Jeremia 7:29 - Ghari

²⁹ Kamu tangitangi igamu na tinoni ni Jerusalem. Kamu putsia na ivumui ma kamu tsoniligia. Kamu lingena na linge na tangitangi i kelaqira na tetena, rongona inau na Taovia au kore loki sosongo, mau sove saikesa tanigamu niqu tinoni.’ ”

Jeremia 7:29 Referans Kwoze

Nina Papi A Job 1:20

Mi tana e lovotû a Job me ratsia na polona tana melu, me tsara koakoa na lovana, me tsuna e labusagi tana kao.

Mika 1:16

Migamu na Juda, kamu tsara koakoa na lovamui tana tangisiaqira nimui baka tetelo amu galuve sosongoligira. Eo, kamu tsara koakoa na lovamui poi tsau amu lati vaga moa na manusata, rongona igira na gala sauba kara adiligigira na dalemui sui tanigamu, ma kara aditsekavanogira.

Jeremia 6:30

Me sauba kara soaginigira na bau seko lê, rongona inau nogo na Taovia au sove tanigira.”

Jeremia 16:6

Igira sui lakalaka na tinoni, igira ara tamani omea danga, migira goto ara tau tamanina sa omea, sauba kara viri mate sui tana butona kao iani, me ke tau goto kauvisu ke kesa ke qilugira se ke tangisigira. Me tagara goto ke kesa ke pari segenina se ke tsara kolekolea na lovana papadana laka e melu sosongo.

Aqoaqo 2:40

Ma Petero e goko oka vanigira, me danga goto nina tsaqina goko e raiginigira me tsaria, “!Kamu parovata segenimui, rongona ke tau kalegamu na kede e totu pitugira na tinoni sasi girani!”

Mateo 23:36

!Au tsaria na manana vanigamu: na kedena popono na labumatesiaqira igira, sauba ke gado saikesa nogo i konimui igamu na tinoni ni dani eni!

Mateo 16:4

Amu seko sosongo nomoa igamu na tinoni ni dani eni. Mamu voginigotoa God. Mamu tuu, mamu ngasuginiau laka kau nauvanigamu goto kesa na valatsatsa. Me utu kau naua ke kesa vanigamu. !Tagara! Ngiti valatsatsa sauba kamu reia aia moa na valatsatsa vaga e laba i sau vania a Jona na propete.” Ma Iesu e tuu, me vanoligi tanigira.

Mateo 12:39

Ma Iesu e tsarivanigira, “!Amu seko sosongo nomoa igamu na tinoni ni dani eni! !Mamu voginigotoa God! Igamu amu ngasuginiau kau naugotoa kesa na valatsatsa. Me utu kau naua kesa i matamui. Tagara. Sauba moa kamu reia ke kesa na valatsatsa, vaga nogo e laba i sau vania a Jona na propete.

Mateo 3:7

Mi kalina a Ioane e reigira ara danga na Parisii ma na Sadusii ara sulungana mai goto kara lesovitabu, maia e tuu me tsarivaganana vanigira: “!Dalena muata igamu! ?Ngatsu igamu amu padaa laka tana rongona moa amu lesovitabu nogo, te e gini utugana ke gadovigamu nina kede God e varangi nogo ke labamai?

Esekiel 28:12

“Dalena tinoni igoe, ko lingena na linge na melu vania na taovia tsapakae ni Tire. Mo ko tsarivania na omea inau na Taovia God au tsaria: I sau igoe o dou tsapakae liusigira bâ pipi na tinoni sui. Mo sasaga loki me dou sosongo bâ na rereimu.

Esekiel 19:1

Ma God e tsarivaniau inau kau lingena na linge na melu iani vanikaira ruka na taovia tsapakae tana Israel:

Jeremia 48:37

Igira sui lakalaka ara tsarâ na lovaqira ma na ngolaqira. Igira sui ara paria na limaqira, mara sagelia na polo baubau papadana na melu.

Jeremia 47:5

Igira na tinoni ni Gasa ara melu loki sosongo, mara tsara koakoa na lovaqira, ma na vera ni Askelon e totu mangu lê saikesa. ?Me ke oka koegua sagata ti kamu mololea na pariana na kokoramui papadana na melu, igamu amu kauvisu tana Pilistia?

2 Taovia Tsapakae 17:20

Mi tana ma na Taovia e tû, me sove tanigira sui na Israel, me kedegira kakai me saugira bâ i limaqira gaqira gala kara rotasigira, poi tsaumai tana susuina aia e tsialigigira saikesa tania i matana.

Na Vaolusi Ketsa 32:5

Migamu moa amu tau totukakai i konina aia me tau ulagamui kamu lia nina tinoni, amu sasi sosongo mamu tinoni vanga peropero.

Isaia 22:12

Mi tana tagu ia ma na Taovia God Susuliga Sosongo e nongigamu kamu ngangai ma kamu tangitangi, ma kamu tsara koakoa na lovamui, ma kamu sagelia na polo baubau papadana na melu.

Jeremia 3:2

Ko morodato tana kelaqira na tetena gira. ?Laka e tagara sa nauna i tana o tau ba samasama vanigira na god peropero vaga moa na daki rebi? Igoe o ba pipitugira gamu udu i liligina na sautu, vaga moa kalina igira na Arab ara pipitugira gaqira lamuta tana kaomate. Igoe o naqugasinogoa na kao popono tana nimu aqo mala rebi.

Jeremia 3:21

Ara rongomia kesa na leleo loki i kelana na tetena. Igira nogo na tinoni ni Israel ara ngangai dato vania God ke galuvegira, rongona igira ara sasi sosongo, mara padalea na Taovia niqira God.

Jeremia 9:10

Minau a Jeremia au tû mau tsaria, “Sauba kau tangisigira na vungavunga, ma kau ngangaisigira na butona kao i tana e dato dou na buruburu, rongona ara viri makede takuti, me tagara goto ke kesa ke liu i laoqira. Ma na tatangina niqira kanga na buluka ara tau nogo rongomia i tana; migira na manu ma na omea tuavati atsi ara tsogoligi sui taninogoa.”

Jeremia 12:7

Na Taovia e tsaria, “Inau au tsonikidaqira nogo na Israel; mau sove saikesa tania na puku na tinoni inau vilinogoa. Inau au livugira nogo na tinoni au galuvegira tana limaqira gaqira gala.

Jeremia 14:19

?Taovia, laka igoe o sove saikesa tanigira na Juda? ?Laka o reisavigira manana na tinoni ni Sion? ?Megua ti o bokaligami sosongo vaga ia, me tau tangomana ke mavu visutugua na bokamami? Igami ami lavea moa na rago, me tau goto laba vanigami sa omea dou. Mami amesia laka kami totudoutugua, mara mai molo matagu vanigami moa igira na gala.

Amos 5:1

Igamu na tinoni ni Israel, kamu rongomia na linge na qiluqilu iani inau au lingena vanigamu:

Jeremia 9:16

Inau sauba kau sarangasigira i laoqira na puku tavosi, igira migira goto na mumuaqira ara tau vati donaginigira, ma kau mologira na alaala na gala kara baginigira, poi tsau kalina kau matesiligigira saikesa.”