Jeremia 48:11 - Ghari

¹¹ Ma na Taovia e tsaria, “Igira na Moab ara totu raviravi dou sailagi moa, mara tau goto vati aditsekagira sa dani. Igira ara vaga saikesa nogo na uaeni ara mololakadoua mara tau pelea, mara tau qetu oli bamaia tana popovatu tavosi. Ara tau goto sekolia na vuruna, me inu dou sosongo.

Jeremia 48:11 Referans Kwoze

Sepania 1:12

“Mi tana tagu goto ia, minau sauba kau tungia na sulu ma kau laveginia na Jerusalem. Me sauba kau kedegira na tinoni sui au tsodoa i tana ara norua na susuligaqira segeni, mara tsarisegenia i tobaqira, ‘Na Taovia e totu lê moa, me tau goto naua sa omea ke sangaginigira na tinoni dou, se ke kedeginigira na tinoni seko.’

Sekaria 1:15

Mi kalina inau au kore tetelo moa vanigira niqu tinoni, mau gini raigira na tinoni tana puku tavosi kara maiginigira. Migira ara mai mara tau rotasi tetelogira moa niqu tinoni. Tagara. Ara tû mara paboa babâ mara sekoli pitsugira. Mi kalina ia, migira na puku tavosi ara totudou tana rago. Aia nogo na rongona ti inau au gini kore sosongo vanigira.

Nahum 2:2

Na Taovia e vangaraunogoa ke sauvisutugua gana tangirongo na Israel, vaga e tamanina nogo tana idana kalina igira gana gala ara tau vati sekolivania gana susuliga.

Jeremia 48:29

!Na vanga kaekae igira na Moab! Inau au rongominogoa laka ara kaekae sosongo, mara molonago sailagi, mara koesegeniqira, mara padaloki segeniqira sosongo.

Isaia 24:3

Na barangengo sauba ke toroutsa popono me ke totu seko lê. Na Taovia nogo e tsaria na omea iani, me sauba nomoa ke laba vaga ia.

Isaia 16:6

Mi kalina igira na Juda ara rongomia na omea ara tsaria igira na Moab, mara gini vaigokovigi mara tsaria, “Igita a rongominogoa danga sosongo na turupatu tana rongoqira igira na Moab, laka ara kaekae sosongo, mara padaloki segeniqira moa, mara koesegeniqira sosongo, ma niqira goko ara kobakoba lê sui.”

Linge 123:4

Ara tsiri sekoligami oka sosongo nogo igira ara tamani omea danga, mara peagami igira na vanga kaekae.

Linge 55:19

God aia e tagao tû mai nogo tana tuturigana tsotsodo, maia sauba ke rongomiau me ke tsogoripukalia gaqira susuliga igira, rongona ara sove na oliana niqira sasaga, mara tau goto dona na mataguniana aia.

Jeremia 51:34

Aia a Nebukadnesar na taovia tsapakae ni Babilon e kavitsunâ na Jerusalem me gani gana. Me mangusia na verabau ia vaga moa ti e korasia na popovatu; me konomi poponoa vaga moa ti kesa na tuqana vigo na omea atsi. Maia e adigira na omea sui e ngaoa na adiana, me tsonilea na turina.

Isaia 25:6

Mieni nogo tana Vungavunga Sion aia na Taovia Susuliga Sosongo sauba ke vangaraua kesa na kavomutsa loki vanigira na puku sui tana barangengo, aia na kavomutsa vuruga me serega dou, kolu uaeni laka saikesa.

Goko Tabana 1:32

Na tinoni tau sasaga ara mate rongona ara sove tania na sasaga loki. Migira na tinoni ara padâ laka ara dona nogo pipi na omea sui ara vaga moa na tinoni bule. Ma na papada vaga ia sauba ke toroutsanigira saikesa.

Nahum 2:10

!Reia bâ! !Na Ninive e toroutsa saikesa, mara viri tsogo sui na tinonina, me totu mangu lê! E kaso na tobaqira tana matagu, me pulo na tuaqira, me tavongani labe lê na koniqira.

Jeremia 22:21

Na Taovia e goko vanigo kalina igoe o totu dou mo tamani omea danga moa, migoe o sove na rorongo. Maia nogoria na omea igoe o naua tana maurimu popono, mo tau ngaoa ko rongomangana na Taovia.

Jeremia 48:12

“Bâ, mi kalina ia, e labamai nogo na tagu i tana inau sauba kau mologira na tinoni kara ba toroutsani poponoa na Moab vaga moa kalina ara korasia na popovatu na uaeni, mara tairutua.