Jeremia 8:21 - Ghari

²¹ Minau a Jeremia au gini melu sosongo rongona au reigira niqu tinoni ara totu tana rota loki, mau tangitangi, me ponopala saikesa na tobaqu.

Jeremia 8:21 Referans Kwoze

Jeremia 14:17

Na Taovia e ketsaliau inau a Jeremia, laka kau goko vanigira na toga tana rongona niqu melu ma kau tsaria: “Na kô na mataqu ke tave na dani ma na bongi, ma kau tau goto mango na ngangai, rongona igira na gala ara labu sekoligira niqu tinoni, mara gini boka loki sosongo.

Nahum 2:10

!Reia bâ! !Na Ninive e toroutsa saikesa, mara viri tsogo sui na tinonina, me totu mangu lê! E kaso na tobaqira tana matagu, me pulo na tuaqira, me tavongani labe lê na koniqira.

Joel 2:6

Mi kalina igira na kipo ara maimai varangi nogo, ma na tinoni sui lakalaka ara viri matagu mate, me labelabeaga lê na koniqira.

Jeremia 9:1

Ke dou ti vaga na lovaqu ke vaga na vuravura na kô tana e sarara mai na kô na mataqu, gana kau ngangaisigira na dani ma na bongi igira niqu tinoni ara viri matesigira nogo.

Jeremia 4:19

!Au vatsangi savi sosongo, me utu na taberaeana niqu vatsangisavi! !Na kosuqu e bubutu kesa! Me gini utu vaniau kau totu mui kalina au rongomigira na tavuli ma na gugu na vailabu.

Luka 19:41

Mi kalina a Iesu e tsau nogo varangisia i Jerusalem, maia e morosia na vera me melu tobana me tangisia,

Jeremia 17:16

Bâ, migoe Taovia o donagininogoa laka inau au tau raigo ko alomaia na rota seko loki vanigira; mau tau goto ngaoa ke gadovigira na tagu seko. Eo, Taovia, igoe o donagininogoa na omea sui inau au tsaria.

Nehemia 2:3

mau tsarivania, “!Ko mauri oka igoe na Taovia Tsapakae! ?Egua ti kau tau gini melu kalina au rongomia laka na verabau i tana ara qilugira na mumuaqu e totu toroutsa popono ma na lake e gani sekoligira na matsapakapuna?”

Jeremia 8:20

Migira na tinoni ara ngangaidato mara tsaria, “E sui nogo na tagu na papara, me sui goto nogo na tagu na pipitsu, ma na Taovia e tau moa vati maurisigita.”

Jeremia 14:2

Aia e tsaria, “Na Juda e tangitangi, migira nina verabau ara viri mate, ma na tinonina ara viri tsaro lê tana kao tana melu loki, maia na Jerusalem e ngangaidato vania na Taovia ke sangâ.

Tangitangi 3:1

Na Taovia e kore sosongo vaniau inau, me kedeau mau gini rota loki sosongo.