Jeremia 48:26 - Ghari

²⁶ Na Taovia e tsaria, “Na Moab e kaekae vaniau sosongo inau, kamu palâ na inu susuliga me ke ulavia, me ke kabokabo tana mumutana segeni, migira sui na tinoni kara kiataginia.

Jeremia 48:26 Referans Kwoze

Jeremia 51:39

Minau sauba kau vangaraua kesa na kavomutsa vanigira, ma kau palaginigira na inu susuliga ke ulavigira ma kara gini bubulega, ma kara ba maturu saviliu, me utu goto kara mamata tugua.

Jeremia 48:42

Na Moab sauba ke toroutsa saikesa, me sauba ke tau goto lia sa puku na tinoni rongona aia e kaekae sosongo me sove taniau inau.

Isaia 29:9

!Bâ, igamu na tinoni ni Jerusalem, kamu bule rago! !Bâ, ma kamu koko moa! !Kamu ulaula me tau tana rongona amu inu uaeni! !Kamu tapulepule bamai, me tau laka amu inuvuia sa inu papara!

Isaia 19:14

Na Taovia e bulesigira, me gini tangi tavosi niqira sauparovata vanigira na tinoni. Me vaga ia, migira na tinoni ni Ejipt ara nau sasilia moa pipi na omea, mara tapulepule bamai lê vaga moa na tinoni e inu bubulega me tsotso terere tana mumutana segeni.

Daniel 5:23

Igoe o ngaoa ko molokae segenimu mo ko tsogori tsunâ na Taovia ni baragata. Mo ketsaligira nimu maneaqo kara adimaigira ieni na tseu ma na bilo ara laugira tania nina Vale Tabu. Migoe, kolugira nimu tinoni lokiloki, ma na taumu, migira goto na taumu lê, amu gini inu uaeni, mamu tsonikaegira nimui god ara aqosiginigira na qolumila, na siliva, na tapalamila, na tapalalaka, na gai, ma na vatu, eo, igira ara tau tangomana kara moro se kara rorongo, mara tau goto dona sa omea. Migoe o tau saikesa pada mamavasia God aia moa e susuliga na pedevaniamu laka ko mauri se ko mate, maia e tagaovigira goto pipi sui na omea igoe o naugira.

Tangitangi 4:21

Kamu magemage ma kamu kia babâ moa igamu na tinoni ni Edom mi Us. Na rota loki sauba ke gadovigamu goto igamu; migamu goto sauba kamu taposasa malaiole tana vangamâ.

Jeremia 51:7

Tana idana inau au gini aqo na Babilon gana na kedeaqira na tinoni sui. Aia e vaga saikesa moa kesa na tseu qolumila na uaeni i laona tana limaqu inau, migira na vera sui tana barangengo popono ara inuvia nina uaeni mara viri bubulega sui.

Jeremia 48:39

!Na Moab e tarutu saikesa nogo! !Kamu ngangaidato! E paluvangamana nogo na Moab. Aia e toroutsa saikesa, migira sui na puku ara totu polipolia ara tsiria. Inau nogo na Taovia au tsaria na omea iani.”

Binaboli 5:2

Ma na taovia tsapakae e veisuakaira, “?Asei vaga na Taovia? ?Rongona gua ti kau rongomangana aia ma kau tamivanigira na Israel kara vano? Inau au tau donaginia na Taovia; me sauba e utu goto kau tamivanigira na Israel kara vano.”

Na Katemai 16:19

Ma Babilon na vera loki ia, e tapavota tolu na turina, ma na vera sui tana barangengo ara viri luvu sui. Eo, God e padavisua na vera loki i Babilon, me turuginia ke inuvisuia na tseu na uaenina na korena loki.

2 Tesalonika 2:4

Maia nogo gana gala God ia, me sauba ke tuu me ke sugutigira pipi sui na god igira na tinoni ara dona na samasama vaniaqira, me ke molokae segenina liusigira sui. !Maia goto sauba ke ba totu i laona nina Vale Tabu God, me ke koesegenina laka aia nogoria e God manana!

Habakuk 2:16

Migamu saikesa nogo sauba ke puka lê gamui tangirongo, ma kamu gini vangamâ loki sosongo. Igamu segeni nogo sauba kamu inu uaeni me ke ulavigamu, ma kamu tapulepule bamai lê. Na Taovia nogo sauba ke turuginigamu ma kamu inuvi segenia gamui tseu na kede, ma gamui tangirongo ke puka lê me ke paluvangamamui.

