Jeremia 51:16 - Ghari

¹⁶ E goko moa aia, me alevo na kô i gotu tana masaoka; me naua mara maisai na parako na usa tû tana susuina na barangengo. Maia e naua me kirapi na angaanga i laona na usa, me molomaia na guguri loki talumai tana nina voki na mani mololaka omea levo.

Jeremia 51:16 Referans Kwoze

Linge 135:7

Aia nogo e naua mara tû na parako na legai loki talu tana vovosana na barangengo; e naua me botsa na angaanga i laona na usa loki, me molomaia na guguri e talu i tana aia e mololakanogoa.

Jona 1:4

Mi kalina ara vovotu, ma Jona e ba tsuna saviliu tana tabulô me maturu tatanu. Tau oka ma na Taovia e moloa kesa na guguri loki tana tasi, me laba na legai loki seko sosongo me gadovia na vaka, me varangi ke tarese. Mi tana migira na mane na vaka ara viri matagu mate, me pipi gira tatasa ara ngangaidato vania niqira god segeni ke sangagira. Te ara tû mara tsonigira i tasi gana lutsa na vaka rongona ke gini malamala na vaka.

Linge 18:13

Mi tana, ma na gokona na Taovia aia e totu tana parako, e poda loki vaga na vivisa; mara rongomia na tangina na liona aia e God Susuliga Sosongo.

Jona 4:8

Mi murina kalina e dato nogo na aso, God e molomaia kesa na guguri papara e talu i longa. Ma Jona e tuturiga na vatsangi saviana na paparana na aso e rangikakaia na lovana. Me ngaoa moa ke mate me tsaria, “!E dou bâ ti kau mateligi moa liusia na mauri!”

Amos 9:7

Na Taovia e tsaria, “Tinoni ni Israel, inau au padalokigira na tinoni ni Sudan atsa vaga moa au padalokigamu igamu. Inau nogo au adirutsumigira na Pilistia tania i Krete, ma na Siria tania i Kir, atsa vaga moa kalina au adirutsumigamu igamu tania na Ejipt.

Esekiel 10:5

Ma na tatangina tu rapoqira na angelo tugira, ara rongomigotoa tana pakoka i tano. Me tangi vaga moa na liona God Susuliga Sosongo.

Linge 147:18

Maia e moloketsa moa me rapa lê na aesi e kakaisia na kô; me molomaia na guguri, ma na kô e tsatsali tavetugua.

Linge 104:7

Mi kalina igoe o railigigira na ko loki, migira ara tsogo, ara viri tsogoligi tsaku kalina ara rongomigo igoe o soalaginia vanigira nimu ketsa.

Linge 78:26

Maia e naua me mai kakai na guguri votu, mi tana susuligana goto ia e sualaginikaea na guguri e palamai i ata;

Linge 68:33

vania aia e dona ke liu i kelana na masaoka, tana masaoka ni sau nogo. Rongomia aia kalina e gû me tangi loki sosongo na liona.

Linge 46:6

Migira na puku tavosi ara viri matagu loki sosongo, ma na veraqira igira na taovia tsapakae sui ara viri taveo popono. Nina goko God e poda loki, ma na barangengo popono e nangaligi lê.

Nina Papi A Job 40:9

?Me laka igoe o susuliga atsa koluau inau? ?Me laka na tatangina na liomu e dona ke poda loki vaga na lioqu inau?

Nina Papi A Job 38:22

“?Me laka o ba sage nogo igoe i laona na voki i tana inau au mololakagira na snou ma na kakoluna na usa kakai?

Nina Papi A Job 37:13

Mi kalina God e moloa na usa ke lesovia na barangengo, me visana kalina aia e naua na mani kedeginiaqira na tinoni, me visana kalina gana ke gini sauvulagia nina tobagoto vanigira.

Binaboli 14:21

Mi kalina igira na Israel ara mai tsau tana liligina na tasi, ma Moses e tû me sauvotu bâ na limana, ma na Taovia e moloa na guguri votu mai tana bongi popono, me uvivotâ na tasi me gini laba na kao mamatsa. Ma na tasi e tavota ruka,

Binaboli 10:19

Ma na Taovia e piloa na guguri votu me lia na tulonga, maia e tavaligi vanogira na kipo sui tana Tasi Tsitsi. Me tagara goto sa kipo ke totuvisu i laona na Ejipt popono.

Binaboli 10:13

Me vaga ia, ma Moses e saukaea nina itoro, ma na Taovia e naua me laba na guguri votu tana vera ia na dani popono ma na bongi popono. Mi tana matsaraka ma na guguri ia e adimaigira na alaala popono na kipo.

Tuturigana 8:1

Ma God e tau padalea a Noa migira na omea mamauri sui ara totu kolua tana vaka; maia e tû me molomaia na guguri, ma na kô e gini tuturiga na tsuna.