Jeremia 51:51 - Ghari

⁵¹ Igamu amu tsaria, ‘Ara paluvangamamami sosongo igami, mami totu moa tana vangamâ. Ami tau saikesa dona nagua kami naua, rongona igira na tinoni ni veratavosi ara sagenogoa i laona na nauna tabu tana Vale Tabu.’

Jeremia 51:51 Referans Kwoze

Tangitangi 1:10

Migira gana gala ara komigira pipi sui nina omea loki matena. Eo, maia e reigira goto kalina ara ba sage i laona na Vale Tabu, i tana na Taovia e tongo vanigira na tinoni ni veratavosi kara sage bâ i laona.

Linge 79:4

Igira sui na puku tavosi ara totu poligami ara peagami mara kiataginigami mara tsirigami.

Mika 7:10

Mi tana ti igira gada gala kara reia e laba vaga ia, me sauba kara gini vangamâ lê, igira nogo ara gilu gada tana idana mara veisuagita vaga iani, “?Laka iava e totu aia na Taovia nimui God?” Migita sauba ka reia kalina na Taovia ke tsogori pukaligira, ma na tinoni kara tsotso i kelaqira vaga moa ti na boko tana sautu.

Daniel 11:31

Ma kara visana nina mane vaumate ia sauba kara tangopekea na Vale Tabu, ma kara tongovanigira na tinoni na savori kodoputsa vania God vaga nogo ara lavu na nauana pipi dani, ma kara turuvagini kaea na nununa na Omea Seko Loki Liuliu Bâ i kelana na Vale Tabu.

Esekiel 24:21

me tsaria kau parovatavigamu vaga iani igamu na tinoni ni Israel: Igamu amu gini kaekae sosongo na susuligana nina Vale Tabu aia. Mamu reingao sosongolia na morosiana ma na mai na tsigoviana, bâ, maia segenina nogo na Taovia sauba ke naqugasia. Migira sui nimui tinoni vaolu ara totuvisu moa i Jerusalem, sauba kara viri mate sui tana vailabu.

Esekiel 9:7

Ma God e ketsalitugira, “Kamu tu bâ, ma kamu tu naqugasia na Vale Tabu. Ma kamu tu dangaliginia na pakokana na Vale Tabu na kubuqira na tinoni mate. !Bâ, ma kamu tu tuturiga saviliu kalina ia!” Mi tugira ara tu tuturiga saviliu na labumatesiaqira na tinoni i laona na verabau ia.

Esekiel 7:18

Ma kara sagelia na polo baubau papadana na melu, me ke gariri popono na kokoraqira. Sauba kara tsara koakoa na lovaqira, me sauba nomoa ke paluvangamaqira sui.

Tangitangi 5:1

Taovia, ko padatugua na omea ara laba vanigami igami. Ko morosigiami mai, mo ko reia nimami paluvangamâ.

Tangitangi 2:20

!Taovia ko moromai! !Ko morosigira igira igoe o rotasi sosongoligira! !Igira na daki ara gania na konina na daleqira galugaluve! !Na gala ara matesigira na manetabu ma na propete i laona saikesa nogo na Vale Tabu!

Jeremia 52:13

Maia e mololakena na Vale Tabu, ma na valena na taovia tsapakae, ma na valeqira goto pipi sui na tinoni tangirongo tana Jerusalem;

Jeremia 31:19

Igami ami piloligi tanigo igoe Taovia, mi kalina ia, ami ngaoa kami visubatugua i konimu. Mi kalina igoe o kedegami, ma na lovamami e ulutsuna tana vangamâ. Me gini paluvangamamami sosongo tana rongoqira na sasi ami naugira kalina ami tinoni vaolu moa.’ ”

Jeremia 14:3

Igira na tinoni ara tamani omea danga ara molovanogira niqira tinoni aqo kara ba sao kô; migira ara vano tana tuvu mara tau goto ba reia sa kô; mara adivisu lea moa niqira popovatu. Ara vangamâ, me ponopala na tobaqira, mara tsavupoia na mataqira.

Linge 109:29

Ko paluvangamaqira igira gaqu gala; na vangamâ ke tsavugira popono vaga moa ti gaqira polo sagesage.

Linge 79:12

Taovia, ko tuguvisu vanigira igira na puku tavosi ke vitu kalina tana rongona pipi sui niqira goko peapea ara naua vanigo.

Linge 79:1

God igoe, igira na tinoni ponotoba ara mai mara totuvinogoa na veramu. Mara tangopekea nimu Vale Tabu, mara toroutsani poponoa na Jerusalem.

Linge 71:13

Ko naua migira ara ngaoa laka kara sugutiau inau ke tau nogo managaqira ma kara mate lê sui. Migira ara tovoa na sekoliaqu, igoe ko naua ma kara seseada me ke paluvangamaqira lê.

Amos 7:9

Sauba kara taveo niqira nauna na samasama igira na kukuana a Isaak. Ma niqira nauna tabu igira na Israel sauba kara viri totu toroutsa. Minau sauba kau suilavaginia na puku taovia i konina a Jeroboam na taovia tsapakae.”

Mika 6:16

Na omea sui girani sauba nomoa kara laba vanigamu e utu ke tagara, rongona igamu amu muria moa na omea seko e naua a Omri na taovia tsapakae, maia goto a Ahab na dalena. Igamu amu adidatoa na omea seko kaira ara ka pedesai gokona, me vaga ia, minau sauba kau luvusigamu takuti, ma na tinoni sui sauba kara pea sekoligamu. Me pipi sui tana nauna na tinoni kara rei peagamu ma kara tsogori tsunaligamu.”

Linge 89:46

?Taovia, laka sauba ko taopoi saviliu nomoa igoe? ?Sauba ke oka koegua sagata na koremu ke iru vaga na lake?

Isaia 13:1

Iani nogo e vaga na goko God e tsarivania a Isaia na dalena a Amos tana rongona na Babilon.

Isaia 14:1

Na Taovia sauba ke galuvegira tugua nina tinoni Israel, me ke viligira tugua kara lia nina tinoni segeni nogo aia. Me sauba ke tamivanigira kara totuvitugua niqira butona kao segeni, migira na tinoni ni veratavosi kara mai totu kolugira goto i tana.

Isaia 21:1

Iani nogo e vaga na goko e kalea na Babilon. Vaga saikesa nogo na viru e liu taligu tana kaomate, sauba ke vaga goto na rota seko loki ke talumai kesa tana butona momoru mamataguniga.

Isaia 47:1

Na Taovia e tsarivaganana iani vania na verabau ni Babilon, “Igoe Babilon ko tsunamai tania nimu sasana na totukae mo ko totupuka tana kao i laona na papasa. I sau igoe o vaga moa kesa na baka daki vaolu, kesa na verabau e tau goto vati tuliusia ke kesa, mi kalina ia, igoe e tau nogo malopolopo me ke angaanga dou na kokoramu. Igoe o lia nogo na tseka.