Jeremia 48:41 - Ghari

⁴¹ ma kara tangoligira na verabau ma na valekakai sui ara barapoliginia na vatu. Mi tana dani ia, igira na mane vaumate ni Moab sauba kara viri matagu mate vaga moa na daki kalina e vatsangia na dalena.

Jeremia 48:41 Referans Kwoze

Isaia 21:3

Ma na omea inau au rongomia mau reia tana moro ia e naua me gini laba vaniau na matagu loki ma na vatsangi savi, aia na vatsangi savi vaga e laba vania na daki kalina e vatsangia na dalena.

Isaia 13:8

Me sauba kara viri matagu loki sui, me ke tavongani laba vanigira na vatsangisavi loki, vaga moa na vatsangisavi e laba vania na daki kalina e vatsangia na dalena. Ma na ngoraqira kara sauvulagia laka ara rota loki, ma kara vaimorosigi tana padasavi.

Jeremia 49:22

Igira na gala sauba kara bokia na Bosra vaga moa na manu loki kalina e kaporakasia na rapona, me lovotsuna tsaku gana ke tsakâ gana lamuta. Mi tana dani nogo ia, migira na mane vaumate ni Edom sauba kara viri matagu mate vaga moa na daki kalina e vatsangia na dalena.”

Jeremia 30:6

!Mi kalina ia, kamu papada ma kamu vilekedoua! ?Laka tangomana na mane ke vasubaka? ?Me laka na rongona gua ti au reigira pipi mane ara tangolia na tobaqira vaga moa na daki e vatsangia na dalena? ?Megua ti amu raviraviga lê tana matagu?

Jeremia 6:24

Migira na tinoni ni Jerusalem ara tsaria, “Igami ami rongominogoa na turupatuna na maiaqira gamami gala, ma na limamami ara tsau labelabe lê; ami gini vatsangisavi sosongo, vaga saikesa moa na daki e vatsangia na dalena.

1 Tesalonika 5:3

!Eo, kalina igira na tinoni kara tsaria, “Na omea sui ara goto nogo, mara totu dou sui,” mi tana tagu tsotsodo nogo ia, sauba ke tavongani gadovigira na rota loki, me ke vaga nogo kalina na daki e tavongani vatsangisavia na sosongo loki tana vasusu! Me ke utu goto vanigira na tsogopoi taniana.

Jeremia 51:30

Migira na mane vaumate ni Babilon ara mololenogoa na vailabu, mara ba toturavi tana niqira valekakai. E puka lê rebona gaqira susuliga mara maluku vaga moa ti na daki. Migira na matsapakapuna na verabau ia ara viri tavui, mara iru sui na vale.

Jeremia 50:43

Mi kalina na taovia tsapakae ni Babilon e rongomia laka ara maimai nogo igira na gala, ma na limana e tsautsau labelabe lê tana matagu loki. Me gadovia na rota ma na sosongo vaga moa na daki kalina e vatsangia na dalena.

Jeremia 49:24

Igira na tinoni ni Damaskus ara tau saikesa susuliga, mara tsogoligi tana matagu loki. Ara vatsangi savi mara rota, vaga moa na daki e vatsangia na dalena.

Jeremia 4:31

Inau au rongomia kesa e ngangai vaga saikesa moa na daki kalina e vatsangia na dalena, me kanga vaga moa na daki kalina e vasua na volati. Aia nogo nina ngangai na Jerusalem e dadato kesa na mamagona, me tatakatsinia na limana me tsaria, “Au seko pitsu nogo! !Igira gaqu gala ara maimai nogo gana kara matesiau!”

Jeremia 4:9

Ma na Taovia e tsaria, “Mi tana dani nogo ia igira na taovia tsapakae ma na tinoni lokiloki sauba ke puka lê rebona gaqira susuliga, migira sui na manetabu ma na propete sauba kara gini beke loki.”

Jeremia 48:24

mi Keriot, mi Bosra. Na pede e gadovigira sui lakalaka na verabau tana Moab, atsa moa igira ara totu ao se ara totu varangi.

Jeremia 50:37

!Kamu matesigira sui nina ose ma kamu toroutsanigira sui nina terê! !Kara mate sui igira nina mane vaumate aia e voligira gana kara sangâ, na vanga posu igira! !Kamu laugira sui nina omea loki matena, ma kamu adivanogira!

Amos 2:2

Minau sauba kau mololakena na kao ni Moab, ma kau tungigira goto na valekakai ni Keriot ara barapoliginia na vatu. Migira na tinoni ni Moab sauba kara mate tana galeleona na vailabu, kalina igira na mane vaumate kara gugû ma kara uvia niqira tavuli.