Jeremia 6:7 - Ghari

⁷ Na sasaga tabaruga e labadatomai sailagi i laona na Jerusalem, vaga saikesa nogo na kô e vuvura datomai i laona na tuvu. Pipi moa kalina inau au rongomia na leleona na vaiganigi ma na vaisekoligi i laona na verabau ia; mau reigira na tinoni ara viri lobogu mara boka sui.

Jeremia 6:7 Referans Kwoze

Esekiel 7:23

“Tana rongona nogo e dangadato na labupoi i laona nimui kao popono, ma na tangopeke seko e dangaligira sui nimui vera loki,

Esekiel 7:11

Na tangopeke e naua me gini laba danga goto bâ na tsutsukibo. Me sauba ke tagara goto sa omea ke totuvisu vanigira, sauba kara nanga saikesa niqira omea tatamani sui, ma niqira tangisoa, ma niqira tsapakae.

Jeremia 20:8

Me pipi kalina ti kau tû na goko, migoe o raiau moa laka kau gudato ma kau katea, “!Na Vailabugi Loki sauba ke laba, migamu sauba kamu viri mate sui!” Taovia ko reigira ara tsiriau mara peaau pipi moa kalina, tana rongona nogo nimu goko igoe o raiginiau na katevulagiana.

Isaia 57:20

Migira na tinoni vanga tustsukibo ara vaga saikesa moa na tasi mauri, ma na panuna ara tau goto kuti na karara longamai, mara tsonilongâ na rupo ma na lumulumu.”

Esekiel 24:7

Igira na tinoni ni Jerusalem ara labumatesigira na tinoni tavosi, mi kalina ia igira goto nogo sauba kara mate. Ara nau malemalea moa niqira labumate, mara tau goto tsavuginia na kao i tana e tareo na gabuna gaqira lamuta. Mara moloa ke totu lê i kelana na vatu.

Goko Tabana 4:23

Ko parovata dou tana nimu papada; rongona nimu papada ara tagaovia na maurimu.

Jeremia 30:12

Ma na Taovia e tsarigotoa vanigira nina tinoni, “Ara bokali sekoligamu, me utu goto ke mavu na bokamui.

Jeremia 30:13

Me tagara goto ke kesa ke mai sangagamu. Ma na voramui e tau tamani sinagorena, me tau tangomana kesa ke tali maurisigamu.

Jeremia 32:31

Eo, tû tana dani ara logo vaolua na verabau iani, me tsau mai i dani eni, igira na tinonina ara naua me gini momosa loki na tobaqu. Minau au padakuti matena nogo kau toroutsania,

Esekiel 45:9

“Inau na Taovia God au tsarivanigamu igamu na ida tana Israel, ‘Igamu amu sasi oka sosongo nogo. Kamu mololea na bingi sekoliaqira ma na rotasiaqira lê niqu tinoni. Ma kamu tuturiga na nauana na omea e dou me gotolaka. Kamu laka saikesa goto na tsialigiaqira tugua niqu tinoni tania niqira kao.’ Inau nogo na Taovia God au tsaria na omea iani.

Isaia 1:6

E tû tana lovamui, me tsau tsuna tana perana tuamui, e tau goto mamanga sa tabana na konimui. E danga dato moa na tsomo, ma na vora, ma na boka. Mamu tau lelê malesigira se kamu porogira na bokamui. Me tagara goto sa sinagore kamu molo bâ i koniqira.

Jeremia 8:22

?Laka e tagara sa sinagore tana Gilead? ?Me laka e tau goto totu sa tinoni tatali i tana? ?Me vaga ia, megua ti ara tau tali maurisigira niqu tinoni?

Jeremia 30:15

Kamu laka goto na goko gini vaniaqu tana rongona na bokamui; e tagara goto sa sinagore tangomana ke maurisigamu. Inau au kedelokigamu vaga iani rongona igamu amu tabaru seko sosongo, mara danga sosongo nimui sasi.

Esekiel 21:29

Ara tau saikesa mana igira na omea sui amu tsaria amu morosigira tana moro, ma na kategoko sui amu naua igamu na Amon ara pero sui moa. Igamu na vanga tsutsukibo ma na vanga nauseko, e maimai nogo na dani i tana ke gadovigamu na susuina gamui kede. Na isi nogo sauba ke kutia na liomui.

Sepania 3:1

Na Jerusalem e totu vania moa na mate, aia na vera tabaruga seko sosongo, me dona moa na tsatsarae ma na bingi sekoliaqira nina tinoni segeni.