Jeremia 5:21 - Ghari

²¹ Kamu rorongo dou igamu na tinoni bubulega tau sasaga. Igamu amu tamani matamui, mamu tau moa morosi gadoviginia sa omea. Mamu tamani kulimui, mamu tau moa gini rorongo.

Jeremia 5:21 Referans Kwoze

Esekiel 12:2

“Dalena tinoni igoe, igoe o totu i laoqira na tinoni vanga petsakoe. Igira ara tamani ragoa na mataqira, mara tau moa reigadoviginia sa omea; mara tamani ragoa na kuliqira, mara tau moa rongomigadoviginia sa omea, rongona igira na tinoni vanga petsakoe sosongo.

Aqoaqo 28:26

Aia e tsaria: ‘Ko baa, mo ko tsarivanigira na tinoni girani: Eo, igamu sauba kamu rorongovata, ma kamu rorongovata, me utu moa kamu padagadovia, me sauba kamu momoro, ma kamu momoro, me utu moa kamu reigadovia,

Roma 11:8

E vaga nogo ara marea tana Mamare Tabu, “God nogo e naua te e gini ponopala na tobaqira; me tsau mai i dani eni e utu vanigira na gini moro na mataqira se na gini rorongo na kuliqira.”

Ioane 12:40

“God e dokolia na mataqira, me vongokapusia na tobaqira, rongona na mataqira ke tau momoro, ma na tobaqira ke tau padagadovia, ma kara gato na pilomai i koniqu inau, ti inau kau maurisigira, e tsaria God.”

Jeremia 4:22

Ma na Taovia e tsaria, “Igira niqu tinoni ara bule nomoa. Ara tau donaginiau inau. Ara vaga saikesa moa na baka bubulega, mara tau dona na padagadoviana sa omea. Ara dona sosongo moa na nauana na omea e sasi, mara tau dona na nauana sa omea dou.”

Marko 8:18

?Amu tamaniragoa na matamui, me gua ti amu tau morosia? ?Mamu tamanigotoa na kulimui, me gua ti amu tau rongomia?

Jeremia 8:7

Me atsa moa na gaova maia e donaginia na tagu ke visu; migira na kulukulu, ma na pikapika masanga, ma na perotuqatuqa, igira sui ara donaginigotoa na tagu kara mololea kesa tana nauna, ma kara ba totu kesa tana nauna segeni. Migamu niqu tinoni, amu tau saikesa donaginigira na ketsa inau au tagaoviginigamu.

Jeremia 5:4

Mi muri mau pada segeniqu, “Na tinoni girani igira na sekona lê moa, mara tau sasaga katsi. Ara tau saikesa donaginia na omea na Taovia niqira God e ngaoa kara naua.

Isaia 44:18

Na tinoni vaga gira ara tau saikesa sasaga mara tau goto donaginia nagua ara naua. Ara vongoa na mataqira ma na papadaqira gana kara tau donaginia na manana.

Linge 94:8

?Niqu tinoni igamu, egua sagata ti amu bubulega vaga ia? ?Me sauba kengisa ti kamu sasaga?

Isaia 27:11

Migira sui na arana gai ara matsele lê mara viri taboku, ma na daki ara mai tsakosaigira gana na lake. Mi tana rongona nogo igira na tinoni ara tau padagadovia sa omea, ti God, aia nogo e aqosigira, sauba ke tau nogo galuvegira se ke gaegira.

Goko Tabana 17:16

E tau lelê pelu vania sa bule na tsoniqolo gana na voli sasani, rongona aia e tau saikesa tamanina sa tongana dou ke gini lausasani.

Na Vaolusi Ketsa 32:6

?Egua ti amu nauvaganana vania na Taovia, igamu na tinoni bule manana mamu tau sasaga? Aia na tamamui, maia nogo e aqosigamu, me naua ti amu gini lia na puku loki.

Na Vaolusi Ketsa 29:4

Me tsaumai i dani eni, maia e tau vati tamivanigamu kamu padagadovia na omea igamu amu liu nogo i laona.

Hosea 7:11

Israel e tsipubamai vaga moa kesa na kulukulu bubulega. Igira nina tinoni ara idatalu ara nongi sasanga i koniqira na Ejipt, mi muri mara ulovano goto i Asiria.

Jeremia 10:8

Igira sui lakalaka ara bubulega mara tau saikesa sasaga. Ara ba lalave sasani i koniqira na titinonina na god peropero ara katsuginia na gai lê moa.

Marko 4:12

rongona e vaga e katea a Isaia na propete, me tsaria, ‘Igira sauba kara momoro, ma kara momoro, me utu nomoa kara reigadovia; me sauba kara rorongo, ma kara rorongo, me utu nomoa kara rongomigadovia. Rongona ti igira kara padagadovia, me sauba kara pilo baa i konina God, maia sauba ke nusigira tania niqira sasi.’ ”

Roma 1:20

Tu kalina God e vusaa na barangengo e tugua igira na tinoni kara padagadovia laka e God manana ia ma na susuligana e totu saviliu, me utu goto ke sui, atsa moa ti kara tau reilakana kalina eni. E tuguragoa kara padagadovia na omea iani kalina ara reigira na omea sui God e aqosigira. !Me vaga ia na tinoni girani ara tau goto tamanina sa rongona kara gini tiatagaraa!

Isaia 43:8

God e tsaria, “Kamu raqagira niqu tinoni tana tinete. Igira ara tamaniragoa na mataqira, mara kokoko moa, mara tamaniragoa na kuliqira mara tau moa rorongo.

Jeremia 5:20

Na Taovia e goko me tsaria, “Ko bâ mo ko tsarivanigira na kukuana a Jakob, migira goto na tinoni ni Juda:

Jeremia 6:10

Minau au tsarivania, “?Masei ke rongomiau inau ti vaga kau goko vanigira ma kau parovatavigira? Igira ara tsatsarae sosongo, mara sove saikesa na rongomiana nimu goko; mara kiataginia na omea igoe o ketsaliginiau kau tsaria vanigira.

Sekaria 7:11

“Eo, migira niqu tinoni ara tsatsarae sosongo mara sove na rorongo. Ara vongoa niqira papada,

Na Vaolusi Ketsa 29:3

Igamu amu morosinogoa na rota seko loki, na valatsatsa, ma na omea ganataga loki aia na Taovia e naugira.

Jeremia 7:13

Eo, igamu amu naugira na sasi sui girani, me atsa moa ti inau au gokogini vanigamu pipi kalina, migamu amu sove saikesa na rorongo. Mi kalina inau au soagamu, mamu tau goto gokovisu vaniau.