Jeremia 49:10 - Ghari

¹⁰ Minau au matesiligigira sui saikesa igira na kukuana a Esau, mau sekolia niqira nauna na mani taopoi, gana ke gini utu vanigira na ba taopoitugua i tana. Igira sui na tinoni ni Edom ara viri mate sui saikesa. Me tagara lelê goto sa vidaqira ke kauvisu.

Jeremia 49:10 Referans Kwoze

Isaia 17:14

Tana ngulavi ara mai mara molo matagu vanigira na tinoni, mi tana matsaraka ara vanoligi sui nogo. Aia nogo e vaga na omea e totu pitugira igira sui ara ngaoa na sekoliada ma na lauligiaqira nida nida omea tatamani.

Roma 9:13

E vaga ara marenogoa tana Mamare Tabu mara tsaria, “Au tobadou vania a Jakob, mau tobaseko vania a Esau.”

Amos 9:3

Me ti vaga kara ba taopoi i kelana na Vungavunga Karmel, minau sauba kau tsoni lalaveqira ma kau tangoligira. Me ti vaga kara ba taopoi taniau inau i vavana na tasi, minau sauba kau ketsalia na tuqana vigo na omea mamauri i tasi ke gatigira.

Jeremia 23:24

Me tagara goto ke kesa tangomana na ba taopoi sa nauna i tana inau kau tau morosia. ?Laka igamu amu tau moa vati dona laka inau au totu pipi tana nauna sui i gotu mi lao?

Isaia 45:3

Inau sauba kau tusuvanigo niqira qolo ma niqira omea loki matena sui ara molopoia tana niqira moi. Mi tana ti igoe sauba ko donaginia laka inau nogo na Taovia, me laka inau na God ni Israel au soaginigo na soamu segeni.

Linge 37:28

rongona na Taovia e reingao sosongolia na omea e goto, me utu sosongo vania ke mololegira nina tinoni ara rongomangana dou. Aia e reitutugugira saviliu na dani ma na dani, ma na kukuaqira igira na tinoni vanga tsutsukibo sauba aia ke tsialigigira saikesa.

Jeremia 13:26

Na Taovia segeni nogo sauba ke tsoraligia na polomu, me ke paluvangamamu.

Tangitangi 4:22

Na vera ni Sion e sese mateqira nogo nina sasi. Ma na Taovia sauba ke tau goto tami kami totu tsinogo babâ. Migoe moa Edom, sauba na Taovia ke kedego, me ke adilabatigira i malena nimu sasi.