara vaga saikesa nogo na pipili vavanga; ara tsoni sailaginia moa na goko pero. Pipi tinoni e malapalu moa na goko dou vaniana na kulana, mi laona na tobana e vangarau vania moa gana taviti.

Roma 3:13

Ara dona na asu seko sailagi moa, ma na mangaqira e gini mabulu na pero. Na tabatu na mate e totu i vavana na lapiqira, vaga moa na muata vogata,

Jeremia 4:22

Ma na Taovia e tsaria, “Igira niqu tinoni ara bule nomoa. Ara tau donaginiau inau. Ara vaga saikesa moa na baka bubulega, mara tau dona na padagadoviana sa omea. Ara dona sosongo moa na nauana na omea e sasi, mara tau dona na nauana sa omea dou.”

Tinoni Pede 2:10

Migira na vatavata i konina a Josua ara mate sui goto. Migira moa na vatavata e botsamai i muri ara padale saikesalia na Taovia ma na omea sui aia e nauvanigira na tinoni ni Israel.

Jeremia 31:34

Me ke tau goto kilia ke kesa i muri ke sasania sa gana verakolu ke donaginia na Taovia, rongona igira sui, tû tana baka tetelo me tsau bâ tana tinoni loki, sauba kara donaginiau inau. Sauba kau padalea niqira sasi, ma kau tau goto padadatoa na omea seko ara naua. Inau nogo na Taovia au tsaria na omea iani.”

1 Samuel 2:12

Kaira na dalena a Eli e tabaru sosongo ka niqira sasaga. Mara ka tau goto dona na rongomangana na Taovia,

Na Katemai 12:11

Migira na tasida ara gini susuliga na tuliusiana Satan tana susuligana nogo na Dalena Sipi aia e mate tuguqira, mi tana susuligana goto na gokona na manana igira ara malagai na katevulagiana tana rongona a Iesu Kristo; mara tau padalokia na mauriqira segeni, mara tami moa na mate tana rongona aia.

Iude 1:3

Kulaqu galugaluve, tana idana inau au pada laka kau marea nomoa kesa na leta vanigamu tana rongona na maurina God igita sui a tamanina pata nogo. Me tavongani dato i tobaqu na papada laka kau mamare saviliu vanigamu, ma kau raiginigamu kamu tukakai babaa tana tutuni vaga nogo God e moloa vanigira nina tinoni.

2 Timoti 3:13

Migira na tinoni seko ma na vanga malapalu, sauba kara seko babaa moa. Kara perogira na tinoni tavosi, ma kara pero segeniqira goto.

Pilipi 1:28

Kamu laka na mataguniaqira gamui gala. Kamu malagai sailagi moa. Mi tana, ti sauba kara reivulagia igira gamui gala, laka sauba ke tau nogo managaqira igira, me ke managamui igamu, rongona God nogo e sangagamu ti amu gini tangomana.

Roma 1:28

Ma na rongona nogoria na tinoni girani ara sove na tutunina na manana tana rongona God, ti aia God e gini tsonilegira kara muria niqira papada seko, ma kara totu matengana moa na nauana na omea e tau ulagaqira kara naua.

Roma 1:16

Inau, au noru saikesalia na Turupatu Dou tana rongona a Iesu Kristo, aia nogoria na sautu susuliga God e vilia ke maurisiginigira sui igira ara tutunina, igira na Tsiu talu migira goto na tinoni ni veratavosi.

Ioane 17:3

Miani nogo e vaga na mauri saliu: na donaginiamu igoe segeni na God manana, ma na donaginiana a Iesu Kristo aia igoe o molomaia.

Marko 8:38

Ti vaga kesa tinoni ke gini vangamaa tana rongoqu inau, mi tana rongona niqu sasani i laona na tagu seko vaga ieni i tana danga na tinoni ara tuu mara pilovisu tania God, me sauba goto inau na Dalena Tinoni, kau vangamaa tanigotoa aia kalina kau labamaitugua tana mararana na Tamaqu kolugira na angelo tabu.”

Jeremia 22:16

E isutuguqira igira ara tau tamani omea migira ara kili sasanga, me vaga ia, me dou vania moa pipi sui na omea. Iani nogoria e vaga nina sasaga na tinoni aia e donaginia na Taovia.

Jeremia 9:5

Igira sui lakalaka ara ida seko vanigira na kulaqira, me tagara goto kesa ke tsaria sa omea ke mana. Ara lavusia na lapiqira na tsoniana moa na goko pero, mara sove goto na mololeana niqira sasi. Ara naua na tsutsukibo loki, ma na vaimalapalusigi ara vaitsarimurigi. Ma na Taovia e tsaria laka igira nina tinoni ara sove tania moa.

