Jeremia 9:15 - Ghari

¹⁵ Bâ, mi kalina ia, kamu rongomidoua na omea inau na Taovia Susuliga Sosongo, na God ni Israel, sauba kau naua: Inau sauba kau sauvanigira niqu tinoni na kusa vavai kara gani gaqira ma na tabatu kara inuvia.

Jeremia 9:15 Referans Kwoze

Jeremia 8:14

Mara tû igira nina tinoni God mara veisuâ vaga iani, “?Laka na rongona gua a totudodo vaga ia igita? Mai, ma ka ulovano tana verabau ara barapoliginigira na vatu, ma ka ba mate i tana. Na Taovia nida God e pedevanigita nogo ka mate; me saunogoa vanigita na tabatu gana ka inuvia, rongona igita a sasi sosongo i matana aia.

Tangitangi 3:15

Na rota loki aia lelê moa e sauvaniau ngiti gaqu mutsa ma gaqu inu.

Linge 80:5

Igoe o sauvanigami na rota ke lia gamami mutsa, ma na dangana na bilo na kô na matamami kami inuvia.

Jeremia 23:15

“Me vaga ia, miani nogo na omea inau na Taovia Susuliga Sosongo au katea tana rongoqira igira na propete ni Jerusalem: Inau sauba kau palaginigira na kusa vavai kara gania, ma kara inuvia na tabatu, rongona igira nogo ara rasavaginia na sasaga ponotoba i laona na kao popono iani.”

Tangitangi 3:19

Au padatugutugua niqu rota loki, ma na niqu totu bamai lê vaga moa e tagara sa veraqu, ma na papadana ia e vaga moa ti na tabatu seko vaniau.

Jeremia 25:15

Na Taovia, na God ni Israel, e tsarivaniau inau a Jeremia, “Iani e kesa na tseu na uaeni au dangaligininogoa niqu momosatoba loki inau. Ko adia na tseu iani igoe, mo ko liu i laona pipi sui na puku i tana inau kau ketsaliginigo ko vano, mo ko raigira kara inuvia.

Isaia 2:22

Kamu laka goto na noruana sa tinoni lê moa aia e dona ke mauri kesa tana tagu tetelo moa, mi muri me mate.

Isaia 2:17

Niqira kaekae na tinoni ma niqira padaloki segeniqira sauba kara sui lê. Ma na titinonina niqira god peropero sauba kara nangaligi lê saikesa, ma na Taovia segeni moa sauba kara tsonikaea tana tagu ia.

Linge 75:8

Na Taovia e tangolia kesa na tseu na uaeni susuliga na korena e totu i laona. Maia e qetua, migira sui lakalaka na tinoni vanga tsutsukibo ara inuvia; ara inuvi korasia me tau lelê goto totuvisu sa kukuduna.

Linge 69:21

Mi kalina au vitoa, migira ara palaginiau na tabatu; kalina au marou, mara sauvaniau na ko vavai.

Linge 60:3

Igoe segeni nogo o naua vanigami igami nimu tinoni te ami gini rota loki sosongo; mami gini tapulepule bamai vaga moa ti ami inu mami bule.

Na Vaolusi Ketsa 29:18

Nimui aqo kamu paravata dou, me ke laka goto sa mane, se sa daki, se sa tamadale, se sa puku i laomui igamu amu tutû ieni i dani eni ke piloligi tania na Taovia nida God, me ke ba samasama vanigira niqira god peropero igira na puku tavosi. Na tinoni vaga ia, sauba ke vaga saikesa na lamuna gai e totu na tabatu i konina ma na gaina e molovuana vavai.

Na Vaolusi Ketsa 28:36

“Na Taovia sauba ke adivanogamu igamu, kolua nimui taovia tsapakae, kesa tana vera tavosi, i tana e atsa moa igamu se igira na mumuamui amu tau goto vati totu i sau. Mi tana igamu sauba kamu aqo vanigira na god peropero ara katsuginigira na gai ma na vatu.

Jeremia 24:10

Sauba kau moloa na vailabu, na liuna na vitoa, ma na lobogu seko ke gadovigira, poi tsau kalina ke tagara goto sa vidaqira ke kauvisu tana kao aia inau au saunogoa vanigira, me vanigira goto na mumuaqira.”

Jeremia 44:27

Inau sauba kau naua ma kamu tau goto tamanina sa omea, ma kamu toroutsa saikesa. Igamu sui lakalaka sauba kamu mate tana vailabu, se tana liuna na lobogu, poi tsau kalina ke tagara goto sa vidamui ke kauvisu.

Jeremia 49:37

Me sauba kau naua migira na tinoni ni Elam kara matagunigira gaqira gala, igira ara area na labumatesiaqira. Mi tana niqu momosatoba loki sauba kau matesiligigira na tinoni ni Elam, ma kau mologira gaqira gala kara ba labumatesigira, poi tsau kalina kau suilavaginigira saikesa.

Esekiel 5:2

Mi kalina ke tovu na dani au molovanigo ko tsatsaro, migoe ko tû. Miani nogoria ke lia na papadana vanigira na Israel laka na gala ara tangolinogoa na Jerusalem. Mi tana, migoe ko adia kesa turina na ivumu, mo ko kodoa i kelana na nununa na vera ni Jerusalem aia igoe o aqosinogoa. Mo ko adia na rukanina turina na ivumu, mo ko liu kolua polipolia na briki ia, mo ko putsi kutsiginia nimu isi. Ma na tolunina turina ko rasavagini bamaia, minau sauba kau adia niqu isi ma kau takuvi tsarimuria.

Esekiel 5:12

Me sauba ke kesa turina popono i laomui kara gini mate na liuna na lobogu ma na vitoa i laona nogo na verabau; me ke kesa turina sauba kara labumatesiginigira na isi tabana i tano na verabau; ma na tolunina turina sauba kau sarangisigira bamai tana barangengo popono minau kau adia niqu isi ma kau takuvi tsarigira.