Jeremia 48:2 - Ghari

² E sui saikesa nogo gana tangirongo na Moab. Igira na gala ara tangolinogoa na verabau ni Hesbon, mara vorogokona na toroutsaniana na puku popono tana Moab. Me sauba kara mangusia na vera ni Madmen, kalina igira na mane vaumate kara ala baginia.

Jeremia 48:2 Referans Kwoze

Jeremia 31:36

Maia nogo e tsarivaganana iani, “Igira na puku tana Israel sauba kara totu saviliu, vaga nogo na aso ma na vula ma na veitugu.

Isaia 16:14

Mi kalina ia ma na Taovia e tsarigotoa, “E kau tolu lelê moa na ngalitupa, ma nina omea levolevo loki matena sui na Moab sauba kara nangaligi lê. Mi laoqira nina toga danga, sauba kara tsaurae lê moa kara mauri, migira sauba kara maluku lê.”

Tsoko Tinoni 32:37

Migira na puku konina a Ruben ara logovisua i Hesbon, mi Eleale, mi Kiriataim,

Jeremia 49:3

!Migamu na tinoni ni Hesbon, kamu ngangaidato! !E toroutsa saikesa kiki na Ai! !Migamu na daki ni Raba kamu sagelia na polo baubau ma kamu tangitangi! Ma kamu ulo bamai bubulega. Aia Molek nimui god peropero sauba kara aditsekâ kolugira sui goto nina manetabu ma na tinoni lokiloki.

Jeremia 48:45

Igira ara tovoa laka kara ba tsogoravi i Hesbon, aia nogo na verabau i tana a Sihon na taovia tsapakae e tagaovi kaputia i sau, mara ba reia e iru sui goto nogo aia. Ma na lake ia e iruvi poponoa, tsau bâ tana vovotana niqira kao, mi kelana niqira vungavunga, igira na tinoni vanga vailabu ni Moab.

Jeremia 48:42

Na Moab sauba ke toroutsa saikesa, me sauba ke tau goto lia sa puku na tinoni rongona aia e kaekae sosongo me sove taniau inau.

Jeremia 48:17

“Kamu tangisia na puku ia, igamu sui amu totu varangisia, mamu donaginia gana tangirongo. Kamu tsaria, ‘Gana susuliga ma gana tangirongo na Moab e puka sui nogo.’

Jeremia 46:28

Igamu na Israel, igamu niqu tinoni, kamu laka na matagu rongona inau nogo au totu kolugamu. Sauba kau toroutsanigira saikesa pipi sui na puku tavosi i tana inau au sarangasigamu, migamu moa e utu kau toroutsanigamu saikesa. E mana, sauba nomoa kau kedegamu, mi kalina kau kedegamu ma kau naua moa tana pedegoto. Inau nogo na Taovia au tsaria na omea iani.”

Jeremia 33:24

“?A Jeremia igoe, laka o tau rongomia igoe ara tsatsaria moa laka inau au sove tanikaira nogo na Israel ma na Juda, i kaira ruka na vungu au vilikaira nogo? Me vaga ia, mara reipeagira niqu tinoni vaga nogo ti igira ara tau nogo sa puku na tinoni.

Jeremia 25:17

Mi tana, minau au adia na tseu tana limana na Taovia, mau ba sauvanigira na puku sui igira aia na Taovia e ketsaliginiau kau sauvanigira kara inuvia.

Jeremia 25:15

Na Taovia, na God ni Israel, e tsarivaniau inau a Jeremia, “Iani e kesa na tseu na uaeni au dangaligininogoa niqu momosatoba loki inau. Ko adia na tseu iani igoe, mo ko liu i laona pipi sui na puku i tana inau kau ketsaliginigo ko vano, mo ko raigira kara inuvia.

Isaia 25:10

Na Taovia nogo sauba ke reitutugua na Vungavunga Sion, me ke tsogori rapasigira na tinoni ni Moab vaga saikesa nogo kalina ara tsogoria na buruburu makede tana tae.

Isaia 15:5

Minau au padasavi sosongo mau tangisia na Moab. Igira na tinoni ni tana ara tsogovano tana vera ni Soar, mi Eglat Selisia. Mara visana ara muridatoa na sautu e vano i Luhit, mara ngangai kalina ara vavano; mara visana ara tosogovano i Horonaim, mara ngangai gugû.

Isaia 15:1

Iani nogo e vaga na goko tana rongoqira na Moab. I laona kesa lelê moa na bongi, ara mai na gala mara toroutsani saikesalikaira na Ar ma na Kir, me gini mangu saikesa na kao popono ni Moab.

Jeremia 49:37

Me sauba kau naua migira na tinoni ni Elam kara matagunigira gaqira gala, igira ara area na labumatesiaqira. Mi tana niqu momosatoba loki sauba kau matesiligigira na tinoni ni Elam, ma kau mologira gaqira gala kara ba labumatesigira, poi tsau kalina kau suilavaginigira saikesa.