Jeremia 7:26

Me tagara goto moa sa vidamui ke gini boe na rongomiana na omea ara tsaria. Tagara, migamu sui amu tsatsarae, mamu petsakoe liusigira bâ igira na mumuamui.

1 Korint 15:34

Kamu sasaga, ma kamu mololegira nimui sautu sasi. Au tsarimakali vanigamu gamui tsatsaa rongona kamu gini vangamaa: eo, visana i laomui amu tau vati donaginia moa God.

Aqo Manetabu 19:11

“Kamu laka goto na komi, se na peqo se na pero.

Isaia 1:3

Migira na buluka mara donaginia asei na tamaniqira, migira na asi mara donaginia na nauna i tana e palagira gaqira taovia. Migira moa niqu tinoni ni Israel ara tau saikesa padagadovia sa omea. Migira bâ na buluka ma na asi ara sasaga liusigira igira.”

Isaia 3:5

Igira na tinoni sauba kara vaibingisekoligi, migira na tinoni vaolu sauba kara tau nogo kukuni tanigira gaqira tinoni loki, migira e tabaru niqira sasaga sauba kara tau goto kukuni tanigira igira e gotolaka niqira sasaga.

Isaia 6:5

Minau au tû mau tsaria, “!E, e! !Au mate nogo kiki inau! Au seko pitsu kiki nogo rongona pipi sui lakalaka na tsaqina goko ara rutsu i mangaqu, na sasina sui moa gira, mau mauri i laoqira na tinoni igira goto pipi sui niqira tsaqina goko ara sasi saviliu. Minau, na mataqu segeni nogo ara reilakana na Taovia Tsapakae, aia na Taovia Susuliga Sosongo.”

Jeremia 5:4

Mi muri mau pada segeniqu, “Na tinoni girani igira na sekona lê moa, mara tau sasaga katsi. Ara tau saikesa donaginia na omea na Taovia niqira God e ngaoa kara naua.

Jeremia 5:5

Sauba kau vano i koniqira na tinoni lokiloki ma kau goko kolugira. Igira ara donagininogoa na omea na Taovia niqira God e ngaoa kara naua.” Migira sui goto na tinoni lokiloki ara sove tania na Taovia mara tau ngaoa na rongomangana.

Daniel 11:27

Mi muri, mi kaira na taovia tsapakae karani sauba kara ka totu sai ma kara ka mutsa ka gaqira i konina kesa moa na bela. Me ke seko moa i laona ka tobaqira, ma kara ka vaiperogi lê. Me tagara goto kara ka tau tangomana na adiana na omea ara ka gini goko, rongona e tau vati laba moa na taguna.

Tuturigana 39:16

Maia e tangolia nina polo tsavugotu a Josep poi e visumai i vera gana taovia.

Tinoni Pede 14:17

Maia na tauna e ngangai moa tana rongona na omea iani poi e sui na vitunina na dani na mutsa sai na tauga. Mi tana dani nogo ia, maia Samson e tsarivulagivania na rongona na lede ia, rongona e qisi na rongomigokona. Maia na tauna e tû me ba tatamanga vanigira na Pilistia.

Goko Tabana 12:5

Na tinoni e goto nina sasaga e pada sailaginia na nauana na omea e goto vanigira na tinoni tavosi; ma na vanga tsutsukibo e ngaoa moa na perobulesi tinoni.

Isaia 9:18

Niqira tsutsukibo nogo na tinoni e sekoliginigira, vaga saikesa moa na lake loki e gani poponoa na pokopokona na itai kokonaga, me iru vano tana legai atsi, ma na punguna e vulosudato vaga moa na tuguru katsi.

Jeremia 6:28

Igira ara tsatsarae sosongo, mara tobakakai vaga moa na tapalamila ma na tapala laka. Igira sui lakalaka e seko sosongo nomoa niqira omeomea, mara liu bamai moa na govulaana na goko pero.

Jeremia 12:6

Me atsa moa igira na kulamu, ma na tinoni i laona nimu vungu, migira goto ara sauligigo; mara sangâ na baginiamu igoe. Ko laka saikesa na noruaqira, atsa moa ti igira ara goko lakalaka dou kolugo.”

Esekiel 8:13

Mi muri, ma na Taovia e tsarivaniau, “Igoe sauba ko morosigira kara naua na omea marasibiga liuliu goto bâ.”

Aqoaqo 24:9

Migira na Tsiu ara sanga goto na keli gana a Paulo, mara tsaria, “Gira sui na goko girani ara mana sui.”