Jeremia 48:1 - Ghari

¹ Iani nogo na omea na Taovia Susuliga Sosongo e tsaria tana rongona na Moab: “!E livu galuveqira igira na tinoni ni Nebo, e toroutsa sui nogo na veraqira! Mara tangolinogoa na Kiriataim, mara vui pukalia nina valekakai ara barapoliginia na vatu, mara paluvangamaqira nina tinoni.

Jeremia 48:1 Referans Kwoze

Tsoko Tinoni 32:3

“Na butona kao i tana na Taovia e sangagita igita na toga ni Israel na totuviana, igira na kao dou sosongo manana vania na molo omea tuavati, ma nimami omea tuavati igami ara danga sosongo. Igira nogo na vera ni Atarot, mi Dibon, mi Jaser, mi Nimra, mi Hesbon, mi Eleale, mi Sibma, mi Nebo, mi Beon.

Jeremia 27:3

Mo ko molo goko bâ vanigira na taovia tsapakae ni Edom, mi Moab, mi Amon, mi Tire, mi Sidon, igira na tuguqira ara totu nogo i Jerusalem na goko koluana a Sedekia na taovia tsapakae, migira nogo kara adi bâ na goko ia vanigira niqira taovia tsapakae.

Isaia 27:3

“Inau nogo na Taovia au reitutugua niqu uta na uaeni dou sosongo mau sao kona sailagi. Au matalia na bongi ma na dani rongona ke gini tagara goto ke kesa ke tangopekea.

Isaia 25:10

Na Taovia nogo sauba ke reitutugua na Vungavunga Sion, me ke tsogori rapasigira na tinoni ni Moab vaga saikesa nogo kalina ara tsogoria na buruburu makede tana tae.

2 Turupatu Dato 20:10

“Mi kalina ia, migira na tinoni ni Amon, mi Moab mi Edom ara maimaiginigami nogo. Eo, kalina igira na mumuamami ara rutsuligi tania i Ejipt, migoe o tau goto tamivanigira kara sage i laona niqira kao igira, te igira na mumuamami ara ba liu polia moa na veraqira mara tau goto toroutsanigira.

Tsoko Tinoni 24:17

Mau morosi bâ tana tagu ke mai i muri, mau reia na puku loki na tinoni ni Israel. E kesa na taovia tsapakae, aia ke maka vaga moa na veitugu, sauba ke tukae i laona na puku loki ia. Sauba aia ke tû i Israel me ke mai labu pukaligira niqira ida na Moab, me ke tsogori tsunagira sui na dalena a Set.

Tuturigana 19:37

Maia na dalena daki botsa ida e tamani kesa na dalena mane, me soaginia a Moab. Maia nogo na mumuaqira igira na Moab i dani eni.

Josua 13:19

mi Kiriataim, mi Sibma, mi Seret Sahar i kelana na tetena tetelo e totu tana poina,

Tuturigana 14:5

Mi tana sangavulu vatinina ngalitupa, ma Kedorlaomer kolugira igira ara sanga tabana kolua ara mai kolua niqira alaala na mane vaumate mara tuliusigira na Repaim i Asterot Karnaim, migira na Susim i Ham, migira na Emim tana poiatsa ni Kiriataim,

Isaia 25:12

Maia sauba ke toroutsanigira na valekakai ni Moab kolu baravatuqira katsi, me ke vui pukaligira saikesa ma kara lia vaga na papasa lê.