Jeremia 8:19 - Ghari

¹⁹ !Kamu rorongo! Poli poponoa na kao iani inau au rongomigira niqu tinoni ara viri ngangaidato mara tsaria: “?Laka na Taovia e tau nogo totu i Sion? ?Laka na taovia tsapakae ni Sion e tagara goto i tana?” Maia na Taovia, niqira taovia tsapakae nogo, e gokovisu me tsaria, “?Rongona gua ti amu katsugira na nununa na god peropero ni vera tavosi, mamu ba samasama vanigira? Tana nauvaganana ia, amu tsaiau inau, mau gini kore loki sosongo vanigamu.”

Jeremia 8:19 Referans Kwoze

Isaia 39:3

Mi muri, maia Isaia na propete e bâ i konina a Hesekia me veisuâ, “?Me laka iava vaga ara talumai na mane girani, ma nagua ara mai tsarivanigo igoe?” Ma Hesekia e tsarivania, “Igira ara talumai i Babilonia, aia e kesa na vera e totu ao sosongo.”

Isaia 13:5

Igira ara maimai talu tana momoru ao tana susuina na barangengo. E momosa loki na tobana na Taovia, me mai gana ke toroutsania na butona momoru popono.

Na Katemai 2:1

“Ko mamare baa vania na angelo e reitutugua na lotu i Epesus mo ko tsarivaganana vania: “Iani nogo e vaga na goko e talumai i konina Aia e tangolitugira vitu na veitugu tana limana madoa, me liu tu laoqira tugira vitu na gai qolu na mani molodato bulu iruiru.

Joel 3:21

Minau sauba kau tangotuguqira igira ara labumatesigira, me utu saikesa goto kau gaea na mauriqira igira na vanga tsutsukibo. Minau na Taovia sauba kau totu sailagi tana Vungavunga Sion.”

Joel 2:32

Bâ, mi tana dani vaga ia, igira moa ara nongia na Taovia ke sangagira sauba kara mauri. Me vaga inau na Taovia au tsarinogoa i sau, ‘Sauba ke visana tana Jerusalem kara tangomana na tsogoligi, migira moa inau au viligira nogo sauba kara pitsa tania na mate.’ ”

Jeremia 31:6

Eo, e maimai varangi nogo na tagu i tana igira na mane togatoga kara gudato tana tetena ni Epraim ma kara tsaria, ‘Ida ma ka dato bâ i konina na Taovia nida God tana Vungavunga Sion.’ ”

Jeremia 14:19

?Taovia, laka igoe o sove saikesa tanigira na Juda? ?Laka o reisavigira manana na tinoni ni Sion? ?Megua ti o bokaligami sosongo vaga ia, me tau tangomana ke mavu visutugua na bokamami? Igami ami lavea moa na rago, me tau goto laba vanigami sa omea dou. Mami amesia laka kami totudoutugua, mara mai molo matagu vanigami moa igira na gala.

Isaia 52:1

!Jerusalem, ko susuliga me ke tangitugua gamu rongo! !Igoe nina verabau tabu God, ko sagelia gamu inilau angaanga! Igira na ponotoba sauba e utu goto kara sagemai i laomu.

Isaia 33:22

Ma na itaina niqira vaka ara viri obeobe sui me utu nogo kara tangolikakaia na tuguru, me utu goto ke tavuresi niqira selo. Migita sauba ka ba laugira pipi sui niqira omea levolevo igira gada gala, me ke danga sosongo na omea ma kara mai goto igira na logu ma kara adigotoa niqira turina. Na Taovia segenina nogo sauba ke lia nida taovia tsapakae; maia sauba ke tagaovi kaputigita me ke reitutugugita.

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Isaia 1:4

Sauba ke seko sosongo nomoa vanigamu igamu na puku na tinoni vanga nauseko, amu seko pitsu nogo, me tabaru saikesa nimui sasaga. !Nimui sasi nogo ara raqa tsunagamu! Igamu amu sove tania na Taovia, aia na God tabu ni Israel, mamu piloligi tania.

Linge 149:2

!Kamu gini magemage igamu na Israel, rongona God nogo e aqosigamu; kamu gini mage loki igamu na toga ni Sion, tana rongona nimui taovia tsapakae!

Linge 146:10

Na Taovia aia nogo e taovia tsapakae saviliu. Nimui God nogo igamu na Sion sauba ke tagao saviliu na dani ma na dani. !Tsonikaea na Taovia!

Linge 135:21

Tsonikaea na Taovia i Sion, mi Jerusalem goto na verana. !Tsonikaea na Taovia!

