Jeremia 51:11 - Ghari

¹¹ Na Taovia e tsavalagira na taovia tsapakae tana Media, rongona aia e padanogoa ke toroutsania na Babilon, gana ke gini tangotuguna nina Vale Tabu ara toroutsania. Migira gaqira taovia na gala ara ketsaligira niqira tinoni, “!Kamu katsu vavangagira nimui pipili! !Ma kamu tangoli vangaraua nimui tako!

Jeremia 51:11 Referans Kwoze

Jeremia 46:4

!Vangaraugira nimui ose ma kamu sagekae i kelaqira! !Sagelia gamui kepi, ma kamu tû palatete! !Asa vavangagira nimui bao, ma kamu sagelia nimui tako!’

Jeremia 50:45

Me vaga ia, ma kamu rongomia na omea inau au vangarau manogatinogoa laka kau naua vania na verabau ni Babilon, ma na omea au padâ kau naua vanigira nina tinoni. Me atsa moa igira goto na daleqira tetelo, me sauba igira na gala kara raqaligigira sui, migira sui na tinoni tavosi kara gini beke loki na reiana na omea e laba vaga ia.

Jeremia 50:9

Inau sauba kau tsavalagira na puku tinoni susuliga tabana i vava, ma kau ketsaligira kara ba bokia na Babilon. Igira sauba kara tû palatete tana vailabu, ma kara baginia na butona kao ia ma kara tangolia. Ara dona sosongo na rugu ma na gini vanavana na parige, mara tau goto dona na savi.

Jeremia 46:9

!Igamu na ose kamu aligiri na vano, migamu na terê kamu terere! !Ma kamu molovanogira na mane vaumate, migira na Sudan ma na Libia kolua niqira tako, migira goto na mane ni Lidia ara dona sosongo na gini vanavana na parige.’ ”

Sekaria 14:12

Na Taovia sauba ke molomaia kesa na lobogu seko sosongo vanigira na puku sui ara vailabugi kolugira na Jerusalem. Kalina igira ara mamauri moa, me sauba ke mabulu nogo na kokoraqira, ma na mataqira, ma na lapiqira.

Sekaria 14:2

Na Taovia sauba ke adisaigira na veratavosi sui ma kara mai vailabugi kolua na Jerusalem. Me sauba kara tangolia na verabau ia, ma kara laugira sui na vangana na valeqira na tinoni, ma kara raqagira na daki. Me sauba kara aditsekagira na turina popono na tinoni, ma na turina sauba kara totuvisu moa i laona na verabau.

Jeremia 51:35

Na tinoni ni Sion kara tsaria, “!God ke kedegira na tinoni ni Babilon, tana rongona na omea seko loki ara naua vanigami igami!” Migira na tinoni ni Jerusalem kara tsaria, “!God ke kedegira na tinoni ni Babilon tana rongona na rota loki ara molovanigami!”

Jeremia 51:24

Na Taovia e tsaria, “Igamu sauba kamu reiau inau kalina kau tuguvisu vania na Babilon migira nina tinoni tana rongona na omea seko sui ara nauvania na Jerusalem.

Jeremia 51:12

Kamu puâ na tavuli na ba bokiana na baravatuna na Babilon. !Mologira kara danga na mane matali kara matalidoua na verabau ia! !Kamu ketsaligira na mane vaumate kara taopoi gana kara labunovotia!” Na Taovia e naunogoa na omea e tsaria laka sauba ke nauvanigira na tinoni ni Babilon.

Jeremia 50:25

Inau au sangavinogoa na vale i tana au mololakagira niqu sagore na vailabu, mi tana niqu momosatoba loki au adirutsumigira, rongona inau na Taovia God Susuliga Sosongo au tamani aqo kau naua tana Babilon.

Isaia 46:11

Inau au soamainogoa kesa na tinoni ke talumai i longa, maia sauba ke lovotsuna mai vaga moa kesa na rogabora, me ke manalia na omea inau au vangarau manogatinogoa. Inau nogo au tsaria na omea iani, me sauba ke laba manana vaga nogo au tsaria.

Isaia 45:5

“Inau nogo na Taovia, me tagara goto sa god tavosi. Me sauba kau tusuvanigo na susuligamu gana na tu kakai tana nimu aqo, atsa moa ti igoe o tau vati donaginiau moa inau.

Isaia 45:1

Na Taovia e vilia a Sirus ke lia na taovia tsapakae. Me molovania gana aqo ke sugutigira na puku tinoni danga, me ke adipukalia gaqira susuliga na taovia tsapakae tavosi, ma na Taovia nogo sauba ke sangavi vania na matsapakapuqira na verabau sui. Miani nogo e vaga na goko na Taovia e tsarivania a Sirus,

Isaia 41:25

“Inau au vilinogoa kesa na tinoni e totu i longa. Me sauba kau raia me ke maiginigamu tû i vava. Aia sauba ke tsogorigira na tagaovera vaga moa na boko, me vaga nogo kalina na tinoni aqosi popovatu e tsogoria na kao tsitsi gana na aqosi popovatu.