Nahum 3:11

Migamu goto na Ninive, sauba ke laba vanigamu na omea vaga e laba nogo vanigira na Ejipt. Sauba kamu vaga saikesa nogo na tinoni e inu bubulega. Sauba ke bule na lovamui, ma kamu tovoa laka kamu tsogoligi tanigira gamui gala.

Daniel 11:36

“Ma na taovia tsapakae ni Siria sauba ke naua moa na omea vaga aia ke kilia. Maia sauba ke gini goko kaekae laka aia e loki liusigira bâ pipi sui na god, me ke tsonigira danga na goko seko kalea na God Loki Tsapakae. Maia sauba ke tangomana na nauana moa na omea iani poi ke tsau tana tagu kalina God ke kedea. Me sauba God ke naua nomoa na omea vaga saikesa aia e pada segenina nogo ke naua.

Tangitangi 3:15

Na rota loki aia lelê moa e sauvaniau ngiti gaqu mutsa ma gaqu inu.

Tangitangi 1:21

“Ko rongomiau kalina au kukungu. E tagara kiki ke kesa ke vereau. Igira gaqu gala ara gini mage sosongo rongona igoe o alomaia na rota seko loki ke gadoviau. Ko molomaia na dani na tangotugu vaga igoe o veke nogoa. Ko naua migira gaqu gala kara vatsangia na rota loki vaga au vatsangia inau.

Jeremia 51:57

Inau sauba kau naua me ke ulavigira na inu susuliga igira sui nina taovia tagao, migira goto nina mane sasaga loki, ma nina tinoni lokiloki, ma nina mane vaumate. Igira sauba kara maturu saviliu me utu goto kara mamata. Inau na taovia tsapakae au tsaria na omea iani, inau nogo na Taovia Susuliga Sosongo.

Isaia 63:6

Tana niqu momosatoba loki inau au tsogori rapasigira na puku sui, mau reoa na gabuqira tana kao.”

Isaia 51:17

!Jerusalem ko mamata! Ko mamata dou mo ko tû. Igoe o inuvi korasinogoa na tseu na kede aia na Taovia e tusuvanigo tana korena loki, me ulavigo.

Isaia 10:15

Ma na Taovia e tsaria, “?Laka tangomana na rarati ke tsaria laka aia e loki liusia na tinoni e gini kakavi? ?Me laka na gau e tamani rongona loki bâ liusia na tinoni e gini aqo? E tau na tubi ke tangolikaea na tinoni, na tinoni nogo e tangolikaea na tubi.”

Linge 75:8

Na Taovia e tangolia kesa na tseu na uaeni susuliga na korena e totu i laona. Maia e qetua, migira sui lakalaka na tinoni vanga tsutsukibo ara inuvia; ara inuvi korasia me tau lelê goto totuvisu sa kukuduna.

Linge 60:3

Igoe segeni nogo o naua vanigami igami nimu tinoni te ami gini rota loki sosongo; mami gini tapulepule bamai vaga moa ti ami inu mami bule.

Linge 59:8

Migoe Taovia o kiataginigira moa; mo tsirigira sui na tinoni ponotoba.

Linge 2:4

Ma na Taovia, aia e totu tana sasana i baragata, e kiataginigira, me gilugaqira.

Nina Papi A Job 9:4

God aia e sasaga loki me susuliga sosongo bâ; me tau ulagana sa tinoni ke tû me ke suamangana.

Binaboli 9:17

Migoe o kaekae sosongo moa mo tau tamivanigira niqu tinoni kara vano.

Isaia 28:8

Na bela i tana igira ara totu na inu e dangadato moa na mumuta i koniqira, me tau goto totu sa nauna ke male.

Daniel 8:10

Maia e dato susuliga poi e ba tsau tana masaoka me tsoni pukaligira i lao visana na veitugu me tsogori rapasigira.

Nina Papi A Job 15:25

“Aia nogoria ke vaga gana kede ke totu pitua na tinoni aia e langa limana na labuginiana God, me pea sekolia Aia e Susuliga Sosongo.

Jeremia 50:29

Na Taovia e tsaria, “Kamu tsarivanigira na mane ara gini vanavana na parige kara baginia na Babilon. Kamu molovanogira sui lakalaka igira ara dona na gini vanavana na parige ma na pipili. Kamu tupoli poponoa na Babilon, ma kamu laka goto na tamivaniana ke kesa ke tsogoligi. Kamu tuguvisu vania pipi sui na omea seko aia e naugira, ma kamu nauvania na omea vaga nogo aia e naua vanigira na tinoni tavosi, rongona e kaekae sosongo i mataqu inau au Tabu Loki tana Israel.