Jeremia 51:57 - Ghari

⁵⁷ Inau sauba kau naua me ke ulavigira na inu susuliga igira sui nina taovia tagao, migira goto nina mane sasaga loki, ma nina tinoni lokiloki, ma nina mane vaumate. Igira sauba kara maturu saviliu me utu goto kara mamata. Inau na taovia tsapakae au tsaria na omea iani, inau nogo na Taovia Susuliga Sosongo.

Jeremia 51:57 Referans Kwoze

Jeremia 46:18

Inau nogo na Taovia Susuliga Sosongo au taovia tsapakae. Inau nogo na God mamauri. Minau sauba kau molomaia kesa ke baginigamu, ma na susuligana aia sauba ke liusia na susuligaqira na tinoni tavosi sui, vaga nogo na Vungavunga Tabor e paladato liusigira sui na vungavunga tavosi, ma na Vungavunga Karmel aia e dato ao tabana i tasi.

Jeremia 48:15

Na gala ara mai mara toroutsaninogoa na Moab ma nina verabau sui, mara labumatesigira sui nogo nina mane vaolu susuliga. Inau au taovia tsapakae, na Taovia Susuliga Sosongo, minau nogo au tsaria na omea iani.

Jeremia 25:27

Mi muri, ma na Taovia e tsarigotoa vaniau, “Ko tsarivanigira na tinoni laka inau na Taovia Susuliga Sosongo, na God ni Israel, au ketsaliginigira kara inuvia, poi tsau kalina ke ulavigira ma kara mumuta, ma kara puka, ma kara tau goto tangomana kara tu tugua, tana rongona na vailabu loki inau au vangaraua ke gadovigira.

Jeremia 51:39

Minau sauba kau vangaraua kesa na kavomutsa vanigira, ma kau palaginigira na inu susuliga ke ulavigira ma kara gini bubulega, ma kara ba maturu saviliu, me utu goto kara mamata tugua.

Na Katemai 18:9

Migira na taovia tsapakae ni barangengo, igira sui ara sangapata kolua na verabau ia tana nina vainausekoligi ma nina magemage seko, sauba kara ngangai loki ma kara tangisia aia kalina kara reia e dato na punguna na lake loki e ganisuia.

Malaki 1:14

Inau na Taovia sauba kau labusaginia na tinoni e nauvaganana ia. Aia na vanga peqo, e tamaniragoa na omea tuavati mauri dou i laona nina bara me gini veke nogo laka sauba ke savoria vaniau, mi muri me tû me savori vaniau na omea tuavati sekoseko. Ma na nauvaganana ia e tau saikesa goto rongona inau na Taovia Loki Tsapakae, migira na tinoni pipi sui tana puku ara kukuni sosongo taniau inau.”

Nahum 1:10

Migamu sauba kamu viri iru sui saikesa vaga na itai kokonaga ma na buruburu makede.

Isaia 37:36

Mi tana bongi nogo ia, me kesa nina angelo na Taovia e vano tana nauna i tana ara vaturikaegira niqira valepolo igira na Asiria, me labumatesigira ara 185,000 niqira mane vaumate. !Mi tana matsaraka rovorovo na dani ngana, ma na koniqira ara viri tsaro uluvaileqo, migira sui lakalaka ara matepitsu nogo!

Isaia 6:5

Minau au tû mau tsaria, “!E, e! !Au mate nogo kiki inau! Au seko pitsu kiki nogo rongona pipi sui lakalaka na tsaqina goko ara rutsu i mangaqu, na sasina sui moa gira, mau mauri i laoqira na tinoni igira goto pipi sui niqira tsaqina goko ara sasi saviliu. Minau, na mataqu segeni nogo ara reilakana na Taovia Tsapakae, aia na Taovia Susuliga Sosongo.”

Isaia 44:25

Inau au bulesia niqira papada igira na tinoni ara dona na tatada mau pualasilea niqira kategoko igira ara basutidao. Mau dona na oliana niqira sasaga na tinoni sasaga loki ma kara gini bubulega.

Jeremia 13:13

Migoe ko tsarivanigira laka inau na Taovia au vangaraunogoa laka kau dangaliginigira na uaeni igira na tinoni popono tana kao iani, igira sui na taovia tsapakae na kukuana a David, ma na manetabu, ma na propete, migira sui lakalaka goto na toga tana Jerusalem, poi tsau ke ulavigira.

Jeremia 50:30

Aia nogoria na rongona ti kara labumatesigira sui nina mane vaolu tana sautu loki na verabau ia, ma kara viri mate sui lakalaka goto nina mane vaumate tana dani nogo ia. Inau nogo na Taovia au tsaria na omea iani.

Esekiel 20:33

“Inau na Taovia God mamauri au gini vatsa tana asaqu segeni nogo, laka inau au kore loki sosongo vanigamu, mau parovatavigamu laka sauba kau tagaovi kaputiginigamu na limaqu susuliga sosongo.

Nahum 3:18

Migoe na taovia tsapakae ni Asiria, ko reigira bâ nimu taovia tagao butona momoru, ma nimu tinoni lokiloki, ara mate pitsu sui, ma na koniqira ara mango saviliu nogo. Migira nimu toga ara viri saranga bamai tana vungavunga, me tagara goto ke kesa ke ba adivisumaigira tugua.