Jeremia 5:11 - Ghari

¹¹ Igira na tinoni tana Israel ma na Juda ara sove saikesa taniau. Inau na Taovia au tsaria na omea iani.”

Jeremia 5:11 Referans Kwoze

Jeremia 3:20

Bâ, me vaga moa na daki e tau totukakai konina na savana, migoe o tau saikesa totukakai i koniqu inau. Inau nogo na Taovia au tsaria na omea iani.”

Isaia 48:8

Minau au dona nogo laka e utu kau norugamu, rongona tu kalina amu botsa amu petsakoe mamu muria moa nimui papada segeni. Aia nogo na rongona ti au gini tau tsarivulagi vanigamu na omea girani.

Hosea 6:7

“Mi kalina tsotsodo ara sage bâ tana kao i Adam, igira ara kutsia niqira tabana na vaitasogi au naua kolugira.

Hosea 5:7

Igira ara tau nogo totukakai i konina na Taovia, migira na daleqira ara tau nogo nina tamani aia. Me vaga ia, me utu ke oka migira, ma niqira kao popono, sauba kara toroutsa sui.

Isaia 24:16

!Kamu rorongo! E tû tana vovosana na barangengo igira na tinoni ara linge mara tsaria, “Tsonikaea na Taovia, aia e gotolaka saikesa nina sasaga!” Minau au tsaria, “Inau moa e utu kau mage. Au padasavi sosongo mau ngaoa moa kau mate, rongona au reigira na tinoni ara naua moa na sasaga tabaruga, mara perobulesigira mara sekoliginigira lê na tinoni tavosi.

Jeremia 5:10

Inau sauba kau molovanogira na gala kara ba kavikutigira niqira uta na uaeni niqu tinoni, me utu moa kau tamia kara toroutsanigira saikesa. Sauba kau tsarivanigira kara kaviligigira moa na araqira, rongona na arana girani ara tau niqu inau.

Jeremia 9:2

Me ke dou goto ti vaga kau tamanina kesa na nauna i laona na kaomate i tana tangomana kau ba totu tabaligi tanigira niqu tinoni. Igira sui lakalaka ara tau saikesa totukakai i konina na Taovia, na alaala na tinoni vanga tsutsukibo moa.

Jeremia 12:1

“Taovia, e gotolaka saikesa pipi nimu pede, me gini tau ulagaqu inau na vaimangabarigi kolugo. Mau ngaoa nomoa kau torogoko i konimu tana rongona visana na omea inau au tau padagadovigira. ?Laka egua ti ara tamani omea danga igira na tinoni vanga tsutsukibo? ?Me laka egua ti igira na tinoni vanga tabaru ara tangomana tana omea sui ara naua?