Jeremia 5:22 - Ghari

²² Inau nogo na Taovia. ?Egua igamu ti amu tau mataguniau inau? ?Megua ti amu tau gagariri i mataqu? Inau nogo au moloa na one i tana ke vosa mai na tasi, aia na vovotana kalavata, me utu goto ke liusia. Na tasi atsa moa ti ke karara loki, me tau moa tangomana ke liusia, ma na panu kara kukutu loki, me tau goto tangomana kara liusia.

Jeremia 5:22 Referans Kwoze

Linge 104:9

Igoe o vota vanigira na nauna i tana kara totu, mo tongo vanigira kara laka na saviliusiana, mo nauvanigira vaga ia rongona kara tau tsavutugua na barangengo popono.

Nina Papi A Job 26:10

Maia nogo e pedea tana ke ba vosa na tasi, na nauna i tana e tavota na marara tania na rodo.

Goko Tabana 8:29

me moloketsa vania na mao na tasi ke tau nusudato liusia i tana aia e titivania ke vosa. Au totu nogo i tana inau, ti aia e pakaa na tsutsuvatuna na barangengo.

Linge 119:120

Au matagunigo igoe; mau mataguni sosongoligira goto nimu pedelaka.

Na Vaolusi Ketsa 28:58

“Me ti vaga igamu kamu tau muri kalavatavigira pipi sui nina totosasaga God ara maretsunagira tana papi iani, me ti vaga kamu tau goto padalokia na asana tabu kukuniga na Taovia nimui God,

Nahum 1:4

Maia e ketsalia na tasi me tavongani mamatsa takuti. Me naua mara viri mamatsa lê na kô. Mara matsele sui na buruburu tana poiatsa ni Basan, mi tana Vungavunga Karmel, migira goto na latsena gai ni Lebanon.

Jeremia 10:7

?Masei ke tau padalokigo igoe na taovia tsapakae kaputigira na puku sui? E ulagana nomoa kara padalokigo, rongona e tagara goto ke kesa ke atsa kolugo igoe i laoqira na tinoni sasaga pipi sui tana puku, se i laoqira niqira taovia tsapakae.

Marko 4:39

Ma Iesu e mamata me tutsau, me ketsalia na guguri, “!Ko rago!” me tsarivania na tasi, “!Ko beata!” Me tavongani puka na guguri, me beata mate na tasi.

Na Katemai 15:4

?Asei sauba ke tau kukuni tanigo Taovia? ?Masei sauba ke sove na gini turupatuna na lokimu? Igoe segeni moa o tabu loki sosongo. Migira na tinoni pipi sui tana vera sauba kara mai ma kara samasama vanigo, rongona nimu aqo ara gotolaka saikesa, mara labamaka i mataqira na tinoni sui.”

Amos 9:6

Na Taovia e logo verana i baragata, me tatakatsinia na masaoka i kelana na barangengo. Maia e saoa na tasi me qetutsunâ tana barangengo. !Na Taovia nogo na asana aia!

Linge 99:1

Na Taovia aia nogo e taovia tsapakae; migira na tinoni sui ara gariri i matana. Aia e totu tana nina sasana na totukae i kelana na rapoqira na angelo, me gini kakasisi popono na barangengo.

Linge 33:7

Maia e sarosaigira na tasi sui kesa moa tana nauna; me vongo kapusia na kema ke totu dodo i laona nina bara.

Mateo 10:28

Kamu laka na mataguniaqira lee igira ara dona kara labumatesia moa na konimui, me utu goto kara labumatesia na tidaomui. Kamu matagunia moa God, rongona aia moa e dona ke kedekaira sui na konimui ma na tidaomui tana rota e vo sui.

Isaia 50:2

“?Kalina inau au mai na laveamui ma na rongona gua ti au tau reia sa tinoni? ?Mi kalina inau au soagamu, ma na rongona gua ti amu tau gokovisu vaniau? ?Me laka amu padâ inau au maluku sosongo me tau tangomana kau maurisigamu? Bâ, minau tangomana kau goko moa me ke gini mamatsa na tasi, ma kau oligira na kô tatave ma kara lia na kaomate lê, ma kara gini viri mate na tsetse i laoqira rongona e mamatsa lê na kô.

