Jeremia 5:10 - Ghari

¹⁰ Inau sauba kau molovanogira na gala kara ba kavikutigira niqira uta na uaeni niqu tinoni, me utu moa kau tamia kara toroutsanigira saikesa. Sauba kau tsarivanigira kara kaviligigira moa na araqira, rongona na arana girani ara tau niqu inau.

Jeremia 5:10 Referans Kwoze

Jeremia 4:27

Na Taovia e tsari idanogoa na omea iani, “Na barangengo popono sauba ke lia na kaomate, me utu nomoa kau toroutsani saikesalia.

Mateo 22:7

“Ma na taovia loki e gini kore loki sosongo, me moloivanoigira nina mane vaumate kara baa ma kara labuimateisigira sui igira ara matesigira nina maneaqo, ma kara tungia na veraiqira.

Hosea 1:9

Ma na Taovia e tsarivania a Hosea, “Ko soaginia ‘Tau Niqu Tinoni,’ rongona igira na Israel ara tau nogo niqu tinoni, minau au tau nogo niqira God.”

Jeremia 39:8

Mi tana tagu goto ia, migira na Babilonia ara totuvisu i Jerusalem ara mololakena me iru saikesa na valena na taovia tsapakae, ma na valeqira goto na tinoni, mara vui pukaligira na baravatuna na verabau ni Jerusalem.

Amos 9:8

Inau na Taovia God au morotsuna bâ tana Israel, mau reigira popono nina sasi, me sauba nomoa kau toroutsani saikesalia tania na barangengo. Me utu moa kau matesiligigira sui lakalaka na kukuana a Jakob.

Esekiel 14:17

“Se e tau utu kau mologira na gala kolua niqira sagore na vailabu, kara baginia na butona momoru ia, ma kara labumatesigira sui lakalaka na tinoni ma na omea tuavati ara totu i tana.

Esekiel 12:16

Minau sauba kau tamia kara visana lelê moa kara matepitsa tana vailabu, ma na liuna na vitoa, ma na lobogu seko, rongona i levugaqira nogo na tinoni ni veratavosi ti sauba kara reigadoviginia laka e marasibiga manana niqira omeomea, ma kara donaginia laka inau nogo na Taovia.”

Jeremia 46:28

Igamu na Israel, igamu niqu tinoni, kamu laka na matagu rongona inau nogo au totu kolugamu. Sauba kau toroutsanigira saikesa pipi sui na puku tavosi i tana inau au sarangasigamu, migamu moa e utu kau toroutsanigamu saikesa. E mana, sauba nomoa kau kedegamu, mi kalina kau kedegamu ma kau naua moa tana pedegoto. Inau nogo na Taovia au tsaria na omea iani.”

Jeremia 30:11

Inau nogo sauba kau mai i konimui ma kau laumaurisigamu. Sauba kau toroutsanigira pipi sui na puku tavosi i tana inau au sarangasigamu bâ, migamu moa e utu kau toroutsanigamu. Me sauba rago kau kedegamu igamu, mi kalina kau tû na kedeamui, me sauba kau naua moa tana pede gotolaka. Inau nogo na Taovia au tsaria na omea iani.”

Jeremia 25:9

‘Kamu rorongo, inau sauba kau mologoko bâ vanigira na tinoni sui ara totu tabana i vava, me vanigotoa niqu maneaqo a Nebukadnesar na taovia tsapakae ni Babilonia. Sauba kau soamaigira kara vailabu kolugira na tinoni tana Juda, migira sui goto na puku tavosi ara totu varangisigira. Minau sauba kau toroutsani saikesalia na puku iani, migira goto ara totu varangisigira, migira sui kara morosia na omea iani au naua vanigira, sauba kara gini beke ma kara matagu loki. Inau nogo na Taovia au tsaria na omea iani.

Jeremia 5:18

Na Taovia e tsaria, “Me atsa goto moa tana tagu ia, me sauba e utu goto kau matesiligigira saikesa niqu tinoni.

2 Turupatu Dato 36:17

Mi tana, ma na Taovia e mologinia na taovia tsapakae ni Babilonia ke baginigira. Maia e matesigira na mane vaolu sui tana Juda, atsa moa goto igira ara totu i laona na Vale Tabu. Me tau goto gaea ke kesa, tinoni vaolu se tinoni loki, na mane se na daki, tinoni lobogu se tinoni mauri dou. Aia God e mologira sui lakalaka i limana moa aia.

Jeremia 5:9

?Egua, laka inau sauba kau tau kedegira tana rongona niqira sasi, ma kau tau tangotuguqu i konina na puku na tinoni seko vaga iani?

Jeremia 5:11

Igira na tinoni tana Israel ma na Juda ara sove saikesa taniau. Inau na Taovia au tsaria na omea iani.”

2 Turupatu Dato 12:4

Maia e laugira na verabau tana Juda ara barapoliginigira na vatu, me ba tsau i Jerusalem.

Jeremia 2:21

Inau nogo au tsukago igoe vaga moa kesa na itai na uaeni dou bâ. Tana idana migoe o vaga saikesa na volana na itai na uaeni laka. ?Megua ti o oli kalina ia, mo lia vaga na itai na uaeni atsi tagara rongona?