Isaia 21:5

Mi laona na moro ia, inau au morosia kesa na mutsa loki ara vangaraunogoa; mara vuresigira na ibe vanigira na tinoni kara totu i koniqira. Migira ara mutsamutsa mara inuinu. Me tavongani gudato kesa me tsaria, “!Ara mai laba nogo na gala! !Igamu sui gaqira taovia na mane vaumate, kamu vangaraua nimui tako!”

Isaia 21:2

God e molovaniau inau kau morosia tana bolebole na omea seko loki sauba ke laba. Mau rongomia God e goko me tsarivaganana iani, “Igira na Babilon e kesa rago na puku ara dona sosongo na perobulesi tinoni, ma na sekoliaqira na tinoni tavosi sui. !Me vaga ia, migamu na mane vaumate ni Elam kamu tû ma kamu ba bokia na Babilon! !Migamu na mane vaumate ni Media, kamu ba totu polia na verabau ia! Minau sauba kau suilavaginia na rota loki ara naua igira na Babilon vanigira na vera tavosi.”

Isaia 10:26

Inau na Taovia Susuliga Sosongo, sauba kau rarusiginigira niqu uipi vaga au nauvanigira na tinoni ni Midian tana Maragova ni Oreb. Me sauba kau kedegira na Asiria vaga nogo au kedegira na Ejipt i sau.

Esra 1:1

Tana kesanina ngalitupa a Sirus e taovia tsapakae tana Persia, maia na Taovia e manalia na omea e kate idanogoa tana mangana a Jeremia na propete. E molopapada i tobana a Sirus ke maretsuna na ketsa iani, ma kara ba tsokoa vanigira na toga sui pipi tana nauna i tana aia e tagaovi kaputia.

2 Turupatu Dato 36:22

Mi tana kesanina ngalitupa a Sirus e taovia tsapakae tana Persia, ma na Taovia e manalia na omea vaga aia e kate idanogoa tana mangana a Jeremia na propete. Na Taovia e molo papada i tobana a Sirus ke marea na ketsa iani, ma kara tetevagini gokona malemale i laoqira na toga sui pipi sui tana vera aia e tagaovi kaputia:

1 Turupatu Dato 5:26

Mi tana, maia God e naua ma Pul na taovia tsapakae ni Asiria, aia ara soaginigotoa a Tiglat Pileser, ke bâ me ke bokia na veraqira. Maia e tuliusigira me aditsekavanogira na puku tu koniqira a Ruben, ma Gad, ma na Manase Tabana i Longa, me ba mologira kara totu pukuga i Hala, mi Habor, mi Hara, mi liligina goto na Kô Gosan.

1 Taovia Tsapakae 11:23

Ma God e naua, maia a Reson na dalena a Eliada e vaigalagi goto kolua a Solomon. A Reson e tsogo tania gana taovia aia a Hadadeser na taovia tsapakae ni Soba,

1 Taovia Tsapakae 11:14

Mi tana ma na Taovia e naua, maia Hadad aia kesa tana puku taovia tsapakae ni Edom e vaigalagi kolua a Solomon.

Aqo Manetabu 26:25

Me ti vaga igamu kamu kutsia nimui tabana na vaitasogi amu naukoluau, minau sauba kau mologira gamui gala kara mai na vailabu koluamui, me ti vaga kamu tovoa na ba toturavi i laona nimui verabau, minau sauba kau moloa ke gadovigamu na lobogu seko loki e utugana na taliana, ma kau livugamu lê i limaqira gamui gala.

Jeremia 46:3

Iani nogo nina goko na Taovia: “Igira gaqira taovia na mane vaumate ni Ejipt ara gudato mara tsaria, ‘!Tangoli manogatigira nimui tako ma kamu alavano tana vailabu!

Jeremia 50:3

“Kesa na puku talumai tabana i vava ara maimai nogo na bokiana na butona kao ni Babilon, me sauba kara naua me ke lia na kaomate. Migira sui na tinoni ma na omea tuavati sauba kara viri tsogoligi, me ke tagara goto kesa ke totuvia i tana.”

Jeremia 51:36

Mi tana, ma na Taovia e tsarivanigira na tinoni ni Jerusalem, “Inau sauba kau isutugumui, ma kau naua migira gamui gala sauba kara adimatena na omea seko ara naua vanigamu. Inau sauba kau korasia na uluna nina kô na Babilon, ma kau naua ma kara mamatsa takuti pipi sui nina ko tatave.

Daniel 5:30

Mi tana bongi nogo ia, ara labumatesia a Belsasar na taovia tsapakae ni Babilonia;

Joel 3:9

“Bâ, mi kalina ia igoe a Joel nimu aqo ko katevulagia na goko vaga iani vanigira na tinoni sui: ‘!Kamu vangaraua na vano na vailabu! !Kamu soamaigira igira nimui malagai susuliga bâ, me pipi sui goto nimui mane vaumate tavosi, ma kamu alavano!

Joel 3:10

Kamu taia me ke vavanga na isuisuna nimui omea na mani qarikao me ke lia nimui isi, ma kamu asâ nimui gau na vasugi vasuna gai me ke lia nimui bao. Me atsa moa igira ara maluku lê ma niqira aqo goto kara ba sanga na vailabu.