Jeremia 9:16

Inau sauba kau sarangasigira i laoqira na puku tavosi, igira migira goto na mumuaqira ara tau vati donaginigira, ma kau mologira na alaala na gala kara baginigira, poi tsau kalina kau matesiligigira saikesa.”

Aqoaqo 14:15

“?Mane gamu, egua ti amu nauvaganana ia? !Mi kagami ami ka tinoni lee vaga moa igamu! Ami ka sulungana mai moa rongona kami ka turupatuna na Turupatu Dou, rongona igamu kamu gini mololea na kodoputsa vaniaqira na omea lee, ma kamu samasama vania moa na God mamauri, aia nogo e aqosigira na baragata ma na barangengo ma na tasi, me pipi na omea sui i laoqira.

Linge 31:6

Igoe o reisavigira igira ara samasama vanigira na god peropero. Minau au norugo moa igoe.

Jeremia 2:5

Aia na Taovia e tsaria; “?Laka nagua seko ara keligini vaniau inau igira na mumuamui? ?Me laka nagua e laba te ara piloligi taniau? Igira ara ba samasama vanigira na titinonina na god peropero tagara rongona, mara gini lia goto na tinoni tagara rongona lê.

Jeremia 7:19

?Me laka inau ngana ara sekoliau? Tagara saikesa. Igira ara sekoli segeniqira, mara paluvangamaqira segeni.

Jeremia 8:20

Migira na tinoni ara ngangaidato mara tsaria, “E sui nogo na tagu na papara, me sui goto nogo na tagu na pipitsu, ma na Taovia e tau moa vati maurisigita.”

Jeremia 10:15

Ara tau saikesa tamani sa rongona, me ulagana nomoa ka reipeagira moa; maia na Taovia sauba ke mai me ke toroutsanigira sui lakalaka.

Jeremia 14:9

?Megua goto ti o vaga moa na tinoni e ponopala tobana, me vaga na mane vaumate e tau nogo susuliga na tuliusiaqira na gala? !Igami ami tutunina nomoa laka igoe Taovia o totu moa kolugami! Igami nimu tinoni nogo, mami nongigo ko laka na tsonikidamami.’ ”

Jeremia 27:10

Ara perobulesigamu moa igira, me ti vaga kamu tutunina niqira goko, minau sauba kau tsialigigamu tania na veramui, ma kara adivanogamu kesa tana vera ao mi tana sauba kamu ba mate.

Jeremia 32:30

Tû tana tuturigana na mauriqira, igira na tinoni tana Israel ma na Juda ara naua moa na omea e tau dou i mataqu, mara gini tsaia na korequ.

Esekiel 48:35

Me saisai ma na totovona vati tabana na baravatuna na verabau ia e tsaulia 4,500 sangava. Me ke tû kalina ia me ke bâ ma na verabau ia kara soaginia, ‘Na-Taovia-E-Totu-Ieni!’ ”

Mika 4:9

?Megua vaga igoe Jerusalem, ti o ngangai loki vaga ia? ?Matena gua ti o rota loki vaga moa kesa na daki e vatsangia na dalena? ?Ke tau utu ngatsu matena igoe o tau tamanina sa nimu taovia tsapakae, migira goto nimu tinoni sauparovata ara viri mate sui nogo?

Na Vaolusi Ketsa 31:17

Mi kalina ke laba vaga ia, minau sauba kau kore loki vanigira, ma kau piloligi tanigira, ma kara viri mate sui. Me sauba ke danga na rota seko loki ke gadovigira, mi tana ti igira kara reigadovia laka na omea girani ara lalaba vanigira rongona inau niqira God au tau nogo totu kolugira.

Linge 137:1

I liligina na ko loki ni Babilon igita a totu i lao, ma ngangaisia i Sion.

Sepania 3:15

Aia na Taovia e suilavaginigira nogo na kede sui ara gadovigamu; me matesiligigira pipi sui gamui gala. Na Taovia, aia na taovia tsapakae ni Israel, e totu kolugamu; me tagara nogo sa nimui rongona kamu gini matagu kalina ia.

Sekaria 2:9

“Na Taovia segenina nogo sauba ke vailabu kolugamu, migira na tinoni igamu amu rotasigira mamu mala tsekagira, sauba kara tû ma kara rotasivisugamu igamu.” Mi kalina ke laba na omea iani, migira na tinoni sui sauba kara donaginia laka na Taovia Susuliga Sosongo nogo e molomaiau.