Jeremia 49:4 - Ghari

⁴ ?Rongona gua ti amu koesegenimui igamu na vanga petsakoe? Amu tau saikesa nogo susuliga. ?Laka egua ti amu tsotsovata tana nimui omea tatamani danga, mamu tsaria laka tagara kesa ke malagai na baginiamui?

Jeremia 49:4 Referans Kwoze

1 Timoti 6:17

Ko raiginigira igira ara tamanina na omea danga, kara laka na gini kaekae ma na molo vataraginiana na tobaqira tana omea tsautsau lee vaga na qolo. I konina segeni moa God kara vataragi, rongona aia nogo e gini vangalaka vanigita pipi sui na omea dou igita a tamanina.

Jeremia 21:13

Inau nogo sauba kau vailabu kolugo Jerusalem, igoe o totukae i kelana na tetena mo morotsuna i lao, vaga kesa na vatu e vungakaega tana poiatsa, mo tsaria laka e tagara goto kesa tangomana ke baginigo, se ke liusage bâ tana nimu baravatu kakai.

Jeremia 9:23

Na Taovia e tsaria, “Igira na tinoni sasaga loki kara laka na gini goko kaekae tana rongona niqira sasaga loki, migira na mane susuliga tana rongona niqira susuliga, ma na tinoni tamani danga tana rongona niqira omea danga.

Jeremia 48:7

“Moab igoe o norua moa na susuligamu segeni, mo tsotsovata tana nimu omea tatamani danga, mi kalina ia, atsa moa goto igoe, me sauba nomoa kara tuliusigo, ma kara aditsekavanoa Kemos nimu god peropero, kolugira goto nina manetabu, migira nimu tinoni lokiloki.

Jeremia 3:14

“Kamu visumaitugua igamu na tinoni amu tau totukakai i koniqu, rongona igamu niqu tamani nogo inau. Inau sauba kau adia ke kesa vidamui i laona pipi na vera, me ke ruka i laona pipi na duli, ma kau adivisugamu bâ tana Vungavunga Sion.

Linge 62:10

Laka na vataraginiana nimui amesi tana tangopeke seko; laka goto na amesiana kamu tamaniginia sa omea tana komi; me atsa moa ti vaga ke pabo babâ moa na vangana nimui omea tatamani, migamu kamu laka saikesa na tsotsovata i koniqira.

Linge 52:7

“Reia bâ na mane iani, aia e tau norua God laka aia ke ravisia, maia e norua moa laka tana nina omea levolevo danga e tugunogoa, me padâ laka i laona nogo nina tsutsukibo ke totu ravidou.”

Linge 49:6

igira ara tsotsovata segeni tana niqira omea levolevo danga mara gini kaekae tana niqira tamani danga.

Na Katemai 18:7

Aia e mauri tana tsonikae segenina mi tana magemage, baa, mi kalina eni igamu kamu nautuguna vania tana rota loki ma na vatsangisavi. Aia e goko kaekae me tsari segenina sailagi vaga iani: ‘!Inau na daki taovia, mau totukae tana sasaqu na totu! !Minau tau na daki tinamate, mau tau goto dona kau vatsangisavi kesa dani!’

Hosea 4:16

Igira na tinoni ni Israel ara tsatsarae sosongo vaga moa na asi mane. Migira ara ngaoa moa inau kau mataligira vaga na mane pitusipi e matalidougira nina sipi. ?Ma kau gua inau ti kau tangomana na matalidouaqira rongona igira ara tsatsarae sosongo?

Jeremia 49:16

Nimu kaekae nogo e perobulesigo. Migoe o padâ laka ara matagunigo, miava, e tau lelê matagunigo ke kesa. Igoe o mauri tana babana na maragova, i kelana saikesa na vungavunga dato; me atsa moa ti igoe o totu dato ao vaga na manuloki, minau sauba nomoa kau raqa tsunago i lao. Inau nogo na Taovia au tsaria na omea iani.’ ”

Jeremia 7:24

Migira ara tau rongomangaqu, mara tau goto gini boe na omea au tsarivanigira. Mara tû, mara tsatsarae, mara muria moa na omea seko e kilia na tobaqira segeni, mara gini seko liuliu bâ.

Goko Tabana 10:15

Nina omea levolevo e tamanina kesa tinoni e dilâ vaga moa na verabau ara poliginia na baravatu kakai, maia e tau tamanina sa omea sauba ke seko pitsu lê.

Jeremia 31:22

?Ke oka koegua sagata kamu baribari, igamu na dalequ vanga petsakoe? Inau au aqosia kesa na omea e vaolu me rerei tavosi, vaga moa na daki e reitutugua na mane.”