Luka 12:5

Inau kau katevanigamu asei moa aia igamu kamu matagunia; kamu matagunia moa God, rongona ti ke matesia na konimui, maia segeni e tamanina goto na susuliga ke tsonia na tidaomui tana rota e vo sui. !Eo, inau au tsarivanigamu, aia moa kamu matagunia!

Daniel 6:26

Inau au ketsaligamu igamu sui amu totu i laona na veraqu popono, laka nimui aqo kamu matagunia ma kamu kukuni tania nina God a Daniel. “Aia segeni moa na God mamauri, me sauba ke tagao saviliu na dani ma na dani. Ma na verana aia e utu saikesa kara toroutsania, ma na susuligana e utu goto ke sui.

Isaia 66:5

Igamu sui amu kukuni tania na Taovia mamu rongomangana, kamu rongomia na omea aia e tsaria: “Tana rongona nogo igamu amu totukakai i koniqu inau, ti igira visana nimui tinoni ara reisavigamu mara sove tanigamu. Igira ara tsirigamu mara tsaria, ‘Molovania na Taovia ke sauvulagia na susuligana me ke laumaurisigamu, mi tana ti igami kami reiginia nimui magemage.’ !Bâ, minau au tsarivanigamu laka igira nogo sauba kara paluvangamaqira!

Tuturigana 1:9

Mi muri, ma God e tsaria, “Kara saikolu na kô i vavana na masaoka ma kara totu kesa moa tana nauna, rongona ke gini laba na momoru.” Me laba vaga aia e tsaria.

Nina Papi A Job 38:8

“?Ko tsarimai vaniau igoe laka asei nogo e vongo kapusia na matsapana na tasi loki, kalina e botsa dato tana tuturigana na barangengo?

Linge 46:3

Me atsa moa ti vaga na tasi ke ngusudato me ke karara na panu me ke kasiligira na vungavunga ma kara tatsora. Me atsa moa migita e utu goto ka matagu.

Isaia 64:2

Ma kara galigiri vaga moa na kô kalina e totopo i laona na lake papara. Ko mai mo ko sauvulagia na susuligamu vanigira gamu gala, mo ko naua migira na puku sui kara gagariri i matamu.

Jeremia 2:19

Nimu sasaga tabaru segeni nogo sauba ke kedeginigo, mi tana rongona nogo igoe o piloligi taniau inau, ti inau goto sauba kau gini kedeginigamu. Mi tana tagu ia, sauba ko donaginia laka e seko sosongo nomoa na tsonikidaqu inau na Taovia nimu God, ma na sove na totukakai i koniqu. Inau nogo na Taovia God au tsaria na omea iani.”

Amos 4:12

Me vaga ia, minau sauba kau kedegamu igamu na tinoni ni Israel. Me rongona inau sauba manana kau nauvanigamu vaga ia, me dou ti gamu kamu vangarau segenimui na tû i mataqu tana pede.”

1 Taovia Tsapakae 13:28

Maia e sagekae i konina nina asi me vano, me ba reia na konina na propete e tsatsaro lê tana sautu, mi kaira na asi ma na laeone ara ka tutû moa i ligisana. Ma na laeone e tau goto gania na konina me tau goto ngaoa na gatiana na asi.

Nina Papi A Job 37:24

Aia nogoria na rongona ti igira na tinoni sui lakalaka ara matagunia aia; maia e tau lelê boeginigira igira ara koesegeniqira laka ara sasaga sosongo nogo.”

Jeremia 31:35

Na Taovia aia nogo e moloa na aso ke marara tana dani, ma na vula ma na veitugu kara marara tana bongi, me ovukaea na tasi me gini karara popono. Ma na soana ia aia nogo na Taovia Susuliga Sosongo.

Jona 1:16

Mi kalina ara reia na omea e laba vaga ia, migira na mane na vaka ara mataguni sosongolia na Taovia. Mara tû mara vekea laka kara aqo dou vania na Taovia ma kara savori-kodoputsa vania kalina kara laba i one.