Jeremia 5:9 - Ghari

⁹ ?Egua, laka inau sauba kau tau kedegira tana rongona niqira sasi, ma kau tau tangotuguqu i konina na puku na tinoni seko vaga iani?

Jeremia 5:9 Referans Kwoze

Jeremia 9:9

?Egua laka sauba kau tau kedegira tana rongona na omea vaga girani? ?Me laka kau tau tangotuguqu inau i konina na puku vaga iani? Inau nogo na Taovia au tsaria na omea iani.”

Jeremia 5:29

“Bâ, minau nogo na Taovia sauba kau kedegira tana rongona na omea girani. Sauba kau tangotuguqu tana rongona nina sasi na puku na tinoni iani.

Nahum 1:2

Na Taovia God e tau goto tamivanigira na tinoni kara samasama vania sa god tavosi, me kedegira igira ara petsakoe mangana aia. Mi tana korena loki aia e labuvisuginigira.

Hosea 8:13

Igira ara savori-kodoputsa vaniau rago inau, mara gania na velesina na omea tuavati ara savoria. Eo, minau na Taovia au tau saikesa reingaoa na omea ara naua, mi kalina ia e utu kau padalea niqira sasi, me sauba kau kedegira matena, ma kau molovisugira tugua i Ejipt.

Hosea 2:13

Eo, sauba nomoa kau kedea rongona e danga nogo kalina aia e padaleau inau, me ba kodoa na bulunagai uruuru vania Baal, me sagelia gana inilau angaanga, me ba takuvi tsarimuriqira igira aia e ngaogira. Inau nogo na Taovia au tsaria na omea iani.”

Esekiel 7:9

Me utu saikesa goto kau gaegamu se kau galuvegamu. Niqu aqo nomoa kau kedegamu tana rongoqira na omea marasibiga amu naugira, mi tana ti sauba kamu donaginia laka inau nogo na Taovia au kedegamu.”

Tangitangi 4:22

Na vera ni Sion e sese mateqira nogo nina sasi. Ma na Taovia sauba ke tau goto tami kami totu tsinogo babâ. Migoe moa Edom, sauba na Taovia ke kedego, me ke adilabatigira i malena nimu sasi.

Jeremia 44:22

Ma na Taovia e utu goto ke baria na reiaqira na omea tabaruga ma na tsutsukibo amu naugira, maia nogoria na rongona ti nimui kao e totu mangu lê saikesa me tagara goto ke kesa ke totu i laona, migira na tinoni tavosi ara gini novo loki mara matagu, tana rongona na omea vaga ia e laba, mara gini aqo na soana na veramui gana na vealagi.

Jeremia 23:2

Iani nogo nina goko na Taovia na God ni Israel e tsaria tana rongoqira igira ara tagaovigira nina tinoni: “Igamu amu tau reitutugudougira niqu tinoni. Amu tsialigigira, mamu sarangasigira bamai. !Doua! Mi kalina ia, inau sauba kau kedegamu matena na omea tabaruga amu naua.

Isaia 1:24

Mi kalina ia, ko rongomia na omea na Taovia Susuliga Sosongo, aia niqira God susuliga igira na Israel, e tsaria: “Inau sauba kau tangotuguqu i konimu, igoe gaqu gala, me sauba ke utu vanigo goto ko molorota vaniau.

Na Vaolusi Ketsa 32:43

“Igamu na puku tavosi sui, kamu tsonikaegira igira nina tinoni na Taovia, rongona aia e kedegira sui igira ara labumatesigira, me tangotuguqira i koniqira gana gala, me padalegira niqira sasi igira nina tinoni.”

Na Vaolusi Ketsa 32:35

Na Taovia sauba ke tangotugu me ke kedegira; sauba ke labamai na taguna i tana igira kara puka; me maimai varangi nogo na dani i tana kara mate;

Aqo Manetabu 26:25

Me ti vaga igamu kamu kutsia nimui tabana na vaitasogi amu naukoluau, minau sauba kau mologira gamui gala kara mai na vailabu koluamui, me ti vaga kamu tovoa na ba toturavi i laona nimui verabau, minau sauba kau moloa ke gadovigamu na lobogu seko loki e utugana na taliana, ma kau livugamu lê i limaqira gamui gala.

Isaia 57:6

Mamu adigira na vatu madao ara totu i tana, mamu ba samasama vanigira vaga moa ti na god. Mamu qetu bâ vanigira goto nimui sausau na uaeni, mamu adimai vanigira nimui sausau na uiti. ?Egua amu padâ laka au reingaoa inau na omea sui vaga girani?

Jeremia 5:10

Inau sauba kau molovanogira na gala kara ba kavikutigira niqira uta na uaeni niqu tinoni, me utu moa kau tamia kara toroutsanigira saikesa. Sauba kau tsarivanigira kara kaviligigira moa na araqira, rongona na arana girani ara tau niqu inau.

Jeremia 32:31

Eo, tû tana dani ara logo vaolua na verabau iani, me tsau mai i dani eni, igira na tinonina ara naua me gini momosa loki na tobaqu. Minau au padakuti matena nogo kau toroutsania,

Tangitangi 3:42

“Taovia, igami ami sasi sosongo mami piloligi tanigo, migoe o tau padale vanigami nimami sasi.

Aqo Manetabu 18:25

Niqira sasaga tabaru igira ara sisi loboloboginia na kao popono me gini maresibiga, maia nogo na rongona ti na Taovia e kedeginia na kao ia, ma na kao ia e sove tanigira popono igira na tinoni ara totu ida nogo i laona.

Goko Tabana 6:29

Eo, me sauba ke seko vanigo goto kalina ti ko ba maturu kolua na tauna kesa na mane tavosi. Sauba nomoa ko gini tsodorota.

Jeremia 6:6

Aia nogo na Taovia God e ketsaligira na taovia tsapakae girani kara kavitsunagira na gai na vouvou gana kara gini tangomana na bokiana na Jerusalem. Maia e tsaria, “Inau sauba kau kedea na verabau iani, rongona e dangali poponoa moa na vaibingisekoligi.

Jeremia 6:11

Taovia, nimu momosatoba vanigira e irudato goto i tobaqu inau, mau tau goto tangomana na bariana.” Mi muri ma na Taovia e tsarivaniau, “Ko moloa ke podalaba na korequ i koniqira na baka ara liu tana sautu, mi koniqira goto na alaala na tinoni vaolu ara totu saisai. Me sauba kara raqaligigira na tamatau, me atsa moa goto igira na tuqatuqa ma na kavekave e utu goto kara gaea na mauriqira.

Jeremia 9:8

Na lapiqira ara vaga saikesa nogo na pipili vavanga; ara tsoni sailaginia moa na goko pero. Pipi tinoni e malapalu moa na goko dou vaniana na kulana, mi laona na tobana e vangarau vania moa gana taviti.