Jeremia 51:6 - Ghari

⁶ !Kamu tsogoligi tania na Babilon! !Kamu ulo tsaku kamu tau mate! Kamu laka na mate tana rongona nina sasi na Babilon. Kalina nogo ia ti inau au tangotuguqu mau kedea na verabau ia vaga e ulagana.

Jeremia 51:6 Referans Kwoze

Jeremia 50:8

“!Igamu na tinoni ni Israel, kamu tsogoligi tania i Babilon! !Kamu mololea na butona kao ia! !Igamu nogo kamu ida na vano!

Jeremia 50:28

Visana na tinoni ni Israel mi Juda, igira ara totutseka i Babilon, ara tsogoligi vano i Jerusalem, mara ba turupatuna laka e koegua na Taovia nida God e tangotuguna na omea igira na Babilonia ara nauvania nina Vale Tabu.

Jeremia 50:15

!Ke tangidato na gû na vailabu polipolia na verabau ia! Bâ, mi kalina ia, migira na Babilonia ara molo segeniqira nogo i limamui igamu. Na baravatuna na verabau ia ara viri tapa mara ova tsapatugu, mara puka nogo i lao. Inau au tangotuguqu i koniqira na Babilonia. Me vaga ia, migamu goto kamu tangotugumui i koniqira, ma kamu nauvanigira igira na omea vaga ara naua vanigira na tinoni tavosi.

Jeremia 51:45

!Igamu na tinoni ni Israel, kamu tsogoligi tania i tana! !Kamu ulo tsaku kamu tau mate tana niqu momosatoba loki.

Jeremia 25:14

Inau sauba kau tangotuguqu koniqira na Babilonia na matena na omea seko ara naua, migira na taovia tsapakae susuliga i laoqira danga na puku tavosi sauba kara tangoligira ma kara malatsekagira.’ ”

Tsoko Tinoni 16:26

Ma Moses e tsarivanigira na toga, “Kamu totu tabaligi tania tu niqira valepolo na tinoni vanga tsutsukibo tu girani, ma kamu laka goto na peleana kesa niqira omea tatamani. Rongona ti vaga kamu nauvaganana ia, me sauba kamu luvu takuti kolugira tana rongona niqira sasi igira.”

Na Katemai 16:19

Ma Babilon na vera loki ia, e tapavota tolu na turina, ma na vera sui tana barangengo ara viri luvu sui. Eo, God e padavisua na vera loki i Babilon, me turuginia ke inuvisuia na tseu na uaenina na korena loki.

1 Timoti 5:22

Ko laka na gini mavi na tsaku na molo limamu i lovana kesa tinoni ma na tabuana ke gini lia na tagao tana lotu. Mo ko laka saikesa na sanga i laona niqira sasi na tinoni tavosi. Migoe ko reitutugu segenimu ke male dou pipi nimu sasaga.

Jeremia 51:50

Ma na Taovia e tsarivanigira na tinoni ni Israel ara totu moa i Babilon: “!Igamu amu pitsa nogo tania na mate! !Bâ, mi kalina ia kamu tû ma kamu vano tsaku! !Kamu laka goto na pitu! Me atsa moa ti amu totu ao tania na veramui segeni, ma nimui aqo kamu padaau moa inau nimui Taovia, ma kamu padavisugotoa na Jerusalem.

Jeremia 51:11

Na Taovia e tsavalagira na taovia tsapakae tana Media, rongona aia e padanogoa ke toroutsania na Babilon, gana ke gini tangotuguna nina Vale Tabu ara toroutsania. Migira gaqira taovia na gala ara ketsaligira niqira tinoni, “!Kamu katsu vavangagira nimui pipili! !Ma kamu tangoli vangaraua nimui tako!

Jeremia 51:9

Migira na tinoni ni Israel mi Juda ara totu tsinogo i tana ara tsaria, ‘Igita a tovoa na sangaana na Babilon, me tau moa gini dou visutugua. Ida gita ma ka mololea kalina ia, ma ka visutugua i verada tatavosi. God e kedenogoa na Babilon tana susuligana popono me toroutsani saikesalia.’ ”

Jeremia 50:31

“!Igoe Babilon, e danga dato moa na sasaga kaekae i konimu, maia nogoria na rongona ti inau na Taovia God Susuliga Sosongo au vaigalagi kolugo! E labamai nogo niqu tagu i tana kau kedego.

