Jeremia 9:18 - Ghari

¹⁸ Migira na tinoni ara tsaria, “Kamu tsarivanigira kara tsaku ma kara lingena vanigami na linge na matemate, poi tsau ke dangadato na kô tana matamami, ma na vevenuna na matamami kara gini pori popono na ngangai.”

Jeremia 9:18 Referans Kwoze

Jeremia 14:17

Na Taovia e ketsaliau inau a Jeremia, laka kau goko vanigira na toga tana rongona niqu melu ma kau tsaria: “Na kô na mataqu ke tave na dani ma na bongi, ma kau tau goto mango na ngangai, rongona igira na gala ara labu sekoligira niqu tinoni, mara gini boka loki sosongo.

Jeremia 9:1

Ke dou ti vaga na lovaqu ke vaga na vuravura na kô tana e sarara mai na kô na mataqu, gana kau ngangaisigira na dani ma na bongi igira niqu tinoni ara viri matesigira nogo.

Isaia 22:4

Aia nogoria na rongona ti au tsaria, “Kamu mololeau inau ma kau tangisigira igira niqu tinoni ara mate. Ma kamu laka goto tovoa na vereaqu.”

Tangitangi 2:18

!Igoe Jerusalem ko ngangaidato vania na Taovia! Ma na kô na matamu ke tsatsali vaga moa na ko tatave na bongi ma na dani. !Ko laka goto mango na ngangai ma na padasavi!

Tangitangi 2:11

Minau na mataqu ara gini pasa nogo na ngangai, me gini ponopala sosongo tobaqu, me gini tarese na kosuqu na reiaqira niqu tinoni ara viri mate sui, migira na baka ma na meomeo ara gini mateluvu na vitoa tana sautu loki na verabau.

Tangitangi 1:2

Mi tana bongi popono aia e ngangai moa; ma na kô na matana e sarara tsuna tana ngorana. Mi laogira sui lakalaka na kulana ni sau, e tau lelê goto totuvisu ke kesa ke verea. Igira ara tabana kolua tana idana ara tû mara sauligia, mi kalina ia igira sui ara vaigalagi kolua.

Jeremia 13:17

Me ti vaga igamu kamu sove moa na rorongo, minau sauba kau ngangai loki i tobaqu tana rongona nimui sasaga kaekae; me ke ro loki na kô na mataqu tana rongona ara aditsekavanogira sui nogo nina tinoni na Taovia.

Jeremia 9:20

Minau au tsaria vanigira, “Igamu na daki, kamu rongomidoua na omea e tsarivanigamu na Taovia. Kamu sasanigira na dalemui daki ma kara dona na tangitangi, migira na kulamui kara dona na lingena na linge na matemate.

Jeremia 9:10

Minau a Jeremia au tû mau tsaria, “Sauba kau tangisigira na vungavunga, ma kau ngangaisigira na butona kao i tana e dato dou na buruburu, rongona ara viri makede takuti, me tagara goto ke kesa ke liu i laoqira. Ma na tatangina niqira kanga na buluka ara tau nogo rongomia i tana; migira na manu ma na omea tuavati atsi ara tsogoligi sui taninogoa.”

Jeremia 6:26

Ma na Taovia e tsarivanigira nina tinoni, “Kamu sagelia na polo baubau papadana na melu, ma kamu gini uliuli na tora. Kamu tangitangi vaga moa kalina amu tangisia na mateana kesa lelê moa na dalemui mane, rongona sauba ke labunovotigamu aia e vangaraua na toroutsaniamui.

Luka 19:41

Mi kalina a Iesu e tsau nogo varangisia i Jerusalem, maia e morosia na vera me melu tobana me tangisia,

Linge 119:136

Au rota na ngangai me rutsu na kô na mataqu vaga moa kalina e tave na ko loki, rongona igira na tinoni ara tau muridoua nimu ketsa.

Jeremia 7:29

Kamu tangitangi igamu na tinoni ni Jerusalem. Kamu putsia na ivumui ma kamu tsoniligia. Kamu lingena na linge na tangitangi i kelaqira na tetena, rongona inau na Taovia au kore loki sosongo, mau sove saikesa tanigamu niqu tinoni.’ ”

Tangitangi 3:48

“Ma na kô na mataqu e tsatsali vaga moa na ko tatave kalina au reigira niqu tinoni ara viri mate sui.

Amos 5:16

Ma na Taovia God Susuliga Sosongo e tsaria, “Sauba na tangitangi ma na ngangai na melu ke viri tangidato tana sautu i levugana na verabau. Ma kara soagira goto na tinoni aqo uta kara mai sanga na tangitangi kolugira igira ara voligira gana nogo na tangitangi.

Jeremia 3:24

Tana samasama vaniana Baal na god paluvangamaga ia, igami ami gini savori-kodoputsa nimami sipi, ma na nimami buluka, ma na dalemami mane ma na dalemami daki, mami nangalilegira sui lakalaka na omea dou na mumuamami ara aqo matena vanigami tu mai nogo i sau.

Jeremia 3:25

Eo, e tuguragoa nomoa kami gini vangamâ loki, me ke tsavu poponogami na vangamâ, rongona igami, migira goto na mumuamami, ami sasi sailagi vania moa na Taovia nimami God; mami tau goto dona na muriaqira nina ketsa.”

Jeremia 4:20

Ara vaitsarimurigi na rota seko loki, ma na vera popono e totu moa tana seko. Migira nimami valepolo ara tavongani taveo saikesa, ma na polo ara tsautsau tana matsapaqira ara viri taratsi votâ.

Tangitangi 2:13

?Are kiki Jerusalem, e livugaluvemu, ma nagua goto kau tsarivanigo? ?Ma kau verego koegua kiki goto inau? E tagara goto ke kesa ke tsodoa na rota loki vaga iani. Gamu rota e loki vaga saikesa na kema. ?Masei nomoa tangomana ke laumaurisigo?