Jeremia 48:3 - Ghari

³ Rongomigira na tinoni ni Horonaim ara ngangai dato mara tsaria, ‘!Ara seko pitsu nogo pipi sui na omea!’

Jeremia 48:3 Referans Kwoze

Isaia 15:5

Minau au padasavi sosongo mau tangisia na Moab. Igira na tinoni ni tana ara tsogovano tana vera ni Soar, mi Eglat Selisia. Mara visana ara muridatoa na sautu e vano i Luhit, mara ngangai kalina ara vavano; mara visana ara tosogovano i Horonaim, mara ngangai gugû.

Jeremia 48:34

“Migira na tinoni i Hesbon mi Eleale ara viri ngangaidato, ma na tatangina ara rongomia tsau bâ i Jahas; mara rongomigotoa igira na tinoni ni Soar, me tsau bâ i Horonaim mi Egla Selisia, rongona e mamatsa takuti nogo na Kô ni Nimrim.

Jeremia 48:5

Ara viri tsogoligi sui na Moab, kamu rongomia niqira ngangai na rota loki tana sautu e dato bâ i Luhit, mi tana sautu e tsuna bâ i Horonaim.

Jeremia 47:2

Maia e tsaria, !“Reia bâ! Na alaala loki na gala ara aligiri, vaga moa na kô e nusu dato tabana i vava, me sauba kara tatarimai vaga moa kalina e tave na obo. Sauba kara tsavu poponoa na butona kao ia, me pipi sui na omea ara totu i laona, igira sui nina verabau, ma na tinoni ara totuvigira. Migira sui lakalaka ara totu tana butona kao ia, sauba kara matagu loki ma kara viri tangitangi.

Isaia 22:4

Aia nogoria na rongona ti au tsaria, “Kamu mololeau inau ma kau tangisigira igira niqu tinoni ara mate. Ma kamu laka goto tovoa na vereaqu.”

Isaia 15:8

Me pipi sui lakalaka na nauna tana nina votavota na kao ni Moab e tangi moa na leleona na ngangai. Mara rongomia tsau bâ tana vera ni Eglaim mi Beerelim.

Isaia 15:2

Igira na tinoni ni Dibon ara dato bâ na ngangai tana niqira nauna tabu i kelana tetena. Migira na Moab ara tangisikaira na verabau ni Nebo mi Medeba; mara tsara koakoâ na lovaqira ma na ngolaqira tana melu.

Jeremia 20:16

Ke laba vania na mane ia vaga e laba vanigira na verabau igira aia na Taovia e toroutsanigira popono, me tau goto gaegira. Me ke rongomia niqira ngangai igira ara vatsangi savi tana matsaraka, ma na tatangina na vailabu tana niaso vota,

Jeremia 48:4

“E toroutsa saikesa nogo na Moab. Kamu rongomia niqira ngangaidato igira na tinonina.

Jeremia 51:54

Ma na Taovia e tsarigotoa, “Kamu rongomia na tatangina na ngangai tana Babilon, ma na tangitangi matena na toroutsa loki e laba tana kao ia.