Isaia 48:20

!Bâ, mi kalina ia kamu tû, ma kamu tsogoligi tania i Babilon! Kamu magemage ma kamu gudato kara gini rongomigamu igira na tinoni pipi sui tana nauna, ma kamu tsaria, “!Na Taovia e laumaurisigira nogo na Israel igira nina maneaqo!”

Jeremia 46:10

Iani nogo nina dani na Taovia God Susuliga Sosongo, na dani i tana aia ke tangotugu, me ke kedegira gana gala. Ma nina isi sauba ke ganigira poi tsau kalina ke masu doka, me ke inuvia na gabuqira poi tsau kalina ke vatsa. I dani eni nogo na Taovia God e savorigira gana lamuta tana butona kao tabana i vava ligisana na Kô Euprates.

Jeremia 27:7

Me pipi sui na puku na tinoni kara aqo vania moa aia, me vanigotoa na dalena mane ma na kukuana, poi kalina ke tsau na tagu i tana inau kau titia ke puka goto na Babilonia. Mi tana sauba kara tû igira na puku tavosi, migira na taovia tsapakae ara susuliga liusia aia, ma kara raigira na Babilonia kara aqotseka vanigira.

Jeremia 25:16

Mi kalina kara inuvi suia, me sauba ke nanga na sasagaqira, ma kara tapulepule bamai, vaga moa na tinoni e inu bubulega, tana rongona na vailabu loki inau au vangaraua ke gadovigira.”

Goko Tabana 13:20

Ti vaga ko duli kolugira sailagi moa na tinoni sasaga loki, me sauba ko sasaga loki. Me ti vaga ko totu kolugira moa na tinoni ara tau sasaga me sauba ko tau kuti na tsodoana na rota.

Na Vaolusi Ketsa 32:43

“Igamu na puku tavosi sui, kamu tsonikaegira igira nina tinoni na Taovia, rongona aia e kedegira sui igira ara labumatesigira, me tangotuguqira i koniqira gana gala, me padalegira niqira sasi igira nina tinoni.”

Na Vaolusi Ketsa 32:41

laka sauba kau asa vavangâ niqu isi ma kau reia laka ke laba na pedegoto. Minau sauba kau tangotugu koniqira gaqu gala ma kau kedegira igira ara reisaviau inau.

Na Vaolusi Ketsa 32:25

Na vailabu sauba ke alomaia na mate tana sautuna na veraqira; ma na omea mataguniga loki sauba ke gadovigira i laona na valeqira. Na mane ma na daki vaolu sauba kara viri mate sui, me atsa goto igira na baka tetelo se na tuqatuqa sauba ke utu goto kara gaegira.

Isaia 63:4

Inau au pedenogoa laka e labamai nogo na tagu i tana inau kau laumaurisigira niqu tinoni, ma kau kedegira gaqira gala.

Jeremia 48:6

Mara tsaria, ‘Kamu ulo tsaku kamu tau mate! !Kamu ba taopoi tana kaomate!’

Jeremia 51:36

Mi tana, ma na Taovia e tsarivanigira na tinoni ni Jerusalem, “Inau sauba kau isutugumui, ma kau naua migira gamui gala sauba kara adimatena na omea seko ara naua vanigamu. Inau sauba kau korasia na uluna nina kô na Babilon, ma kau naua ma kara mamatsa takuti pipi sui nina ko tatave.

Jeremia 51:56

Igira ara mai gana kara toroutsania na Babilon; mara tangoligira nina mane vaumate, mara bokua niqira parige. Inau nogo na God au dona kau kedegira igira ara naua na omea tabaruga, me sauba nomoa kau nauvania na Babilon na omea vaga e ulagana.

Tangitangi 3:64

“Taovia, ko kedegira tana rongona na omea seko ara nauvaniau.

Linge 94:1

!Taovia igoe nogo na God o dona na kede tinoni; ko tû mo ko saulabatia na koremu!